Yòwanìrzɛ̀ 3:7 - Mokpwe: Bakwery (New Testament)

⁷ È rzi tàmà nà òma nà òhweyàyi nanù ema, ‘Mòtò à hwɛnì lì ŋyàahwa hvɛ mòhvènya.’

Yòwanìrzɛ̀ 3:7 Mawu Ofanana

Yòwanìrzɛ̀ 3:12

Imba Yerzù na ò òhwèlì lì hvomɛ̀nɛ̀ hweyà hwe rze ndi ò rza nò lòkɛ̀, nɛ ò wa ò tànɛyi lì nò lòkɛ̀ na ò òhwèlì tɛ hweyà hwe ŋmanyu yà lohwà e?

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Yòwanìrzɛ̀ 3:6

È mɔ̀ ema à ŋyàahwi nà è nyàmà yà nyò yà mòtò à hwèlì ndi mòtò wà hwènàmà ndèŋgàna è mɔ̀ ema à ŋyàahwi nà Èlìŋgɛ̀ yà Lohwɛ̀ à hwèlì ndi èlìŋgɛ̀.

Yòwanìrzɛ̀ 3:8

È mbɛ̀hvɛ̀nì è uŋgɛlɛ èki ema è lìŋgàni. È hwèya nà òma è uŋgɛ̀lɛ̀ ndi è rza tànɛyi lì hwiya òne è uhwɛlɛlɛyi tɔ̀ òne è ɛndɛ. Nànù ndi è hwèlì hvɛ nà tɔ̀ ima mɔ̀ ema à ŋyààhwì nà Èlìŋgɛ̀ yà ama Lohwɛ̀.”

Yòwanìrzɛ̀ 5:28

È rzi tameya ene eyà, e hvònda e hwèlì e ja ema hwatò hwa arzɛ ema hwà mà ŋwɛɛ hwa hwèya lìlò la eni.

Kòlòrzìyà 1:12

Inyɔ è ò eka, Tatɛ̀ ò hweyà hwe arzɛ. Mɔ̀ ndi à gbèyi nanù ema inyɔ è tànɛ lì hwɛ hwatò ema hwa tànɛyi lì lùwa lòŋgo là erzàŋgo ema mɔ̀ à ùtelì hwatò wà eni ò èki ema ŋmàye mò hwèlì.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

Hwèwulùwèlì 21:27

Tɔ̀ yoma yà mbìndo tɔ̀ yɔ̀kɔ, tɔ̀ mòtò ema à gbeyà hweyà hwe wòhwe, tɔ̀ mòtò ema à kɔ̀ɔ hweyà, tɔ̀ mɔ̀kɔ wà awu a rza ò kpèeyà ò tenì yà eŋge mbowà ndɛ̀ɛ̀ndɛ̀. Hwàto ema mìinà mà awu mà hwèlì ò tenì yà è kààti yà lòŋgɛ yà ama è Ŋgumà yà Mɔ̀lɛ̀ŋgù wɔ̀ mɛnɛ ndi hwa ò kpèeyà ò tenì.