Yòwanìrzɛ̀ 4:21 - Mokpwe: Bakwery (New Testament)

²¹ Yerzù rzìi a mò òhweyà nanù ema, “Mòlanà kòkò rzɔ̀ŋgìtɛ̀nɛ̀ gbamù mamɛ ema na òhweyà. È hvònda yò ò jà ema inyɔ e rza ò kànɛlɛlɛ Tatɛ̀ ò ene hvàko tɔ̀ ò Jèrurzalɛ̀mù.

Yòwanìrzɛ̀ 4:21 Mawu Ofanana

Matiyò 18:20

O èŋgànɛ̀lɛ̀ rzɔ, tɔ̀ ima èki ema hwatò hwahwàkɛ tɔ̀ hwàyàwò hwa arzàŋgànɛ̀yi ò lìna la ami, imba hvɛ na hwèlì ò ìtììtènì ja awu.”

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Lukàrzɛ̀ 21:24

Hwàŋga hwatò hwa ŋwa ò njùma. Hwa lɛ̀mbɛ lòŋgò là hwaŋga hwatò nàa hwàkutu, rzìi hwa hwà ɛ̀ndɛ̀nɛ̀ ò hwehvɛhvɛ hwèkòmè. Hwàŋga hwatò ema hwa rza enje wònyà Yudà hwa ò nyɔ̀kɔ̀ Jèrurzalɛ̀mù nà matàŋgà mà awu, natɛ̀ɛ è hvònda ema Lohwɛ̀ à mà ika, è uka ò lìrzùkù.”

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 16:32

È ɔ̀ŋgɔ tɛ, e hvònda e hwèlì e ja, ndèŋgàna e ma màa lì jàa, ema e ò wùhweyà. Tɔ̀ ima mɔ̀ tɛ a ò hwaŋga lì timba ò èki ema a uwɛ̀lɛ̀lɛ̀yi. È ò nò lìya imba mbiti. Ndi tɔ̀ nanù, na rza enje imba mbiti, èhwanja Tatɛ̀ wa ami a hwèlì na imba.

Yòwanìrzɛ̀ 4:23

Ndi tɔ̀ nanù, e hvònda e hwèlì e jà, ndèŋgànɛ̀lɛ̀ e ma màa lì jà, ema hwàkànɛ̀lèlì hwa jɔ̀kɛ̀ hwa ò kànɛlɛlɛ Tatɛ̀ ò Èlìŋgɛ̀ na ò jɔ̀kɛ̀. Lini lìtumba la hwatò lɔ̀ ndi Lohwɛ̀ a arza nanù ema hwa mò kànɛlɛlɛ.

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Yòwanìrzɛ̀ 5:28

È rzi tameya ene eyà, e hvònda e hwèlì e ja ema hwatò hwa arzɛ ema hwà mà ŋwɛɛ hwa hwèya lìlò la eni.

Hwègbèèlì 6:14

I ma mò hwèya a òhwa nanù ema ònò Yerzù wa Nàrzàrɛ̀tì a rzuulɛ ene Ndawò yà Lohwà a eŋgòwa hvɛ hwɛ̀ɛ̀mɛ̀ hwe arzu ema hwe jò ŋgbàahwì na Mòrzè.”

Ɛ̀hvìrzìyà 2:18

Èhwanja ò mamɛ ema Krirztò à mà jò gbèeyà, irzɔ hwa arzɛ i hweni è njiya ò lì ɛndɛ ò mà Tatɛ̀. Èŋge Èlìŋgɛ̀ yà awɔ̀kɛ mɛnɛ yɔ̀ ndi è jò oŋgòhwànà ò lì gbeyà nanù.

Ɛ̀hvìrzìyà 3:14

Lìtiŋga lìni ema nà rzùma màwɔ̀ŋgɔ̀ŋgɔ̀ mà ami ò rze ò worzo wò ama Tatɛ̀ ò lì è kanɛ̀lɛ̀lɛ̀.

1 Tìmotì 2:8

Tɔ̀ ima èki ema hwatò hwa Krirztò hwa arzàŋganɛ, imba na arza nanù ema wunyanà ema hwà mà aŋgbɛ wɔ̀ hwiti o lì gbèeyà Lohwɛ̀ hwa karzɛ màà mà awu o ŋmanyu o lì kànɛ̀. Hwàŋga hwatò hwa rza hwɛni lì hwɛnɛ hwetato ò ŋmèma tɔ̀ lì hwɛ hwatò ema hwa tɔ̀wɔ.

1 Pètrò 1:17

Lohwɛ̀ a kàyìrzɛ̀ hwatò hwa arzɛ nyayi hvɔ̀kɔ, mo a rza timbana tɔ mòtò mburza. Ndèŋgànɛ̀lɛ̀, inyɔ e mo kànɛ tɛ, e a mo hwɛlɛ nanù ema Tatɛ̀. O èŋgànɛ̀lɛ̀ rzɔ e ohve wɔ̀ɔ̀ŋgɔ̀ wa ama Lohwɛ̀ o tenì ya mòŋgɛ ma anyu ma arzɛ o tenì ya ene rze, ema inyɔ e hwèlì ndi hwàyɛ̀nì.

Hwèwulùwèlì 21:22

O tenì ya eŋge mbowà ndɛɛndɛ na rza ɛnɛ e Ndawò ya Lohwà, ehwànja e Rzàŋgo Lòohwɛ̀ lì kàrzami na e Ŋgumà ya Mɔ̀lɛ̀ŋgù wɔ̀ ndi hwa hwèlì nàa e ndawò yà Lohwà.