Yòwanìrzɛ̀ 2:14 - Mokpwe: Bakwery (New Testament)

¹⁴ Nà òma à mà uke aŋga rzi à ɛndɛ ò è Ndawò yà Lohwà. Yerzù à mà ùŋmanɛ̀lɛ̀ hwatò ema hwa mà hwɛ lì àhwirzɛ̀, inyàkà, mɛ̀ɛ̀lɛ̀ŋgù nà imbèŋga. Lòŋgò là hwatò hvɛ, hwa mà lìya ndi ò itèhwèlì, rzi hwa kenjirzɛ wòkòndò.

Yòwanìrzɛ̀ 2:14 Mawu Ofanana

Makòrzì 11:15

Yerzù nà hwà-òkòwèlì hwa eni hwa mà uka ò mbòwà yà Jèrurzalɛ̀mù. Nà òmà hwa mà ùke, rzìi mɔ̀ à kpèeyà ò tenì yà è Ndawò yà Lohwà yà wònyà Yudà, rzìi à wòteyà lì hvayà hwàŋgà hwatò ema hwa mà hwɛ lì ànda nà lì àhwirzɛ̀ hwèèmà aŋga. À mà nòŋgòlɛ̀ iŋgi tehwèlì ema hwatò hwa mà hwɛ lì kènjirzɛ̀ malì mà awu ò ŋmanyu, nà lì nòŋgòlɛ̀ hvɛ ìmbòkò jà hwàŋgà ema wɔ̀ hvɛ hwà mà hwɛ̀ lì àhwirzɛ̀ imbèŋgà.

Makòrzì 11:17

Rzìi à wòteyà lì òkòlɛ̀ hwatò, à òhwà nanù emà, “È rzà enje è jɔ̀kɛ̀ nanù ema e tìlahwì nanù ema, ‘È ndawò yà amì è ò hwɛ̀lɛhwɛ̀ ndì è ndawò yà màkanɛ̀ yà hwèkòmè hwe arzɛ̀ è?’ Ndì inyɔ̀ è e timbìrzɛ̀ ndì èkì yà hwàyihwɛ̀!”

Yòwanìrzɛ̀ 2:15

Ò èŋgànɛ̀lɛ̀ rzɔ, Yerzù à mà òŋga hvònji nà mɛ̀yɔ̀lì, rzìi à è hvàyanà hwaŋga hwatò hwa arzɛ, nà mɛ̀ɛ̀lɛ̀ŋgù nà inyàkà ò eŋge ndawò yà Lohwà. À mà wùùlɛ̀ wòkòndò wò hwaŋga hwatò ema hwa mà hwɛ lì kenjirzɛ wòkòndò nà lì nòŋgòlɛ̀ hvɛ itèhwèlì ema hwa mà hwɛ lì kenjirzɛ wòkòndò hwa awu ò ŋmanyu.