Yòwanìrzɛ̀ 20:29 - Mokpwe: Bakwery (New Testament)

²⁹ Yerzù rzìi a mò òhweyà nanù ema, “O lòkɛ̀ rzɔ ndì èhwanja ò nò ɛni e? Mònàmɛ̀ mò hwɛ na hwaŋga ema hwa rza ɛnɛ rzìi hwa lòkɛ̀yì.”

Yòwanìrzɛ̀ 20:29 Mawu Ofanana

1 Pètrò 1:8

Inyɔ e mo lìŋgàni, tɔ̀ nɛ e rzi mo ɛni. Inyɔ e mo lòkɛ̀yi tɔ̀ nɛ o naŋgɛ e rzi mo ɛni. O eŋgànɛ̀lɛ̀ rzɔ inyɔ e oke mɔ̀nyɛ̀ŋgi, na màlìŋgo ma ndɛnɛ ema mà rza ohwawa.

2 Kɔ̀rintìyà 5:7

Irzɔ i hwèlì o lòŋgɛ na nyo ja arzu èhwanja i mo lòkɛ̀ ndi rzeketɛ ema i mo ɛnɛ.

Hibrù 11:1

Lilòkɛ̀ lì hwèlì ndi o lì ika ŋmèma mo aŋgɔ̀ nanù ema o hwɛni lì lùwa mamɛ ema o arza ndèŋgàna o e luwa. O hwi na e jɔ̀kɛ̀ nanù ema hwèèmà ema o rza ɛni hwe hwèlì aŋga.

Hibrù 11:27

Lìlòkɛ̀ lì ɔ̀ndi lì ma gbeyà ema, Morzè mɔ̀ à hwɛmɛ èkomè ya Ìjiptò, e rzi hwɛ tɔ̀ lì oka hwetàtò hwe ama e kiŋgɛ̀ wɔ̀ŋgɔ̀. A ma kaka ŋmèma natɛ̀ɛ a ɛ̀ndɛ nàa e mòtò ema a ɛnɛ Lohwɛ̀ na mììrzɔ̀ ma eni ema tɔ̀ mòtò a rza tànɛyi lì ɛnɛnɛ na mììrzɔ̀ ma eni.

Lukàrzɛ̀ 1:45

Lohwɛ̀ a ò nàmìrzɛ̀, èhwanja ò lòkɛ̀yi nanù ema, eyà ema e Rzàŋgò e mà ò òhweyà e ò gbèyɛ̀nɛ.”

Yòwanìrzɛ̀ 4:48

Yerzù rzìi à mò òhweyà nanù ema, “È rza lòkɛ̀! Nàtɛ̀ɛ inyɔ hwanù hwatò è ɛnɛ hwèèmbànèlì nà mànyàka.”

Yòwanìrzɛ̀ 20:8

Rzìi ɔ̀nɛyi mòòkòwèlì ema à mà lòma lì uka ò rzɔ̀ŋgɔ̀ mɔ̀ hvɛ à mà kpeya ò tenì, à mà ɛnɛ hweŋge hwema rzìi a lòkɛ̀.

Hibrù 11:39

Lìlòkɛ̀ la hwanu hwatò hwa arzɛ lì ma gbeyà Lohwɛ̀ à mà hwa okana mɔ̀nyɛ̀ŋgì. Ndi tɔ̀ nanù, tɔ̀ mɔ̀kɔ wa awu a rzi luwe mamɛ Lohwɛ̀ à mà kàkɛ̀nɛ̀ hwatò hwa eni.

Matiyò 13:16

Yerzù rzìi a ɛ̀ndɛ̀nɛ̀ e mbɔrzi ò wòrzò ò lì òhwa nanù ema, ‘Ndi inyɔ e nàmìrzɛ̀hwɛ̀ èhwanja e ɛnɛ hweyà ema e ɛnɛ ndèŋgànɛ̀lɛ̀ hvɛ e hwèya hweyà ema e hwèya.

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”