Yòwanìrzɛ̀ 3:17 - Mokpwe: Bakwery (New Testament)

¹⁷ Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 3:17 Mawu Ofanana

Matiyò 1:23

“È òkànèyà mɔ̀ɔ̀mbɔ̀ mò ŋgɔ̀ndɔ̀ ema mò rzi hwi munyanà mò lìta lèmì, mò ŋya ŋmanà wà mùnyanà, hwa ò mò hwɛlɛ ndi Èmànùwɛ̀lì.” Jàànda jà lini lìinà lì hwèlì ndi nanù ema, “Lohwɛ̀ à hwèlì nà irzɔ̀.”

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Lukàrzɛ̀ 9:56

Yerzù na hwà-òkòwèlì hwa eni rzìi hwa ɛ̀ndɛ ò èhvɛhvɛ mbòwà.

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 10:36

Imba ndì na hwèlì e mɔ̀ ema Lohwɛ̀ à nàmìrzɛ̀yi rzi a nò òmi ò rze, nɛ rzɔ inyɔ e tànɛ̀yi lì òhwa nanù ema imba na hwɛnyɛ Lohwɛ̀ e? Èhwanja imba na òhwi nanù ema imba ndì nà hwèlì è Ŋmanà wà ama Lohwɛ̀ e?

Yòwanìrzɛ̀ 11:42

Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 17:18

Nà hwa òmi ò rze, na òma ò ma nò òme ò ene rze.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Yòwanìrzɛ̀ 17:25

Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Yòwanìrzɛ̀ 5:36

Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Yòwanìrzɛ̀ 5:38

È rza uti ŋmɛ̀ndi mò eni ò mèèmà me anyu, èhwanja e rza lòkɛ̀ e mɔ̀ ema no òmi.

Yòwanìrzɛ̀ 5:45

Tɔ nɛ e rza na emelɛ e rza lùtèyà nanù ema imba ndi na ò hwɛ e mɔ̀ ema a òhweyà Tatɛ̀ wa ami nanù ema e rza nò emelì Mòrzè ema inyɔ e ikayi mahvita mɔ̀ mɛnɛ ndi à hwèlì e mɔ̀ ema a òhwa nanù ema inyɔ e gbèyi wòhwe.

Yòwanìrzɛ̀ 6:29

Yerzù rzìi a hwa alàhwɛ̀ nanù ema, “Èya ema Lohwɛ̀ a arza ema e gbeye e hwèlì ndi nanù ema e nò lòkɛ̀ imba ema mɔ̀ à òmi.”

Yòwanìrzɛ̀ 6:38

Èhwanja na rza uhwɛlɛlɛ ò ŋmanyu yà lohwà ò lì jà lì gbeyà hweyà na òma na lìŋgàni. Nà jelì ndi ò lì gbeyà na òma Tatɛ̀ wa ami ema a nò òmi a àrzeyà.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yòwanìrzɛ̀ 6:57

Tatɛ̀ ema a gbèyi ema hwatò hwa hwɛ lòŋgɛ mɔ̀ ndi hvɛ a na òmi, mɔ̀ ndi hvɛ a gbèyi ema na hwèlì lòŋgɛ. Nànù ndi e hwèlì na tɔ̀ njɛnɛ hvɛ ema a lelì e nyò ya ami na mò gbeyà a hwɛ lòŋgɛ.

Yòwanìrzɛ̀ 7:29

Ndi nà mò hwi èhwànja nà uwɛ̀lɛ̀lɛ̀yi ndi ò mbe eni, mɔ̀ ndi à nò òmi.”

Yòwanìrzɛ̀ 8:11

Oŋgò mòlanà à mà mò alàhwɛ̀ nanù ema, “Wa èluhwe kòkò, tɔ̀ mɔ̀kɔ.” Yerzù rzìi a mò òhweyà nanù ema, “Tɔ̀ imba hvɛ na rza ò tùulɛ̀. Ɛ̀ndɛ nàŋgɛ ò hwɛmɛ lòŋgɛ lì aŋgɔ̀ la wòhwe.”

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.

1 Yòwanìrzɛ̀ 2:2

Krirztò ŋmìti à mà hwɛ ndi nàa jàhwèyà ema Lohwɛ̀ à mà gbeyàne o lì jo kɔ̀tɔ̀ o wòhwe ema i ma gbeye. A ma gbeyà ndi nanù aŋga nanù irzɔ i luwa lì làkìrzɛnɛ. Rzeketɛ o wòhwe wo arzu mɛnɛ ndi o wòhwe wo hwatò hwa arzɛ hwa ene rze.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.