Yòwanìrzɛ̀ 19:5 - Mokpwe: Bakwery (New Testament)

⁵ Yerzù rzìi à wurza ò èwòka nà è tamba yà njenje ò mòhvò mò eni nà mòŋgòmbè mò teya ema hwa mà mò wɔ̀tìrzɛ̀. Pìlatò rzìi à òhwa nanù ema, “È ɔ̀ŋgɔ tɛ è mòtò mɔ̀ ònò!”

Yòwanìrzɛ̀ 19:5 Mawu Ofanana

Matiyò 27:29

Aŋga ndì hwa à wòwa ekɔ̀kɔ̀ yà gbee wò njenje rzìi hwa è òŋga nàa ekòòtò yà kìŋgɛ rzi hwa mò wɔ̀tìrzɛ̀ è yɔ̀ ò mòòhvò mò eni. Hwa mò tɛ̀tìrzɛ̀ mòtìmbò ò lìya là eni là mòme rzìi hwa rzùma màwɔ̀ŋgɔ̀ŋgɔ̀ ò rze lì mò kuwa. Hwa mà hwɛ lì òhwa nanù ema, “Èluhwe è hwɛ nà ò wà è kìŋgɛ yà wònyà Yudà!”

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 19:2

Hwàànà njùma rzi hwa lìŋgɛ̀lɛ̀ hwèkɔ̀kɔ̀ hwe mayi è mà hwe mà òhva ì njenje, rzìi hwa wèka tamba ema è mà àyɛ̀kɛ̀nɛ̀ ekòòtò rzìi hwa mò wɔ̀tìrzɛ̀ è yɔ̀ ò mòhvò. Rzìi hwa mò wɔ̀tìrzɛ̀ hvɛ mòŋgòmbè mò teya ema mò mà àyɛ̀kɛ̀nɛ̀ mòŋgòmbè mò ama kiŋgɛ̀.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.