Yòwanìrzɛ̀ 19:6 - Mokpwe: Bakwery (New Testament)

⁶ Nà òma Ipìlìrzì ndɛnɛ nà hwàgbèèlì hwa Ndawò yà Lohwà hwa mà mò ɛnɛ rzìi hwa wòteyà lì tɛɛ nanù ema, “È mò wòmeyà ò mburza! È mò wòmeyà ò mbarza!” Pìlatò rzi à hwa alàhwɛ̀ nanù ema, “Inyɔ hwiti è mò wòwe è ɛ̀ndɛ, è mò wòmeyà ò mbarza, èhwanja nà rza mò lùwànì tɔ̀ njɔ̀mì.”

Yòwanìrzɛ̀ 19:6 Mawu Ofanana

Matiyò 26:58

Nà òma hwa mà wòwe Yerzù, Pètrò hvɛ à mà mò nɔ̀ŋgɔ ò mburzà ŋmanà hvòka natɛ̀ɛ hwa mà jà lì kòmbɛnɛ èwòka yà ama Kàyìhvàrzì. À mà kpèeyà rzìi à lìya nà hwà-ɔ̀ŋgèlì hwa è Ndawò yà Lohwà ò lì ɔ̀ŋgɔ nɛ mòŋgò ŋmaŋgò mò ama Yerzù mò kuweya.

Matiyò 27:22

Pìlatò rzìi à hwà ijòwa nanù emà, “Mamɛ nà gbeyànà rzɔ̀ Yerzù ema à hwɛ̀lɛ̀hwɛ̀ è Mɔ̀ ema à Ɔ̀kirzɛ̀hwɛ̀yi è?” Wɔ̀ hwà arzɛ hwa mà alàhwɛ̀ nanù ema, “Ò mò wòmeya ò mbarza.”

Matiyò 27:24

Nà òmà Pìlatò a mà ɛnɛ nanù ema mɔ̀ à rzi tànɛyi ò lì gbeyà tɔ̀ eyà, ndèŋgànà ema ò tànɛyi lì hwɛ lùwànje, rzìi à wòwa màlìhwà à rzòrza màa me eni ò wòrzò wò e ŋgindi rzìi a òhwà nanù emà, “Maà mà ami ma rza enje ò e kpelì yà amà ònò mòtò. Ène eyà e ɔŋgɔ̀ ndi inyɔ.”

Lukàrzɛ̀ 23:4

Pìlatò rzìi à ayèŋgòwɛ̀lɛ̀lɛ̀ Ipìlìrzì ndɛ̀nɛ nà è ŋgìndì, rzìi à hwa òhweyà nanù ema, “Nà rza lùwànì ònò mòtò lìtìŋgà ò lì mò tùlɛ.”

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Yòwanìrzɛ̀ 18:31

Pìlatò rzi a òhwa nanù ema, “È mò wòwe inyɔ hwiti e gbeyàne imbenda ja anyu ò lì mò kàyìrzɛ̀.” Hwatò hwa Yudà rzìi hwa mò alàhwɛ̀ nanù ema, “Ndi irzɔ i rza hwɛnì tɔ̀ wònjà tɔ̀ hvɔ̀kɔ ò lì òŋwa tɔ̀ mòtò tɔ̀ mɔ̀kɔ.”

Yòwanìrzɛ̀ 18:38

Pìlatò rzi a mò ijòwa nanù ema, “Mamɛ e hwèlì jɔ̀kɛ̀ e?” Nà òma Pìlatò à mà kulɛ lì ijòwa Yerzù mene miijòwelì rzi a wurza hvɛ ò ewòka ò lì ùŋmanɛlɛ hwatò hwa Yudà. Rzìi à wa òhweyà nanù ema, “Nà rza lùwànì ò nò mòtò tɔ̀ njɔ̀mi tɔ̀ hvɔ̀kɔ ema na òhwa nanù ema hwa mò òŋwa.”

Yòwanìrzɛ̀ 19:15

Hwàŋga hwatò hwa tɛ nanù ema, “È mò òŋwe! È mò òŋwe! È mò wòmeya ò mbarza.” Pìlatò rzìi a hwa ijòwa nanù ema, “Nà wòmeya e kìŋgɛ ya anyu ò mbarza e?” Ipìlìrzì ndɛnɛ rzìi i tɛ ò ŋmanyu nanù ema, “I rza òhvi ehvɛhvɛ kiŋgɛ̀ lì aka tɛ Kàyìrzà.”

Yòwanìrzɛ̀ 19:4

Pìlatò rzìi à wurza hvɛ ò èwòka rzìi à òhweyà hwaŋga hwatò hwa arzɛ nanù ema, “Nà è wùrzìrzɛ̀lɛ̀ è mɔ̀ nàŋgɛ, ndi è hvɔ̀ŋgɛ̀ kɔ̀yi-kɔ̀yi nanù ema nà rza mò lùwànì tɔ̀ njɔ̀mì.”

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 7:52

O ma hwɛ tɔ̀ mòòhwèlì wà èlìŋgɛ̀ tɔ̀ mɔ̀kɔ ema imbamba ja anyu, i rzi tàkirzɛ̀ e? Wɔ̀ hwà mà òŋwa irzuhwɛlɛ ja ama Lohwɛ̀ ja arzɛ ja kòhwa, ema hwà mà hwɛ lì òhwa lì hvòmɛ̀nɛ̀ hwejèelì hwe ama e mɔ̀ ema a gbèeyà hweyà ema hwe hvòmɛ̀nɛ̀. O naŋgɛ rzɔ inyɔ e ma mò àhwirzɛ̀ na lì mò òŋwa.