Yòwanìrzɛ̀ 4:1 - Mokpwe: Bakwery (New Testament)

¹ Yerzù a mà hwiya ema Ihvàlìrzàyì hwà mà hwèya nanù ema mɔ̀ à hwèlì a lùwa na lì lùhwìrzɛ̀ rzayì-rzayì ja hwà-òkòwèlì lì aka Yòwanìrzɛ̀.

Yòwanìrzɛ̀ 4:1 Mawu Ofanana

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 19:31

Mòtò à è ijòwi tɛ nanù ema, ‘Mamɛ ndeŋgàtɛ è rzòlòwà iŋgi jàkàrzì e?’ È mò òhweyà nanù ema, ‘È Rzàŋgò è ji tukanelì.’”

Lukàrzɛ̀ 19:34

Hwa mà hwa alàhwɛ̀ nanù ema, “È Rzàŋgò è ji tukanelì.”

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 7:13

Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Lukàrzɛ̀ 7:19

À mà hwa òma ema hwa ɛ̀ndɛ̀ hwa ijòwè Yerzù nanù ema, “O wa ndi ò hwèlì è mɔ̀ ema Lohwɛ̀ à mà òhwe ema a òma, ŋgà ja ambɛ̀lɛ ò hvɛhvɛ e?”

Yòwanìrzɛ̀ 3:22

Ò mburzà yà hvònda Yerzù nà Hwà-òkòwèlì hwa eni hwa mà ɛ̀ndɛ ò e erzòòkà ya Jùdeyà. Wɔ̀ hwa arzɛ hwà mà akɛlɛ ŋgurzu ja mèenyà aŋga, rzìi a lùhwìrzɛ̀ hvɛ hwatò aŋga.

Yòwanìrzɛ̀ 3:26

Hwà mà jèeyà Yòwanìrzɛ̀ rzìi hwa mò òhweyà nanù ema, “Ìi Mòòkòlèlì kòkò, ò ɔ̀ŋgɛ̀lɛ̀ e mòtò ema à mà hwɛ na ò wa ɔ̀nɛyi èhvarzù ya mòrzò mò Jɔdànì e? È mɔ̀ ema ò ma hwɛ lì òhwa hweyà lì mò hvòmɛ̀nɛ̀. Wa ɔ̀ŋgɔ tɛ! Mɔ̀ ndi à lùhwìrzɛ̀ hwatò nanù! Ndeŋgana rzayi-rzayi ja hwatò hwa mò ɛndeya.”

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

1 Kɔ̀rintìyà 1:17

Krirztò à rzì nò omè ò lì lùhwìrzɛ̀ hwatò. À mà nò omà ndi ò lì ohwà Ŋmɛ̀ndì mò Gbamù mò ama Lohwɛ̀. Nà rza è ohwane hvɛ nà tɔ̀ mbɔrzi yà gbàŋgò. Nà gbeyànì tɛ è mbɔrzi yà gbaŋgo, èŋge ŋgàna è hwɛ ndi ema, è kpelì yà ama Krirztò ò mbàrza è rze enje tɔ̀ eyà.

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

Jèmìrzì 2:1

Wònyànyàŋgo wa ami kòkò. Inyɔ nàa hwàlòkèlì hwa ama Rzàŋgo wa arzu Yerzù Krirztò, e Rzàŋgo ema èluhwe ya eni e kàrzàmi, inyɔ e rza àŋgàmɛ̀nɛ̀yi lì ɛnɛ tɔ̀ ima mòtò rzìi e mo wowa o a ɛnɛ oma a ohvi wòlìto tɔ̀ a rza ohvi wòlìto.

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”