Yòwanìrzɛ̀ 3:5 - Mokpwe: Bakwery (New Testament)

⁵ Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Yòwanìrzɛ̀ 3:5 Mawu Ofanana

Matiyò 18:3

rzìi à òhwa nanù ema, “Nà è jɔ̀kɛ̀ nà è òhweyà nanù ema, è rza tikòhwi tɛ mòŋgɛ mà anyu rzìi è hwɛ nàa ini njuma ŋmanà, è rza ò tànɛ̀ lì kpeya ò lìkànèyà là ŋmanyu.

Matiyò 19:24

Nà e òhweyà hvɛ ema, e rza ambani èembè nàa e Kamɛlì ò lì akeyà ò lìhvɔ̀ndi la ndɔ̀ndɔ̀kì, ndi e ambani èwàŋgì ya mòtò ò lì kpèeyà ò lìkànèyà là ama Lohwɛ̀.”

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 5:20

O èŋgànɛ̀lɛ̀ rzɔ, na e òhwèyà nanù ema natɛ̀ɛ inyɔ è gbèèyà Lohwɛ̀ lì aka Ihvàlìrzàyì, nà Hwà-òkòlèlì hwa mbenda, inyɔhvɛ è rza ò kpèèyà a kpèèyà ò Likànèyà là è ŋmanyu yà lohwà.”

Makòrzì 10:14

Ndi nà òmà Yerzù a mà ɛnɛ èŋge eyà nanù, e mà mò tàtirzɛ rzìi a òhweyà hwà-òkòwèlì hwa eni nanù ema, “È hwɛ̀mɛ̀ hwàànà hwarzàlì hwa jè nà imba, è rzi hwa kekà, èhwanja ini nyayi ja hwatò ndi hwa hwɛnì Lìkànèyà la ama Lohwɛ̀.

Makòrzì 16:16

Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Makòrzì 9:47

Lììrzɔ̀ là aŋgɔ hvɛ lì ò gbèyi tɛ nanù ema ò gbeye wòhwe, ò lì ulɛ, ò lì hvimbe, ò hwèlì gbamù ò wà ò lì kpèeyà ò Lìkànèyà là ama Lohwɛ̀ nà lìrzɔ̀ lɔ̀kɔ, lì akà lì òhvà mìrzɔ̀ màhwàkɛ rzìi ò aŋgbahwa ò ehvɔ̀ndi ya mùnya.

Lukàrzɛ̀ 13:24

“È kèkè ò lì kpèeyà ndi ò lìyòhva ema lì ihvi. Èhwanja ò jɔ̀kɛ̀, rzayì-rzayì ja hwatò hwa ò kèka ò lì kpèeyà, ndi hwa rzà ò tanɛ.

Lukàrzɛ̀ 13:3

Jàyɛ̀! Nà è òhweyà ema, inyɔ hvɛ è rza hwɛmì tɛ wòhwe wò anyu lì tìmbeyà Lohwɛ̀ nanù òma inyɔ hwa arzɛ è kùwa lì ŋwa nàa wɔ̀.

Lukàrzɛ̀ 13:5

Jàyɛ̀! Nà è òhweyà ema, inyɔ hvɛ è rza hwɛmì tɛ wòhwe wò anyu lì tìmbeyà Lohwɛ̀ nanù òma inyɔ hwa arzɛ è kùwà lì ŋwa nàa wɔ̀.”

Yòwanìrzɛ̀ 1:13

Wɔ̀ hwa rza enje ndi hwàànà hwa ama Lohwɛ̀ nàa hwatò hwa hwènàmà hwa ŋyàa hwànà. Hwa rzi hwɛ ndi hwàànà hwa ama Lohwɛ̀ nàa ò à ɛnɛ ema mòtò wà hwènàmà ndi à hwa ŋyàayi. Lohwɛ̀ mɔ̀ ŋmìti ndi à hwèlì è Tatɛ̀ yà awu.

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Yòwanìrzɛ̀ 3:4

Nikòdemòrzi rzìi à mò ijòwa nanù ema, “Nɛ èkòka yà mòtò è ŋyàahwa hvɛ mòhvenyɛ̀hvènyɛ̀ e? A rza tànɛyi lì kpèeyà hvɛ ò ewòni ya ama e nyàŋgò ya eni ò lì ŋyàahwà hvɛ e ŋgèlì e ùkirzɛ̀ ihwàkɛ!”

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

1 Kɔ̀rintìyà 15:50

I wònyàmowe, mamɛ ema na e ohweyà e hwèlì ndi nanù ema, yòma ema e wèkahwì ema ya ohvi nyo na màyija, e rza tanɛ lì lùwa hweyà hwe lìkànèyà la ama Lohwɛ̀. I nyo ema jo ò hwɛ natɛ̀ɛ nà ò mòlìkɛ̀ i rza o lùwa hweyà ema hwe o hwɛ natɛ̀ɛ na o mòlìkɛ̀.

1 Kɔ̀rintìyà 2:12

I rzà ohvì ndi èlìŋgɛ̀ ya ene rze, i ohvi ndi èlìŋgɛ̀ yà wòtani ema Lohwɛ̀ a jo ŋgbèli, oma i ma rzɔ̀ŋgìtɛ̀nɛ̀ hweyà hwe arzɛ ema hwe jo ŋgbààhwì nà Mɔ̀, ò ŋgùndù.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Gàletìyà 6:15

Ò rza hvàŋgèlì tɔ̀ eyà mòtò à endàhwà tɔ̀ à rzi endàhwè. Eyà ema è hwèlì wòlìtò è hwèlì ndi ema Lohwɛ̀ à gbèye mòtò à timbe mohvènya.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

1 Pètrò 1:2

Lì hvomɛ̀nɛ̀ hwètɛ̀yìrzèlèlì hwe ama Lohwɛ̀ è Tatɛ̀, mɔ̀ à ma lòma lì è hvɔ̀rzɔ̀. Ndeŋgànɛ̀lɛ̀ è Èlìŋgɛ̀ yà eni è mà è gbeyà ò lì hwɛ hwatò ema hwa rzàŋgì. À mà gbeyà nanù aŋga nanù inyɔ è hwɛ ò lì gbeyà mamɛ ema Yerzù Krirztò à ohwi nanù ema è gbeye. À mà gbeyà nanù aŋga nanù, màyija mà eni emà ma mà rzihweyà ò mbàrza mà gbeyà wòhwe wò anyu wò ò làkìrzɛ̀hwɛ̀. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ ema lì ondìrzɛ̀hwɛyi è hwɛ nà inyɔ̀.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.

1 Yòwanìrzɛ̀ 2:29

Inyɛ̀ è hwiye nanù ema Krirztò mɔ̀ à gbeyà hweyà ema hwe hvomɛ̀nɛ̀yi ò worzo wò ama Lohwɛ̀, ò eŋgànɛlɛ inyɛ è hwìye nanù ema tɔ̀ ima mòtò ema à gbèyi mamɛ ema è hvomɛ̀nɛ̀yi ò worzo wò ama Lohwɛ̀ à hwèlì ndi è ŋmanà wà ama Lohwɛ̀.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.