Yòwanìrzɛ̀ 2:21 - Mokpwe: Bakwery (New Testament)

²¹ Ndi e ndawò ema Yerzù mɔ̀ à mà hwɛ lì òhwa, e ma hwɛ ndi e nyò ya eni.

Yòwanìrzɛ̀ 2:21 Mawu Ofanana

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 2:22

O mburzà ya hvònda ema Yerzù à mà ŋwe rzi Lohwɛ̀ a mò hvùmùlɛ̀, ɔ̀ndi Hwà-òkòwèlì hwa eni hwa a ɔ̀ŋgɛ̀lɛ̀ mamɛ ema mɔ̀ à mà òhwe. Aŋga ndi wɔ̀ hwa lòkɛ̀ hwètìlèlì hwe eyà ya Lohwà na e mbɔrzi ema Yerzù à mà òhwe.

1 Kɔ̀rintìyà 3:16

Nà lòkɛ̀yi nanù ema e ayèmbɛ inyɔ hwa arzɛ nanù ema e hwèlì ndi nàa e Ndawò yà Lohwà. Ndèŋgana èlìŋgɛ̀ ya ama Lohwɛ̀ e hwèlì, e lìyayi o ìtììtènì ja anyu.

1 Kɔ̀rintìyà 6:19

È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀.

2 Kɔ̀rintìyà 6:16

È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”

Kòlòrzìyà 1:19

Hwene hweyà hwe hwèlì ndi nanù ehwànja nanù ndi Lohwɛ̀ mɔ̀ ŋmitɛ-ŋmitɛ à hwèlì.

Kòlòrzìyà 2:9

È rzi emeyà nanù ema hwaŋga hwà-òkòlèlì hwa mòlàŋga hwa e lukɛlɛ, ehwànja e ŋginyà na ɛ̀ɛ̀mɛ̀ ya ama Lohwɛ̀ e hwèlì o tenì ya e nyo ya e mòtò wa hwènàmà ya ama Krirztò.

Hibrù 8:2

A gbèeyà ndi nàa è Pìlìrzì è Kàrzàmi o èki ema e hwèlì wòtani ema hwèèmà hwe wòtani hwe utahwa, o èki ema lìwondo la ama Lohwɛ̀ lì hwèlì. Rzàŋgo Lohwɛ̀ mɔ̀ ŋmitɛ ŋmitɛ ndi à oŋgi lìŋgi lìwondo rzeketɛ hwatò hwa hwènàmà.