Yòwanìrzɛ̀ 2:9 - Mokpwe: Bakwery (New Testament)

⁹ Oŋgò mɔ̀ɔ̀ŋgèlì à mà keke maŋgà malìhwa, ema ma mà tìmbìrzɛ̀hwɛ mììmbà. A rzi tanɛ lì emba èki ema ma mà uwɛlɛlɛ (tɔ̀ nɛ hwàgbèèlì ema hwà mà mò ŋgba e mɔ̀ hwà mà hwìye). Oŋgò mùnyanà rzìi a hwɛlɛ e rzàŋgò ya mɔ̀ɔ̀mbì ò tòŋgòŋgò,

Yòwanìrzɛ̀ 2:9 Mawu Ofanana

Matiyò 27:34

Aŋga ndì hwa mà ŋgbè Yerzù hwènyɔ̀ɔ̀nì ema hwe ma hvuŋguwahwa na yòma ema e mà ɔkɔ̀ hviyayi ò wàna, ndi na òma à mà mò òkànèyà, a rzɔ̀rzɔ̀ ò lì ma nyɔ.

Matiyò 9:15

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Yòwanìrzɛ̀ 2:8

Rzìi à hwa òhweyà nanù ema, “O naŋgɛ nanù, e kòohwe lòŋgò, e ɛ̀ndɛneya e mɔ̀ɔ̀ŋgèlì hwa hweleelì na hwènyɔ̀ɔ̀nì.” Hwàŋga hwàgbèèlì hwà mà gbeyà nanù.

Yòwanìrzɛ̀ 4:46

Ŋgelì hvɔ̀kɔ hvɛ, mɔ̀ à mà jà hvɛ ò mbòwà yà Kenà ò èki ema mɔ̀ à mà eŋgòwe malìhwa ò lì tìmba mimba. Àŋga òma rzɔ, ò mà hwɛ mòkànèlì mɔ̀kɔ wà lìkànèyà, ema è ŋmanà wà eni à mà nàŋgana mòrziyò ò mbòwà yà Kàpɛ̀nàwɔ̀mì.

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.