Yòwanìrzɛ̀ 3:4 - Mokpwe: Bakwery (New Testament)

⁴ Nikòdemòrzi rzìi à mò ijòwa nanù ema, “Nɛ èkòka yà mòtò è ŋyàahwa hvɛ mòhvenyɛ̀hvènyɛ̀ e? A rza tànɛyi lì kpèeyà hvɛ ò ewòni ya ama e nyàŋgò ya eni ò lì ŋyàahwà hvɛ e ŋgèlì e ùkirzɛ̀ ihwàkɛ!”

Yòwanìrzɛ̀ 3:4 Mawu Ofanana

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Yòwanìrzɛ̀ 6:53

Yerzù rzìi a hwa òhweyà àma, “Nà e òhweyà ndi e jɔ̀kɛ̀ e rza lelì tɛ e nyàmà nyò ya ama è Ŋmanà wà è Mòtò wà Hwènàmà rzi e nyɔ hvɛ màyija ma eni e rza tànɛyi lì òhva lòŋgɛ la gbìndèyà.

Yòwanìrzɛ̀ 6:60

Rzayì-rzayì ja hwatò ema hwà mà hwɛ lì òŋgama Yerzù na òma hwà mà hweye hwene hweyà rzìi hwa òhwa nanù ema, “Hwene hwèyòkòlèlì hwe ambi ò lì rzɔ̀ŋgìtɛ̀nɛ̀, njɛnɛ mɔɔ a tànɛyi lì e emeyà lìni lìtumba la eyà e?”

1 Kɔ̀rintìyà 1:18

Ŋmɛ̀ndì mò è kpelì yà ama Krirztò ò mbarza, mò hwèlì ndi èètì nà hwàŋgà hwatò ema hwa hwɛnì lì hvàŋgahwà. Ndì irzɔ̀ ema i hwèlì ò lì rzùŋgàhwà, ì hwi nanù ema mòŋgò ŋmɛ̀ndì mò hwèlì ndi è ŋginyà yà ama Lohwɛ̀.

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.