Yòwanìrzɛ̀ 2:10 - Mokpwe: Bakwery (New Testament)

¹⁰ rzìi a mò òhweyà nanù ema, “Tɔ̀ ima mòtò a lòma ndi lì akɛlɛ hwàyɛ̀nì hwa eni mììmbà ma gbamù. Hwatò hwà mà nyɔ tɛ rzayi-rzayi, rzìi a wurzirzɛ e mɔ̀ ema mà rza lɔ̀. Ndi ò wa ò uti mììmbà ma gbamù natɛ̀ɛ na nàŋgɛ.”

Yòwanìrzɛ̀ 2:10 Mawu Ofanana

Matiyò 24:49

Rzìi à wòteya lì anana hwanɛ̀ hwàgbèèlì na lì laana na lì nyɔ̀ɔnɔ hwatò hwa mbòma.

Lukàrzɛ̀ 12:45

“È hwèlì tɛ ema òŋgò mògbèèlì à hwèlì ndi e mògbèèlì wa wòhwe rzìi a òhwa ò ŋmèma mò eni nanù ema, ‘Rzàŋgò wà èni wa èwòlò a ò kùwa mbɔ̀ ò lì jà.’ Rzìi à wòteyà ndi lì tiyà hwanɛ̀yi hwàgbèèlì, hwa wùnyànà nà hwalanà ema hwa hwèlì ò rze ya eni, rzìi a à làa mòlelì, a nyɔ mimba rzi a wòmà.

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Hwègbèèlì 2:15

Hwanu hwatò hwa rza nyɔlì ndi mìimbà na òma inyɔ e ɔ̀ŋgɛ̀lɛ̀. È hvònda e hwèlì ndi luuwa la ŋgɛ̀ŋgì mɛnɛ la elele.

1 Kɔ̀rintìyà 11:21

Èhwanja tɔ̀ ima mòtò a làa ndi mòlelì mo eni, e rzi hwɛ lì ambɛ̀lɛ e mbunda ya eni. Ène eyà e gbeyà lòŋgo hwa woma rzìi hwanɛ̀yi hvɛ hwa lìya na e njàwò.

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

1 Tɛ̀rzàlonìyà 5:7

Wùùwù ndi hwatò hwa nàŋga, ndèŋgànɛ̀lɛ̀ hwatò hvɛ ema hwa wòmà mììmba, wùùwù ndi hwa nyɔ̀ɔ̀ mììmba rzìi mà hwa womìrzɛ.

Hwèwulùwèlì 17:2

Ikìŋgɛ ja arzɛ ja ene rze ima gbeyà mòrzònje na mɔ̀. Hwàto hwa e rze ya mɔ̀nyɛ̀ hwà mà hwɛ lì nyɔ oŋgo molanà mìimbà ma eni natɛ̀ɛ hwa woma, ndèŋgànɛ̀lɛ̀ hwà mà gbeyà mòrzònje na mɔ̀.”

Hwèwulùwèlì 17:6

Nà ma ɛnɛ nanù ema oŋgo molanà à mà woma na màyija ma hwatò hwa wòtani hwa ama Lohwɛ̀, màyija ma hwaŋga hwatò ema hwà mà oŋwahwa ehwànja hwa oŋgàma Yerzù. Nà ma tàmà rzayi-rzayi e hvonda ema nà mà mo ɛnɛ.