Yòwanìrzɛ̀ 19:11 - Mokpwe: Bakwery (New Testament)

¹¹ Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Yòwanìrzɛ̀ 19:11 Mawu Ofanana

Matiyò 26:65

Aŋga ndi e Pìlìrzì ema e karzami ya a nyààhwà mààtù ma eni ò lì uŋmɛ̀lɛ̀ nanù ema a tàti rzìi a òhweyà hwatò hwa e ndawò ya hwèkàyìrzèlèlì nanù ema, “A òhwi ndi ìrzìlàkò! Mamɛ ja àrzeyà hvɛ ehvɛhvɛ mbòŋgi e? Inyɔ hwa arzɛ e hweyi na òma a òhwàna ìrzìlàkò!”

Matiyò 27:2

Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Makòrzì 14:44

È ŋmàhwìrzèlelì hwa ama Yerzù à mà hwɛ à mà lòma lì hwa ŋgba èèmbànelì nanù ema, “Tɔ̀ ima mòtò ema nà arzàŋgànɛ̀lɛ̀ òma è mòtò òŋgò ema e àrza. È mò ŋgbaŋgɛ e mò lɛ̀mbɛ na ŋgbaŋgò e mò ɛ̀ndɛnɛ.”

Lukàrzɛ̀ 22:53

Mamɛ ndeŋgàtɛ è rzi nò ŋgbàŋgɛ̀ ò Ndawò yà Lohwà e? Ì mà hwɛ ò Ndawò yà Lohwà wùnyà tɛ, ndi è rzi nò lɛ̀mbɛ̀, ndi lìrzàkò là anyu lì mà uka naŋgɛ. Jììtìtì ndi ì kànèyà naŋgɛ.”

Yòwanìrzɛ̀ 18:13

Hwa mà lòma ndi lì mò ɛ̀ndɛnɛ òma Anàrzì, Anàrzì à mà hwɛ ndi è rzàŋgò yà lìhwa yà ama Kàyìhvàrzì, è Pìlìrzì ema è mà kàrzamà yà mòŋgò ŋma.

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Yòwanìrzɛ̀ 19:10

Pìlatò rzìi à mò ijòwa hvɛ nanù ema, “Ò rza arza lì nò alàhwɛ̀, ò rza embi nanù ema nà hwɛnì wònjà ò lì òhwa ema hwa ò hwɛmɛ e? Tɔ̀ lì òhwa nanù ema hwa ò wòmeyà ò mbarza e?”

Yòwanìrzɛ̀ 3:27

Yòwanìrzɛ̀ a timbirzɛlɛlɛ nanù ema, “Tɔ̀ mòtò a rza tànɛyi lì lùwa tɔ̀ yòma e rzi hwɛ nanù ema Lohwɛ̀ ndi à mò ŋgbelì.

Yòwanìrzɛ̀ 7:30

Nà òma à mà òhwe nanù, hwa keka ò lì mò ŋgbaŋgɛ, ndi tɔ̀ mɔ̀kɔ à rzi mò hwàkɛ lìya ò nyò ya eni, èhwanja è hvònda ya eni e rzi ùke.

Yòwanìrzɛ̀ 9:41

Yerzù rzìi a alàhwɛ̀ nanù ema, “È ma hwɛ tɛ ndima, òma e rza òhva wòhwe, ndi na òma e alɛ̀ŋgɛ ema e ɛnɛ, e uŋmɛ̀lɛ̀ ndi nanù ema e òhvi wòhwe nanù mɛnɛ.”

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Hwègbèèlì 4:28

Hwà mà òhva wòlìya ò lì gbeyà hweyà ema ò ma hwɛ ò ma tɛ̀yirzɛ na e ŋginyà ya aŋgɔ̀ ò e hvònda ema e ma aka.

Ròmànì 11:36

Lohwɛ̀ ndi à wèkì hwèèmà hwe arzɛ. Mɔ̀ ndi à gbèyi ndèŋgànà hweŋge hwèèmà hwe arzɛ hwe hwèlì lòŋgɛ. Ndèŋgànɛ̀lɛ̀ mɔ̀ ndi à hwɛni hweŋge hwèèmà hwe arzɛ. Èluhwe è hwɛ nà Lohwɛ̀ ò gbìndèyà nà ò gbìndèyà. Inyɛ̀ wò lìya nanù.

Ròmànì 13:1

Inyɛ̀ tɔ̀ ima mɔ̀ wa anyu a hweyàne hwaŋga ema hwa hwèlì ò lìkànèyà. Èhwànja ò rza tanɛ lì hwɛ lìkànèyà e rzi hwɛ ema Lohwɛ̀ a emelì, ndèŋgànɛ̀lɛ̀ e wɔ̀ ema hwa hwèlì hwàkànèyà, Lohwɛ̀ mɔ̀ ndi à ika hwàkànèlì hwa arzɛ ò mbòkò.

Jèmìrzì 1:17

Tɔ̀ ima jàhwèyà ja gbamù nà tɔ̀ ima eyà ema e ondìrzɛhwɛyi gbamù, hwe uwɛ̀lɛ̀lɛ̀yi ndi o ma Tàtɛ ema a hwèlì o ŋmanyu yà lohwà. Tatɛ̀ ndi à weki hwèèmà hwe arzɛ ema hwe uŋmɛ̀lɛ̀ ŋmàye o ŋmanyu yà lohwà. Hwene hwèèmà hwe hvànya ŋmàye ndèŋgànɛ̀lɛ̀ mono ŋmàye mo ayèŋgowɛ̀ ndi Lohwɛ̀ a rza ayeŋgòwɛ̀.

Jèmìrzì 4:17

O eŋgànɛ̀lɛ rzɔ̀, tɔ̀ njɛnɛ ema a hwi eyà ya gbamù ema àŋgàmɛ̀nɛ̀yi lì gbeyà, rzìi a rzi e gbeye, nanù oma a gbèyi wòhwe o worzo wo ama Lohwɛ̀.