Yòwanìrzɛ̀ 3:32 - Mokpwe: Bakwery (New Testament)

³² Hweyà ema a ɛnɛ na mamɛ ema a hweyà ɔ̀ndi mɔ̀ à òhwa ndi tɔ̀ nanù tɔ̀ mòtò a rza mò lòkɛ̀.

Yòwanìrzɛ̀ 3:32 Mawu Ofanana

Matiyò 7:8

Èhwanja tɔ̀ njɛnɛ ema à ijòwi Lohwɛ̀, à è lùwà, tɔ̀ njɛnɛ hvɛ ema à arza yòma à è ɛnɛ̀. È mɔ̀ hvɛ ema à kùmbi lìyòhva, Lohwɛ̀ à mò lìhvòweyà è lɔ̀.

Yòwanìrzɛ̀ 1:11

A mà jèeya ndi e mbòwà ya eni ndi hwatò hwa eni hwa rzi mò kàrzɛ.

Yòwanìrzɛ̀ 15:15

Nà rza e ò hwɛlɛ hvɛ ema e hwèlì ndì hwàgbèèlì èhwanja mògbèèlì a rza hwi mamɛ e rzàŋgò wa eni wa èwòlò a gbeyà, na e hwɛlɛ ndi nanù ema imbunda ja ami èhwanja na e òhweyà hweyà ema Tatɛ̀ wà ami à mà nò òhweyà.

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Yòwanìrzɛ̀ 3:11

Nà e òhweyà e jɔ̀kɛ̀ nanù ema irzɔ jò òhwa ndi mamɛ ema i hwi. I tɛ̀mɛ̀ mbòŋgi ò mamɛ ya arzɛ ema irzɔ i ma ɛnɛ. Ndi tɔ̀ nanù, tɔ̀ mɔ̀kɔ hwa anyu a rzi imanɛlɛ ò lìlòkɛ̀ hweyà ema i hwèlì jò òhwa.

Yòwanìrzɛ̀ 3:26

Hwà mà jèeyà Yòwanìrzɛ̀ rzìi hwa mò òhweyà nanù ema, “Ìi Mòòkòlèlì kòkò, ò ɔ̀ŋgɛ̀lɛ̀ e mòtò ema à mà hwɛ na ò wa ɔ̀nɛyi èhvarzù ya mòrzò mò Jɔdànì e? È mɔ̀ ema ò ma hwɛ lì òhwa hweyà lì mò hvòmɛ̀nɛ̀. Wa ɔ̀ŋgɔ tɛ! Mɔ̀ ndi à lùhwìrzɛ̀ hwatò nanù! Ndeŋgana rzayi-rzayi ja hwatò hwa mò ɛndeya.”

Yòwanìrzɛ̀ 3:33

Tɔ̀ ima mɔ̀ ema a emeyà mamɛ ema a òhwi, nanù ò ma a emelì na ŋmèma mò eni mò arzɛ ema Lohwɛ̀ a hwèlì ndi Lohwɛ̀ na e jɔ̀kɛ̀.

Yòwanìrzɛ̀ 5:20

Èhwanja Tatɛ̀ a lìŋgàni è Ŋmanà wà eni, ò èŋgànɛ̀lɛ̀ a mò uŋmɛ̀lɛ̀ mamɛ ya arzɛ ema mɔ̀ à gbeyà. A ò mò uŋmɛ̀lɛ̀ hvɛ hweyà hwe ndɛnɛ ò lì gbeyà lì aka hwenè, aŋga nanù òma inyɔ hwa arzɛ e ma jeja.

Yòwanìrzɛ̀ 8:26

Nà òhvi hweyà rzayì-rzayì ò lì e òhweyà, na lì e kàyìrzɛ̀. Ndi e mɔ̀ ema à mà nò òma, a hwèlì ndi wa jɔ̀kɛ̀. Ndeŋga tɔ̀ mamɛ ema nà mà mò hweyànɛ, na òhweyà e rze.”