Yòwanìrzɛ̀ 3:15 - Mokpwe: Bakwery (New Testament)

¹⁵ Ène e gbèyɛ̀nɛ nanù, aŋga nanù tɔ̀ ima mɔ̀ ema a mò lòkɛ̀ a luwa lòŋgɛ la gbìndèyà.

Yòwanìrzɛ̀ 3:15 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Makòrzì 16:16

Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Yòwanìrzɛ̀ 3:36

Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yòwanìrzɛ̀ 6:47

Nà e òhweyà ndi e jɔ̀kɛ̀, tɔ̀ njɛ ema a nò lòkɛ̀yì a ò luwa lòŋgɛ la gbìndèyà.

Hwègbèèlì 13:41

‘È ɔŋgɔ̀ tɛ inyɔ hwatò ema e kikòwa Lohwɛ̀! È ò tàmà, ndèŋgànà e ò ŋwa, èhwanja eyà ema na ò gbèyɛ mene mèenyà, e hwèlì ndi eyà ema inyɔ e rza ò lòkɛ̀, tɔ̀ e hwɛ ndi nanù ema mòtò a e telɛlɛyi e yɔ.’”

Hwègbèèlì 8:36

Nà òma hwà mà hwɛ lì ɛndɛ, rzìi hwa uka èki ema e ma hwɛ malìhwa, rzìi eŋge yumɛ e òhwa nanù ema, “Ɔŋgɔ̀ malìhwà mà anu, ò rza nò lùhwìrzɛ̀ ŋgelì hvɔ̀kɔ e?”

Ròmànì 5:21

O eŋgànɛ̀lɛ̀ rzɔ, na òma wòhwe wò hwɛni e ŋginyà ò lì jànà e kpelì, nanù mɛnɛ ndi e ndèli ya ama Lohwɛ̀ yɔ hvɛ e hwɛni ŋginyà aŋga nanù hwatò hwa ò emeyàlɛhwɛ ò wòrzò wò ama Lohwɛ̀, na lì luwa lòŋgɛ la gbìndèyà, lì akeyà na Yerzù Krirztò, Rzàŋgò wà arzu.

1 Kɔ̀rintìyà 1:18

Ŋmɛ̀ndì mò è kpelì yà ama Krirztò ò mbarza, mò hwèlì ndi èètì nà hwàŋgà hwatò ema hwa hwɛnì lì hvàŋgahwà. Ndì irzɔ̀ ema i hwèlì ò lì rzùŋgàhwà, ì hwi nanù ema mòŋgò ŋmɛ̀ndì mò hwèlì ndi è ŋginyà yà ama Lohwɛ̀.

2 Kɔ̀rintìyà 4:3

È hwèlì tɛ ema ŋmɛ̀ndì mo Lohwà mo gbamù ema jo òhwa mo rza kpèelì o mèèmà me lòŋgo la hwatò, e hwɛ rzɔ ndi nanù èhwanja hwaŋga hwatò hwa rza e lòkɛ̀yi. Nà oma hwa rza lòkɛ̀yi Lohwɛ̀, hwa rza o hwɛ na mɔ̀.

Gàletìyà 2:16

Ndi tɔ̀ nɛ irzɔ i hwi nanù ema Lohwɛ̀ a rza emeyà mòtò ema a hwèlì wòtani èhwanja a nɔ̀ŋgɔ e mbenda. Ndi lì lòkɛ̀ ema mòtò a lòkɛ̀ Yerzù Krirztò lɔ ndi lì gbeyà Lohwɛ̀ a emeyà mòtò ema a tɛmi ehve-ehve. O eŋgànɛ̀lɛ̀ rzɔ irzɔ hvɛ i lòkɛ̀yi Yerzù Krirztò aŋga nanù Lohwɛ̀ a jo emeyà èhwanja i lòkɛ̀yi Yerzù ndi rzeketɛ ema èhwanja ji ikayi e mbenda. Lohwɛ̀ a rza emeyà e mòtò èhwanja a nɔ̀ŋgɔ e mbenda.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Hibrù 10:39

Ndi irzɔ ì rza enje ndi nàa hwaŋga ema hwa timbeya ò mburzà rzi hwa wɔ̀lɛ̀nɛ̀. Ndi ì hwèlì ndi hwaŋga ema hwa lòkɛ̀yì Lohwɛ̀ rzi hwa oŋgìrzɛ̀hwɛ.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

1 Yòwanìrzɛ̀ 2:25

Èya ene ema Krirztò ŋmìti à jò kàkɛ̀nɛ̀yi, ene eyà è hwèlì ndi lòŋgɛ là gbìndèyà.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.