Yòwanìrzɛ̀ 3:10 - Mokpwe: Bakwery (New Testament)

¹⁰ Yerzù rzìi à mò alàhwɛ̀ nanù ema, “O wa ò hwèlì ndi Mòòkòlèlì mò ndɛnɛ wa wònya Irzàyɛ̀lì ndi ò wa ò rza rzɔ̀ŋgìtɛ̀nɛ̀ hwenè hweyà e?

Yòwanìrzɛ̀ 3:10 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 15:14

È rza atàkìrzɛ̀ ò nyòla ya awu! Hwa hwèlì ndi hwàtìmbèlì hwa ndima; mòtò wa ndìma a timbì tɛ òhvɛhvɛ mòtò wà ndìma, hwahwàkɛ hwa undà ò tenì yà èhvɔ̀ndì.”

Matiyò 22:29

Yerzù rzi a hwa alàhwɛ̀ nanù ema, “È hwèlì ndi ò matòna, èhwanja e rza rzɔ̀ŋgìtɛ̀nɛ̀ mamɛ Èya ya Lohwà e òhwa ndèŋgànɛ̀lɛ̀ e rza rzɔ̀ŋgìtɛ̀nɛ̀ hvɛ nɛ e ŋginyà ya ama Lohwɛ̀ e hwèlì.

Lukàrzɛ̀ 2:46

O mèènyà meyawò hwa mà mò ùŋma ò Ndawò yà Lohwà. À mà lìya nà hwà-òkòlèlì, rzìi a hwa òkànèyà nà lì hwa ijòwà mììjòwelì.

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Yòwanìrzɛ̀ 3:9

Nikòdemòrzi rzìi à mò ijòwa nanù ema, “Nɛ ene nyayi yà eyà è tànɛyi lì gbèyɛ̀nɛ e?”

Hwègbèèlì 5:34

Ndi mɔ̀kɔ wà awu wà Hvàlìrzàyì ema à mà hwɛ̀lɛ̀hwɛ̀ Gàmàlìyɛ̀lì ema à mà hwɛ ndi Mòòkòlèlì wà è mbenda ema hwatò hwa mà ŋgbe èluhwe ndɛnɛ à mà tɛ̀mɛ̀nɛ ò ŋmanyu rzi à òhweyà wòlìya nanù ema inyɛ hwa lòme lì wurzirzɛ I àpɔ̀rzìtòlò ò èwòka.

Ròmànì 2:28

È hwɛnì lì hwiya nanù ema, rzeketɛ hwatò ema hwa e kàrzɛ ò lì awuŋmɛ̀lɛ̀ ndi hwa hwèlì Wònyà Yudà. Ndèŋgànɛ̀lɛ̀ rzeketɛ lì endàhwa la e nyò ya e mòtò wa hwènàmà ema lì ɛneya ò mirzɔ̀ lɔ ndi lì hwèlì eyà ema e òndìrzɛ̀ mòtò ò lì hwɛ e mòtò wà Yudà.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

Kòlòrzìyà 2:11

Nà oma è hwèlì ò mòndeŋgè nà Krirztò, Krirztò à mà è endà. Rzeketɛ nà oma mòtò wà hwènàmà à endà mòtò. Krirztò ndi à hwèlì è mɔ̀ ema à yè endà ò èlìŋgɛ̀. À mà è ulɛ̀ ɛ̀ɛ̀mɛ̀ yà anyu yà wòhwe.