Yòwanìrzɛ̀ 21:7 - Mokpwe: Bakwery (New Testament)

⁷ È Mòòkòwèlì ema Yerzù à mà lìŋgàne, rzìi a òhwà nanù ema, “È hwèlì ndi Rzàŋgò!” È hvònda Rzimɔ̀ni Pètrò à mà hweye nanù ema Rzàŋgò òŋgò, à mà wɔtɔ̀ mòŋgòmbè mò eni (Èhwanja à mà ulɛ màatù ma eni). Rzìi à hvanja, a unda ò tenì ya malìhwa.

Yòwanìrzɛ̀ 21:7 Mawu Ofanana

Makòrzì 11:3

È ɛni mòtò a e ijòwi tɛ nanù ema, ‘Mamɛ e gbeyà nanù e?’ È mò òhweyà nanù ema, ‘È Rzàŋgò è jì tùkanelì. À jì tìmbìrzɛ̀ ŋgèlì hvɔ̀kɔ.’”

Lukàrzɛ̀ 12:35

“È akpàtɛ, hwerzànjà hwe anyu ò màlùhwe, e hvààlɛ̀ hvɛ hwètùlù hwe anyu,

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 7:47

O lì òhwà la jɔ̀kɛ̀, è ndìŋgɛ ema ò nò mòlanà a nò uŋmɛ̀lɛ̀, e mò jànelì lì làkìrzɛ̀nɛ̀ la wòhwe wa eni wa àrzɛ. Tɔ̀ njɛnɛ ema a lù lìlàkìrzɛ̀nɛ̀ lìrzàlì a uŋmɛ̀lɛ̀ hvɛ ndi ndìŋgɛ rzàlì.”

Yòwanìrzɛ̀ 13:23

Mɔ̀kɔ wà hwaŋga hwànɔ̀ŋgèlì hwa ama Yerzù ema mɔ̀ à mà lìŋgàne rzìi à lììyà ò tòŋgòŋgò yà eni.

Yòwanìrzɛ̀ 19:26

Nà òma Yerzù à mà ɛnɛ nyàŋgò yà eni nà è mòòkòwèlì ema à mà lìŋgàne hwa tɛ̀mì aŋga rzìi à òhweyà nyàŋgɛ nanù ema, “Iyàkà è ŋmanà wà aŋgɔ̀ òŋgò.”

Yòwanìrzɛ̀ 20:2

A ma ɛ̀ndɛ lìhwaŋgi na lì hvinjɛlɛ rzi a ùŋmanɛlɛ Rzìmɔ̀nì Pètrò nà òhvɛhvɛ mòòkòwèlì wa ama Yerzù, òŋgò mòòkòwèlì à mà hwɛ ndi e mɔ̀ e ma Yerzù à mà lìŋgàne. Rzìi Màlìyɛ̀ a hwa òhweyà nanù ema, “Hwà mà ulɛ èhwèmbè ya ama Rzàŋgò ò rzɔ̀ŋgɔ̀, ò èŋgànɛ̀lɛ̀ i rza hwi èki ema hwa mò ikayi.”

Yòwanìrzɛ̀ 20:20

Nà òma à mà kulɛ lì òhwa nanù, rzìi a hwa uŋmɛ̀lɛ̀ màà mà eni na èhvàrzù ya eni ya luuŋga. Hwà-òkòwèlì hwa eni hwà mà lìŋga na òma hwa mò ɛnɛ.

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

Yòwanìrzɛ̀ 21:20

Pètrò à mà ɔ̀ŋgɔ ò mburza rzìi à ɛnɛ ɔ̀nɛyi Mòòkòwèlì wà ama Yerzù ema Yerzù à mà lìŋgàne à hwa òŋgama. È mɔ̀ ema à mà lììyà Yerzù ò tòŋgòŋgò è hvònda hwa mà hwɛ lì làa è ŋgòmbe. Mɔ̀ hvɛ ndi à mà ijòwa nanù ema, “Ìi Rzàŋgò njɛnɛ à hwɛnì lì ò àhwirzɛ̀ e?”

Yòwanìrzɛ̀ 21:24

È mòòkòwèlì ò nò ema a tɛ̀mɛ̀ mbòŋgi ya hwene hweyà ndèŋgàna mɔ̀ ndì a hwe tilì. Ndèŋgana i hwi nanù ema tɔ̀ mamɛ a òhwi e hwèlì ndi e jɔ̀kɛ̀.

Yòwanìrzɛ̀ 21:8

Hwanɛyi Hwà-òkòwèlì hwa ama Yerzù hwà mà jà ò rzàawà ya malìhwa na mɔɔlɔ̀ ma awu, rzìi hwa rzìima e mbunja ya awu. Èŋge mbunja e ma ònda na nyàmà ja malìhwa. Èki ema hwà mà wurze na wɔ̀ɔlɔ̀ ò lì uka ò mòkòkò ò rzi rzɔlɛnɛ. È ma hwɛ eyà ya egbe ya mɛta.

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

2 Kɔ̀rintìyà 5:14

È ndìŋgɛ ya ama Krirztò yɔ ndi e ma wowɛ mèèmà me arzu o lì gbeyà hweyà ema i gbeyà, èhwanja i lòkɛ̀yi nanù ema Krirztò à mà ŋwèeyà hwatò hwa arzɛ. Ène ŋgàna e gbèyi ndi nàa tɔ̀ ima mòtò à mà ŋwa.

Jèmìrzì 2:1

Wònyànyàŋgo wa ami kòkò. Inyɔ nàa hwàlòkèlì hwa ama Rzàŋgo wa arzu Yerzù Krirztò, e Rzàŋgo ema èluhwe ya eni e kàrzàmi, inyɔ e rza àŋgàmɛ̀nɛ̀yi lì ɛnɛ tɔ̀ ima mòtò rzìi e mo wowa o a ɛnɛ oma a ohvi wòlìto tɔ̀ a rza ohvi wòlìto.