Yòwanìrzɛ̀ 3:11 - Mokpwe: Bakwery (New Testament)

¹¹ Nà e òhweyà e jɔ̀kɛ̀ nanù ema irzɔ jò òhwa ndi mamɛ ema i hwi. I tɛ̀mɛ̀ mbòŋgi ò mamɛ ya arzɛ ema irzɔ i ma ɛnɛ. Ndi tɔ̀ nanù, tɔ̀ mɔ̀kɔ hwa anyu a rzi imanɛlɛ ò lìlòkɛ̀ hweyà ema i hwèlì jò òhwa.

Yòwanìrzɛ̀ 3:11 Mawu Ofanana

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 23:37

“Bɔ̀ɔ! Inyɔ hwatò hwa Jèrurzalɛ̀mù, hwatò hwa Jèrurzalɛ̀mù! Inyɔ ema e ma òŋwa hwà-òhwèlì hwa hwèlìŋgɛ̀. Inyɔ ema e ma aŋgba hwaŋga hwatò ema hwà mà òmàhwɛlɛ màŋyàyi. È hwi ŋgelì iti ema nà mà kekɛ lì rzaŋga hwàna hwa anyu nàa wuhwa ema e gbiyama i ŋguma jà eni ò tenì ya mahvahve mà eni e? Ndi inyɔ e rza emeyà.

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 1:11

A mà jèeya ndi e mbòwà ya eni ndi hwatò hwa eni hwa rzi mò kàrzɛ.

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 12:49

È ò hwɛ ndi nanù èhwanja na rza òhwa ndi hwene hweyà hwe arzɛ na lìkànèyà la ami. Ndi e Tatɛ̀ ema a nò òmi à mà nò rzèkeya mamɛ ema na hwɛni lì òhwa.

Yòwanìrzɛ̀ 14:24

È mɔ̀ ema a rza nò lìŋgànɛ a rza ika hwèyòkòlèlì hwe ami. Hwenè hwèyòhwèlì ema e hwèya, hwe rza enje e hwe ami. Hwe hwèlì ndi e hwe ama Tatɛ̀ ema à mà nò òma.”

Yòwanìrzɛ̀ 3:12

Imba Yerzù na ò òhwèlì lì hvomɛ̀nɛ̀ hweyà hwe rze ndi ò rza nò lòkɛ̀, nɛ ò wa ò tànɛyi lì nò lòkɛ̀ na ò òhwèlì tɛ hweyà hwe ŋmanyu yà lohwà e?

Yòwanìrzɛ̀ 3:13

O rza enje tɔ̀ mɔ̀kɔ ema à mà ɛ̀ndɛ ò ŋmanyu ya Lohwà lì aka tɛ è Ŋmanà wà è Mòtò wà Hwènàmà ema a uhwɛlɛlɛ ò ŋmanyu ya Lohwà lì jà ò rze ya mɔ̀nyɛ̀.”

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Yòwanìrzɛ̀ 5:43

Nà jelì ò lìna la ama Tatɛ̀ wa ami ndi e rza nò emelì. Ndi ò hvɛhvɛ mòtò a jelì tɛ ò lìna la eni, e mò emeyà.

Yòwanìrzɛ̀ 7:16

O èŋgànɛ̀lɛ̀ Yerzù à mà hwa alàhwɛ̀ nanù ema, “Hwèyòkòlelì ema na òkòlɛ hwe rza enje e hwe ami, ndi e uwɛ̀lɛ̀lɛ̀yi ndi na e mɔ̀ ema a nò òmi.

Yòwanìrzɛ̀ 8:14

Yerzù rzìi a hwa alàhwɛ̀ nanù ema, “Tɔ̀ na òma na atɛ̀mɛ̀lɛyi e mbòŋgi, hwe òhwèlì hwe ami hwe hwèlì ndì e jɔ̀kɛ̀, èhwanja na hwi èki ema na uwɛ̀lɛ̀lɛ̀yi, na èki hvɛ ema na ɛ̀ndɛ. Ndi inyɔ e rza hwi èki ema na uwɛ̀lɛ̀lɛ̀yi tɔ̀ èki ema na ɛ̀ndɛ.

Yòwanìrzɛ̀ 8:26

Nà òhvi hweyà rzayì-rzayì ò lì e òhweyà, na lì e kàyìrzɛ̀. Ndi e mɔ̀ ema à mà nò òma, a hwèlì ndi wa jɔ̀kɛ̀. Ndeŋga tɔ̀ mamɛ ema nà mà mò hweyànɛ, na òhweyà e rze.”

Yòwanìrzɛ̀ 8:38

Imba na e òhweyà ndi mamɛ ema na ɛni ò ma Tatɛ̀. Ndi inyɔ e gbeyà ndi mamɛ e ɛni na e rzàŋgò ya anyu.”

Hwègbèèlì 22:18

O tenì ya ini jɛ̀nɛ̀ni imba nà mà ɛnɛ Rzàŋgò. A ma nò òhweyà nanù ema, ‘Ahweŋgɛ ò anjiye ò Jèrurzalɛ̀mù ehwànja hwatò hwa ene mbòwa hwa rza ò emeyà hweyòhwèlì hwe aŋgɔ̀ ò lì nò hvòmɛ̀nɛ̀.’

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 3:14

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Làwòdèrzìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì, Inyɛ̀ wò Lìya Nànù. Mɔ̀ à gbeyà ndi nà oma Lohwɛ̀ à àrzeyà, à hwèlì ndi mboŋgi ya jɔ̀kɛ̀, ndèŋgànɛ̀lɛ̀ ò lì akeyà nà mɔ̀, ɔndi Lohwɛ̀ à mà wèkè hwèèmà hwe arzɛ natɛ̀ɛ nà ò hwèwòtèlì.