Yòwanìrzɛ̀ 3:29 - Mokpwe: Bakwery (New Testament)

²⁹ Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

Yòwanìrzɛ̀ 3:29 Mawu Ofanana

Matiyò 22:2

“Lìkànèyà là ŋmanyu yà lohwà lì hwèlì ndi nàa Kiŋgɛ hvɔ̀kɔ ema è mà òhweyà hwàgbèèlì hwa eni ema hwa rzèkeya e ndèma ya lìhwa la ama e ŋmanà wa eni wa mùnyanà.

Matiyò 25:1

Yerzù à mà kpɛɛ mɔ̀ hvɛhvɛ ŋmàna ò lì òhwa nanù ema, “Ò eŋge hvònda ema è Ŋmanà wà è Mòtò wà Hwènàmà à ò jɛ̀ɛ̀, lìkànèyà là ŋmanyu lì ò hwɛ ndi nàa lìyòmɛ̀ là mèyɔ̀mbɔ̀ mè ŋgɔ̀ndɔ̀ ema hwa mà wòwà hwètùlù hwe awu ò lì ɛ̀ndɛ lì ambɛlɛlɛ è mòhwayèlì ò lì ɛndɛ lì mò lìyɛlɛ.

Matiyò 9:15

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Lukàrzɛ̀ 15:6

Òŋgò mòtò à ukì tɛ ò ndawò yà èni, à hwɛlɛ ìmbunda nà hwatò ema hwa lìyàa lì mò kòmbɛ̀nɛ̀. À hwa òhweyà nanù ema, ‘È nò òkane mɔ̀nyɛ̀ŋgì, èhwanja nà lu ehvòwà ya ami ya mɔ̀lɛ̀ŋgù ema e ma wɔ̀.’”

Yòwanìrzɛ̀ 15:11

Nà e òhweyà ndi hwene hweyà hwe arzɛ aŋga nanù inyɔ hvɛ e òka e nyayi ya mɔ̀nyɛ̀ŋgì ema imba hvɛ na òka. Ndèŋgànɛ̀lɛ̀ mɔ̀nyɛ̀ŋgì mò anyu mò ònda.

Yòwanìrzɛ̀ 16:24

Nàtɛ̀ɛ nà nàŋgɛ è rzi mò ijòwi tɔ̀ yomà ò lìnà là ami. E ijòwa Lohwɛ̀, à ò ŋgbà, òma mɔ̀nyɛ̀ŋgì mò anyu mò mà ònda.

Yòwanìrzɛ̀ 17:13

O naŋgɛ na e jèeyà. Nà òhwa ndi hwenè hweyà na òma e hwèlì nanù mɛnɛ ò rze aŋga nanù mɔ̀nyɛ̀ŋgì mò awù mo òndìrzɛ̀hwɛ̀yi, mòlemilemi na òma e mò ami mò òndirzɛhwɛyi.

Yòwanìrzɛ̀ 3:30

Mɔ̀ Yerzù, èluhwe ya eni e hwɛnì lì kàrzɛ̀hwɛ ndi imba èluhwe ya ami e hwɛnì lì rzìhwìrzɛ̀hwɛ.”

2 Kɔ̀rintìyà 11:2

Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

Hvìlipìyà 2:2

Mɔ̀nyɛ̀ŋgì mo ami mo o ondìrzɛ̀hwɛ, e hwèlì tɛ nanù ema e ohvi mɔ̀ŋgɛ̀lɛ mɔ̀kɔ, e awuŋmɛ̀lɛ̀nɛ tɛ mɔ̀kɔ na ɔnɛyi ndiŋgɛ, e ohvi tɛ ŋmèma mɔ̀kɔ ndèŋgànɛ̀lɛ̀ e hwɛ ndi nàa mòtò mɔ̀kɔ o tɔ̀ mamɛ ema e gbeyà.

1 Yòwanìrzɛ̀ 1:4

Irzɔ i tìla ene kaatì aŋga nanù oma mɔ̀nyɛ̀ŋgì mo arzu mo ma onda.

2 Yòwanìrzɛ̀ 1:12

Ò hwèlì hweyà rzayì-rzayì ema nà mà hwɛnɛ lì è ohweyà, ndi nà rza arze lì hwe tìla ò tenì yà ene kààti. Ndi nà àhvitɛ̀ nanù ema nà ò èhvɛhvɛ, aŋga nanù jò ò à ɛ̀nɛ̀nɛ̀ ò worzo nà worzo, aŋga nanù mɔ̀nyɛ̀ŋgì mò arzu mò ònda.

Hwèwulùwèlì 21:9

Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”