Yòwanìrzɛ̀ 3:13 - Mokpwe: Bakwery (New Testament)

¹³ O rza enje tɔ̀ mɔ̀kɔ ema à mà ɛ̀ndɛ ò ŋmanyu ya Lohwà lì aka tɛ è Ŋmanà wà è Mòtò wà Hwènàmà ema a uhwɛlɛlɛ ò ŋmanyu ya Lohwà lì jà ò rze ya mɔ̀nyɛ̀.”

Yòwanìrzɛ̀ 3:13 Mawu Ofanana

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 3:12

Imba Yerzù na ò òhwèlì lì hvomɛ̀nɛ̀ hweyà hwe rze ndi ò rza nò lòkɛ̀, nɛ ò wa ò tànɛyi lì nò lòkɛ̀ na ò òhwèlì tɛ hweyà hwe ŋmanyu yà lohwà e?

Yòwanìrzɛ̀ 3:31

È mɔ̀ ema a uhwɛlɛlɛ ò ŋmanyu yà Lohwà, a akayi hwatò hwa arzɛ. È mɔ̀ ema a ŋyààhwì anu rze ya mɔ̀nyɛ̀ a hwèlì ndi wa ene rze, ndèŋgàna a òhwa hvɛ ndi hweyà hwe ene rze. È mɔ̀ ema a uhwɛlɛlɛ ò ŋmanyu yà lohwà, a akayi hwatò hwa arzɛ.

Yòwanìrzɛ̀ 6:33

Èhwanja imba ndi nà hwèlì eŋge èhvòòtò ema Lohwɛ̀ à ŋgba, ema è uhwɛlɛlɛ ò ŋmanyu yà lohwà, ema è ŋgba hwatò hwa ene rze lòŋgɛ.”

Yòwanìrzɛ̀ 6:38

Èhwanja na rza uhwɛlɛlɛ ò ŋmanyu yà lohwà ò lì jà lì gbeyà hweyà na òma na lìŋgàni. Nà jelì ndi ò lì gbeyà na òma Tatɛ̀ wa ami ema a nò òmi a àrzeyà.

Yòwanìrzɛ̀ 6:42

Hwa mà òhwa hvɛ nanù ema, “Rzeke Yerzù è ŋmana wà ama Jòrzɛ̀hvù ònò, e? Rzeke I hwi rzàŋgɛ na nyàŋgɛ e? Nɛ̀ rzɔ a tànɛyi lì òhwa naŋgɛ nanù ema a uwɛ̀lɛ̀lɛ̀yi ndi o ŋmanyu ya Lohwà e?”

Yòwanìrzɛ̀ 6:46

È rza enje nanù ema mòtò à mà ɛnɛ Tatɛ̀. È mɔ̀ ema a uwɛ̀lɛ̀lɛ̀yi ò ma Lohwɛ̀, mò ŋmìti ndi à mà ɛnɛ Tatɛ̀.

Yòwanìrzɛ̀ 6:51

Imba ndi nà hwèlì èhvòòtò ema è ŋgba lòŋgɛ ema è uwɛ̀lɛ̀lɛ̀yi ò ŋmanyu yà Lohwà. Tɔ̀ njɛnɛ à lelì ene èhvòòtò, à hwɛnɛ lòŋgɛ ema lì rza kùwa. Ndèŋgànɛ̀lɛ̀ ene èhvòòtò ema nà è ŋgba è hwèlì ndi è nyò yà ami ema nà ò ŋgba ò lì rzùŋga lòŋgɛ là ene rze.”

Yòwanìrzɛ̀ 6:62

Mamɛ e òhwa e ɛni tɛ è Ŋmanà wà è Mòtò wà Hwènàmà a kòòhwa tɛ lì timba ò èki ema à mà uwɛ̀lɛ̀lɛ̀yi!

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.

Hwègbèèlì 2:34

Irzɔ i hwi nanù ema, Dàhwitì mɔ̀ ŋmìti a rzi agbe ò ŋmanyu yà lohwà ndi tɔ̀ nanù, mɔ̀ à mà òhwa nanù ema, ‘Rzàŋgò Lohwɛ̀ à mà òhweyà e Rzàŋgò ya ami nanù ema, Lììyà ò lìya la ami la mòmɛ̀,

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Ròmànì 10:6

Ndi eyà ema e kààtì ya Lohwà e òhwa lì hvòmɛ̀nɛ̀ lì ikahwa la ehve-ehve na Lohwɛ̀ lì akeyà na lìlòkɛ̀ la eni lì hwèlì ndi nanù ema, “O wa ò rza hwɛni ò lì àyijòwɛ̀ nanù ema njɛ̀nɛ a ò agbɛ ò ŋmanyu yà lohwà e?” (Èŋge ŋgàna e hwèlì ndi ò lì ulɛ Krirztò ò ŋmanyu ò lì mò rziirzɛ ò rze).

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

Ɛ̀hvìrzìyà 1:23

Lì arzàŋganɛ la hwatò hwa Lohwɛ̀ lì hwèlì ndi è nyo yà ama Krirztò. Liŋgi lì arzàŋganɛ là hwatò hwa Lohwɛ̀ ndi lì hwèlì lì ondìrzɛ̀ la ama Krirztò ndeŋga Krirztò à ondìrzɛ̀ hweyà hwe arzɛ ò tɔ̀ ima èki ema hwe hwèlì.