Yòwanìrzɛ̀ 2:13 - Mokpwe: Bakwery (New Testament)

¹³ Nà òma e hvònda ya è Ndèma yà lì Akà Ɔ̀nɛ̀yi yà wònyà Yudà e ma kòmbɛ̀nɛ̀, Yerzù à mà agba ò mbòwà yà Jèrurzalɛ̀mù.

Yòwanìrzɛ̀ 2:13 Mawu Ofanana

Matiyò 21:12

Ò mburza hvònda, Yerzù à mà ɛndɛ lì kpèeyà ò è Ndawò yà Lohwà. À mà hvaya hwaŋga hwatò hwa arzɛ ema hwa mà hwɛ lì anda nà lì àhwirzɛ̀ inyòŋga ja awu aŋga. À mà nòŋgòlɛ̀ itèhwèlì ja è wɔ̀ ema hwa mà hwɛ lì kènjirzɛ̀ ìkahvà, nà ì mbòkò jà è wɔ̀ ema hwa mà hwɛ lì àhwirzɛ̀ imbèŋgà.

Makòrzì 11:15

Yerzù nà hwà-òkòwèlì hwa eni hwa mà uka ò mbòwà yà Jèrurzalɛ̀mù. Nà òmà hwa mà ùke, rzìi mɔ̀ à kpèeyà ò tenì yà è Ndawò yà Lohwà yà wònyà Yudà, rzìi à wòteyà lì hvayà hwàŋgà hwatò ema hwa mà hwɛ lì ànda nà lì àhwirzɛ̀ hwèèmà aŋga. À mà nòŋgòlɛ̀ iŋgi tehwèlì ema hwatò hwa mà hwɛ lì kènjirzɛ̀ malì mà awu ò ŋmanyu, nà lì nòŋgòlɛ̀ hvɛ ìmbòkò jà hwàŋgà ema wɔ̀ hvɛ hwà mà hwɛ̀ lì àhwirzɛ̀ imbèŋgà.

Lukàrzɛ̀ 19:45

Yerzù rzìi à kpèeyà ò Ndawò yà Lohwà. À wòteyà lì hvayà hwatò ema hwa mà hwɛ lì àhwirzɛ̀ è nyòŋga.

Lukàrzɛ̀ 2:41

Ŋma tɛ è rzàŋgò nà è nyàŋgò ya ama Yerzù hwa mà ɛ̀ndɛ ò Jèrurzalɛ̀mù, ò Ndema yà lì Akà Ɔnɛ̀yi.

Yòwanìrzɛ̀ 11:55

È hvònda ya è Ndèma yà lì Akà Ɔ̀nɛ̀yi è mà kòmbɛnɛ. O èŋgànɛ̀lɛ̀ rzayi-rzayi ja hwatò hwà mà uwɛ̀lɛ̀lɛ̀yi ò màmbowà mà arzɛ hwà mà ja ò Jèrurzalɛ̀mù lì a tatòwɛ na òma e mbenda ya ama Mòrzè e ma arze, ò lì wòŋgirzɛnɛ è Ndèma yà lì Akà Ɔ̀nɛ̀yi.

Yòwanìrzɛ̀ 13:1

O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 2:23

Nà òma Yerzù à mà hwɛ ò Ndèma yà lì Akà Ɔnɛ̀yi, ò Jèrurzalɛ̀mù, rzayì-rzayì ja hwatò hwà mà ɛnɛ hweyà hwe mànyàka ema à mà gbeye, rzìi hwa mò lòkɛ̀.

Yòwanìrzɛ̀ 5:1

O mburzà ya hwenè hweyà hwe arzɛ, Yerzù à mà ɛ̀ndɛ ò ndèma ya hwatò hwa wònyà Yudà, ò Jèrurzalɛ̀mù.

Yòwanìrzɛ̀ 6:4

È mà hwɛ ndi e hvònda ema è Ndèma yà lì Akà ɔ̀nɛ̀yi yà wònyà Yudà ema kòmbɛ̀nɛ̀.