Yòwanìrzɛ̀ 2:11 - Mokpwe: Bakwery (New Testament)

¹¹ Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 2:11 Mawu Ofanana

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Yòwanìrzɛ̀ 1:43

Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”

Yòwanìrzɛ̀ 1:50

Yerzù rzìi à mò alàhwɛ̀ nanù ema, “Ò lòkɛ̀yì ndi èhwanja nà ò hwèlì ema nà mò ɛnɛ ò rze yà gbèè wò ehvùma yà nyɔ̀hvinyà, o ò ɛnɛ hweyà hwe ndɛnɛ hwe aka hwenè.”

Yòwanìrzɛ̀ 10:41

Rzayi-rzayi ja hwatò hwà mà hwɛ lì mò jèeya. Hwàŋga hwatò hwà mà hwɛ lì òhwa nanù ema, “Yòwanìrzɛ̀ è Mòlùhwìrzèlì a rzi hwɛ lì gbeyà hweyà hwe mànyakà ndì tɔ̀ mamɛ ema à mà òhwe lì hvòmɛ̀nɛ̀ ònò mòtò hwe hwèlì ndì e jɔ̀kɛ̀.”

Yòwanìrzɛ̀ 11:15

O nyòla inyɔ imba na òki mɔ̀nyɛ̀ŋgì nanù ema na rzi hwɛ aŋga, aŋga nanù e lòkɛ̀. Inyɛ̀ i ɛ̀ndɛ aŋga nàŋgɛ i mò ɔ̀ŋgɔ.”

Yòwanìrzɛ̀ 11:47

Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Yòwanìrzɛ̀ 12:18

Lìtìŋga lìŋgi ndèŋgàtɛ̀ è ŋgìndì è mà ɛndɛ lì ùŋmanɛlɛ Yerzù èhwanja hwa mà hwèya nanù ema à gbèye manù mànyakà mà hweyà.

Yòwanìrzɛ̀ 12:37

Tɔ̀ nɛ Yerzù à mà gbeye manù mànyakà ma arzɛ ò marzò ma awu, eŋge ŋgindi e rzi mò lòkɛ̀.

Yòwanìrzɛ̀ 12:41

Àyìrzayà à mà òhwa ndi nanù èhwanja à mà ɛnɛ èluhwe ndɛnɛ yà ama Yerzù ɔ̀ndeŋgàtɛ̀ à mà òhwa lì mò hvòmɛ̀nɛ̀.

Yòwanìrzɛ̀ 14:13

Ndèŋgànɛ̀lɛ̀ hvɛ, imba na ò gbeyà tɔ̀ mamɛ ema ò ijò ò lìna lì ami, aŋga nanù Tatɛ̀ a ò luwa èluhwe lì akeyà è Ŋmanà wà Munyanà wa eni.

Yòwanìrzɛ̀ 16:27

èhwanja, Tatɛ̀ mɔ̀ ŋmìti à è lìŋgàni. À è lìŋgàni èhwanja è nò lìŋgàni, ndèŋgàna è lòkɛ̀ nanù ema nà uwɛ̀lɛ̀lɛ̀yi ndi nà mɔ̀.

Yòwanìrzɛ̀ 16:30

O naŋgɛ, irzɔ i hwi ema ò hwi hweyà hwe arzɛ, ò èŋgànɛ̀lɛ̀ ò wa ò rza lùwa tɔ̀ mòtò ema a ò ijòwa miijòwelì. Ène eyà yɔ yiti, e jò gbe irzɔ i lòkɛ̀ ema ò wa ò ma uwɛ̀lɛ̀lɛ̀yi ndi òma Lohwɛ̀.”

Yòwanìrzɛ̀ 2:1

O mèenya meyawò ò mà gbeyàhwa lìhwa ò mbòwà ya Kena, ò erzòòkà ya Galìlì. È nyàŋgò ya ama Yerzù è ma hwɛ aŋga.

Yòwanìrzɛ̀ 2:23

Nà òma Yerzù à mà hwɛ ò Ndèma yà lì Akà Ɔnɛ̀yi, ò Jèrurzalɛ̀mù, rzayì-rzayì ja hwatò hwà mà ɛnɛ hweyà hwe mànyàka ema à mà gbeye, rzìi hwa mò lòkɛ̀.

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 4:3

Nà òma Yerzù à mà hwèye nanù, à mà anjiiya ò erzòòkà ya Jùdeyà, rzìi a tìmba hvɛ ò erzòòkà ya Galìlì.

Yòwanìrzɛ̀ 4:46

Ŋgelì hvɔ̀kɔ hvɛ, mɔ̀ à mà jà hvɛ ò mbòwà yà Kenà ò èki ema mɔ̀ à mà eŋgòwe malìhwa ò lì tìmba mimba. Àŋga òma rzɔ, ò mà hwɛ mòkànèlì mɔ̀kɔ wà lìkànèyà, ema è ŋmanà wà eni à mà nàŋgana mòrziyò ò mbòwà yà Kàpɛ̀nàwɔ̀mì.

Yòwanìrzɛ̀ 4:54

Ène embànelì hvɛ yɔ̀ ndi è mà ùkirzɛ̀ hwèèmbànèlì hwehwakɛ ema Yerzù à mà gbèye, nà òma mɔ̀ à mà uhwɛlɛlɛ ò erzòòkà yà Jùdeyà rzìi à jà ò erzòòkà yà Galìlì.

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 6:2

Ŋgindi ndɛnɛ è mà hwɛ lì mò òŋgama èhwanja hwa mà hwɛ lì ɛnɛ mànyakà mà hweyà ema à mà hwɛ lì gbèye mà lì wɔ̀wìrzɛ̀ là hwà-òkòlèlì.

Yòwanìrzɛ̀ 6:26

Yerzù rzìi a hwa alàhwɛ̀ nanù ema, “Nà è òhweyà e jɔ̀kɛ̀ ema e nò arza ndi èhwanja nà mà e lìrzɛ e ma uja rzeketɛ ò mànyakà ema nà mà gbeye.

Yòwanìrzɛ̀ 6:30

Hwa mà alàhwɛ̀ Yerzù nanù ema, “Ima eyà ya mànyakà ema ò gbeyà i ɛnɛ rzi i ò lòkɛ̀ e? Mamɛ ò tànɛyi lì gbeyà ò tɛ̀ɛ̀tɛ̀ɛ e?

Yòwanìrzɛ̀ 7:31

Ndi tɔ̀ nanù rzayì-rzayì ja hwatò ò ìtììtènì ja èŋge ŋgìndì hwa mà mò lòkɛ̀. Wɔ̀ hwà mà hwɛ lì òhwa nanù ema, “È Mɔ̀ ema a Ɔ̀kirzɛ̀hwɛ̀yi a jelì tɛ, a ò gbeyà hwèmbànèlì hwe mànyakà ema hwe ò aka hwenè hweyà ema ònò mòtò amà gbeyà e?”

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

1 Yòwanìrzɛ̀ 5:13

Nà e tìleya ndi inyɔ ema e lòkɛ̀ lìinà la ama è Ŋmanà wà ama Lohwɛ̀ hwene hweyà, aŋga nanù oma e ma hwiya ema e ohvi lòŋgɛ la gbìndèyà.