Yòwanìrzɛ̀ 2:4 - Mokpwe: Bakwery (New Testament)

⁴ Yerzù à mà mò alàhwɛ̀ nanù ema, “Ìi mòlanà kòkò, ò rza àŋgàmɛ̀nɛ̀ lì nò òhweyà mamɛ ema na hwɛni lì gbeyà. Ndi e hvònda ya ami e rzi ɔlɛyi.”

Yòwanìrzɛ̀ 2:4 Mawu Ofanana

Matiyò 15:28

Yerzù rzìi a mò alàhwɛ̀ nanù ema, “O hwèlì ndi mòlanà a òhvi lìlòkɛ̀ lì òlò! Mamɛ ò arza e ò gbèyɛnɛ.” Liwòkimɛnɛ e ŋmanà wa eni wa mòlanà à mà wɔ̀wɔ̀.

Matiyò 8:29

Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Lukàrzɛ̀ 2:49

Yerzù rzìi à hwa alàhwɛ̀ nanù ema, “Mamɛ e nò àrzana e? È rza hwi ema nà hwɛnì ndi lì hwɛ ò ndawò ya ama Rzàŋgò wà ami e?”

Yòwanìrzɛ̀ 12:23

Yerzù rzìi a hwa alàhwɛ̀ nanù ema, “È hvònda e ma uka ema èluhwe ya ama è Ŋmanà wà è Mòtò wà Hwènàmà e hwɛni lì ɛnɛhwɛ.

Yòwanìrzɛ̀ 13:1

O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 2:3

Mììmbà ma mà kuwa, rzìi Yerzù nyàŋgɛ a mò jèeya a mò òhweyà nanù ema, “Mììmbà ma awu ma mà kuwa.”

Yòwanìrzɛ̀ 20:13

Rzìi hwa ijòwa Màlìyɛ̀ nanù ema, “Mòlanà kòkò, mamɛ ò eyeya e?” Rzìi à hwa alàhwɛ̀ nanù ema, “Hwà mà wòwa èembè ya ama Rzàŋgò wa ami, ò èŋgànɛ̀lɛ̀ na rza hwi èki ema hwa mò ikayi.”

Yòwanìrzɛ̀ 20:15

Yerzù rzìi a mò ijòwa nanù ema, “Mòlanà kòkò, mamɛ ndèŋgàtɛ̀ ò eyaa e? Njɛnɛ ò wa ò arza e?” Màlìyɛ̀ à mà ɔ̀ŋgɛ̀lɛ̀ ndi nanù ema òŋgò mòtò a hwèlì ndi e mòtò a gbèeyà ò eŋge hvaya. Rzìi à mò òhweyà nanù ema, “Rzàŋgò a hwèlì tɛ nanù ema ò wa ndi ò wòwi èembè ya eni, ò nò òhweyà èki ò wa ò ma e ika, imba na ɛ̀ndɛ lì e wòwa.”

Yòwanìrzɛ̀ 7:30

Nà òma à mà òhwe nanù, hwa keka ò lì mò ŋgbaŋgɛ, ndi tɔ̀ mɔ̀kɔ à rzi mò hwàkɛ lìya ò nyò ya eni, èhwanja è hvònda ya eni e rzi ùke.

Yòwanìrzɛ̀ 7:6

Yerzù rzìi a hwa timbirzɛlɛlɛ nanù ema, “È hvònda ya ami e rzi uki. Ndi inyɔ è hvònda ya anyu e hwèlì ndi tɔ̀ ima hvònda.

Yòwanìrzɛ̀ 7:8

Inyɔ è ɛ̀ndɛ ò ndèma. Imba nà rza ɛ̀ndɛ èhwanja è hvònda ya ami e rzi uki.”

Yòwanìrzɛ̀ 8:20

Yerzù à mà òhwa ndi hwenè hweyà nà òma mɔ̀ à mà hwɛ lì òkòlɛ̀ ò Ndawò yà Lohwà. Lì kòmbɛ̀nɛ̀ èki ema hwà mà aŋgbeyà e njàŋge ya e Ndawò yà Lohwà. Ndi tɔ̀ mòtò a rzi tanɛ lì mò hvùma, èhwanja e hvònda ya eni e rzi ùke.

2 Kɔ̀rintìyà 5:16

Li wòteya nàŋgɛ, inyɛ i rza wowa hwatò na oma hwa ɛneya. Tɔ̀ nɛ o ma hwɛ lìrzako ema i ma hwɛ lì ɛnɛ Yerzù na mìirzɔ ma hwatò hwa hwènàmà i rza mo ɛnɛ nanù hvɛ.