Yòwanìrzɛ̀ 4:14 - Mokpwe: Bakwery (New Testament)

¹⁴ Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 4:14 Mawu Ofanana

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Matiyò 5:6

Mònàmɛ̀ nà hwatò ema hwa òhvi è njàwò nà è nyìrzɛ̀ ò lì gbèya hwèyà ema Lohwà arza nanù ema hwa gbèèye èhwanja Lohwɛ̀ à ò hwa ujirzɛ̀.

Yòwanìrzɛ̀ 10:10

È ŋmìhwɛ̀ a jà ndì ò lì ìhwa, na lì òŋwa na ò lì hvàŋga. Ndi imba na jɛlɛlɛ ndi ema hwa luwe lòŋgɛ, rzi hwa lì lùwa jɔ̀ɔ̀jɔ̀.”

Yòwanìrzɛ̀ 11:26

Tɔ̀ njɛnɛ ema, a hwelì o lìni lòŋgɛ, rzìi a nò lòkɛ̀, a rza ŋwa ò lòkɛ̀yì nanù e?”

Yòwanìrzɛ̀ 4:10

Yerzù rzìi a mò alàhwɛ̀ nanù ema, “O hwìiyàyì tɛ jàhwèyà ja ama Lohwɛ̀, rzìi ò hwiya hvɛ njɛnɛ ema a òhweyà à mà ò nò ŋgbe malìhwà mà lì nyɔ, ò ma ò wa ò nò ijò malìhwa. Ndèŋgàna ò ma imba na ò ŋgbèelì malìhwa ema mà ŋgba lòŋgɛ.”

Yòwanìrzɛ̀ 4:11

Oŋgò mòlanà rzìi a òhwa nanù ema, “Ìi Rzàŋgò kòkò, ò rza òhvi tɔ̀ yòma ò lì tɔ̀ɔ̀lɛ̀nɛ̀ malìhwa, ndèŋgànɛ̀lɛ̀ hvɛ ehvɔ̀ndi ya malìhwa e rzɔ̀ŋgɔ̀wu. Ima èki rzɔ ò wa ò lùwa manù malìhwa ema mà ŋgba lòŋgɛ e?

Yòwanìrzɛ̀ 4:13

Yerzù rzìi a mò alàhwɛ̀ nanù ema, “Tɔ̀ ima mòtò ema a nyɔ̀lì manù malìhwa, a ò hwɛnɛ nyìrzɛ hvɛ.

Yòwanìrzɛ̀ 4:36

Tɔ̀ nàŋgɛ nanù, è mòrzàŋgèlì wa mbòtà a lùwa ìitàŋgi ja eni, mɔ̀ à rzàŋga e mbòta ya lòŋgɛ la gbìndèyà, aŋga nanù e mɔ̀ ema a òni e mbòtà, nà è mɔ̀ ema à rzàŋga è mbòtà wɔ̀ hwahwàkɛ hwa ò òka mɔ̀nyɛ̀ŋgì.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Yòwanìrzɛ̀ 6:35

Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.

Yòwanìrzɛ̀ 6:58

O èŋgànɛ̀lɛ̀ imba ndi nà hwèlì èhvòòtò ema è uwɛ̀lɛ̀lɛ̀yi ò ŋmanyu yà lohwà. Nà rza enje ndi nàa èhvòòtò ema imbamba jà anyu ì mà lee tɔ̀ nɛ wɔ̀ hwa mà ŋwe. Ndi tɔ̀ njɛnɛ ema à ò lɛɛ è nyàmà nyò yà ami à ò hwɛnɛ ndi lòŋgɛ ema lì rza ò kuwa.”

Yòwanìrzɛ̀ 7:37

Wùnyà wò lìrzukù wò e ndèma ema wò ma hwɛ wùnyà wò menya wò ma uka. Yerzù à mà tɛ̀mɛ̀nɛ ò ŋmanyu rzìi a òhwa na lìlò lì karzami nanù ema, “Tɔ̀ ima mɔ̀ ema a hwèya e nyìrzɛ̀ ya malìhwa, a nò jèeya a nyɔ.

Ròmànì 5:21

O eŋgànɛ̀lɛ̀ rzɔ, na òma wòhwe wò hwɛni e ŋginyà ò lì jànà e kpelì, nanù mɛnɛ ndi e ndèli ya ama Lohwɛ̀ yɔ hvɛ e hwɛni ŋginyà aŋga nanù hwatò hwa ò emeyàlɛhwɛ ò wòrzò wò ama Lohwɛ̀, na lì luwa lòŋgɛ la gbìndèyà, lì akeyà na Yerzù Krirztò, Rzàŋgò wà arzu.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

2 Kɔ̀rintìyà 1:22

Lohwɛ̀ à mà jo ika embànèlì ya eni o lì uŋmɛ̀lɛ̀ nanù ema i hwèlì ndi hwatò hwa eni. A ika hvɛ Èlìŋgɛ̀ yà Wòtani o mèèmà me arzu, o lì uŋmɛ̀lɛ̀ ema i lùwa mamɛ ya arzɛ ema a jo kàkɛ̀nɛ̀yi.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

Hwèwulùwèlì 7:16

Wɔ̀ hwa rza o hweyà a hweyà hvɛ tɔ̀ njàwò, ndèŋgànɛ̀lɛ̀ hwa rza o hwɛnɛ ahwɛ̀nɛ̀ hvɛ tɔ̀ nyìrzɛ ya malìhwa. Igbe i rza o hwa hvahva hvɛ, ndèŋgànɛ̀lɛ̀ hwa rza o atowɛ tɔ̀ ètùmbàtùmbà ndɛnɛ hvɛ.

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”