Yòwanìrzɛ̀ 2:22 - Mokpwe: Bakwery (New Testament)

²² O mburzà ya hvònda ema Yerzù à mà ŋwe rzi Lohwɛ̀ a mò hvùmùlɛ̀, ɔ̀ndi Hwà-òkòwèlì hwa eni hwa a ɔ̀ŋgɛ̀lɛ̀ mamɛ ema mɔ̀ à mà òhwe. Aŋga ndi wɔ̀ hwa lòkɛ̀ hwètìlèlì hwe eyà ya Lohwà na e mbɔrzi ema Yerzù à mà òhwe.

Yòwanìrzɛ̀ 2:22 Mawu Ofanana

Lukàrzɛ̀ 24:26

Rzeke e mà hwɛ ndi nanù ema, è Mɔ̀ ema à Ɔ̀kirzɛ̀hwɛ̀yi à ò lùwa mene mètàkà me arzɛ, ndèŋgàna à ò lùwa èluhwe ya eni.”

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 12:16

Nà òma hwene hweyà hwe mà gbèyɛ̀nɛ̀, hwà-òkòwèlì hwa eni hwa rzi hwe rzɔ̀ŋgìtɛ̀nɛ̀. Ndi nà òma Yerzù à mà hvùmùwè nà èluhwe yà ama Lohwà, rzìi hwa ɔ̀ŋgɛ̀lɛ̀ nanù ema hweyà ema hwe mà gbèyɛ̀nɛ̀ lì hvòmɛ̀nɛ̀ Yerzù, hwe mà lòma lì tìlahwa.

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 16:4

Nà e òhwèlì ndi ene eyà, aŋga nanù, e hvònda e jelì tɛ ema hwene hweyà hwe ò gbèyɛ̀nɛ òma ema ɔ̀ŋgɛ̀lɛ̀ ema nà mà e kòkòwɛlɛ. “Nà rzi lòme lì e òhweyà hwenè hweyà ò hwewòtelì, èhwanja, nà mà hwɛ na inyɔ.

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 2:17

Nà òma Hwà-òkòwèlì hwa ama Yerzù hwà mà ɛnɛ nanù, rzìi hwa ɔ̀ŋgɛlɛ na òma e ma tìlahwe ò kààtì ya ama Lohwà nanù ema, “Ìi Rzàŋgò, e nyìrzɛ ema na hwɛni nà è Ndawò yà aŋgɔ, e tànɛyi lì nò òŋwirzɛlɛlɛ.”

Yòwanìrzɛ̀ 2:2

Yerzù nà hwà-òkòwèlì hwa enì, wɔ̀ hvɛ hwa mà yòwɛ̀hwɛ ò lìŋgi lìhwa.

Hwègbèèlì 11:16

Àŋga ndi nà à ɔ̀ŋgɛ̀lɛ̀ hweyà ema Rzàŋgò mɔ̀ à mà òhwe nanù ema, ‘Yòwanìrzɛ̀ à mà lùhwìrzɛ̀ ndi nà malìhwa, ndi inyɔ è ò lùhwìrzɛ̀hwɛ̀ ndi nà Èlìŋgɛ̀ yà Wòtani.’

Hwègbèèlì 13:33

Mɔ̀ à mà òndìrzɛ̀ eyà ema à mà òhwe ò lì akeyà nà irzɔ ema ì hwèlì ò mòtende mò awu, nà òma à mà hvùmùlɛ̀ Yerzù ò kpelì. Nà òma è tìlahwì ò kààtì yà mɛ̀rzɔ̀kɔ̀ yà ama Lohwɛ̀ ò èhvàrzù ema è ùkirzɛ̀ hwehwakɛ nanù ema, ‘Ò wà ò hwèlì ndi è Ŋmanà wà ami, yawònò nà mà jà ndi è Tatɛ̀ yà aŋgɔ̀.’