Yòwanìrzɛ̀ 18:4 - Mokpwe: Bakwery (New Testament)

⁴ Yerzù à mà hwɛ à mà hwiya mamɛ yà arzɛ è mà hwɛnɛ lì mò gbèyɛ̀nɛ, ama wurza rzìi à hwa ijòwa nanù ema, “Njɛnɛ à hwèlì è mòtò è arza e?”

Yòwanìrzɛ̀ 18:4 Mawu Ofanana

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 26:2

“È hwi nanù ema ò mèenyà mehwakɛ ema me hwèlì ò wòrzò, òma è ndèma yà lì Akà Ɔnɛyi e ma uka. O wòŋgò wùnyà ndi è Ŋmanà wà è Mòtò wà Hwènàmà a ò akɛlɛhwɛ ò màà mà hwatò ema hwa mò wòmeya ò mbarza.”

Matiyò 26:21

Nà òmà hwa mà hwɛ lì laa, Yerzù rzìi a hwa òhweyà nanù ema, “Nà e òhweyà na e jɔ̀kɛ̀ nanù ema, mɔ̀kɔ wa anyu a ò nò akɛlɛlɛ ò màà mà hwàkɔ̀yèlì hwa ami.”

Matiyò 26:31

Nà òma hwà mà uke ò ŋmanyu ya mòòlì, Yerzù rzìi a òhweyà hwà-òkòwèlì hwa eni nanù ema, “O wònò wuu mɛnɛ, inyɔ hwa arzɛ e ò hwaŋga ò lì nò lìya. È ò hwaŋga èhwanja ò mamɛ ema e ò nò gbèyɛ̀nɛ. È tìlahwì ò kààtì ya Lohwà nanù ema, ‘Nà ò òŋwa e mɔɔŋgelì wa mɛ̀lɛ̀ŋgù ndèŋgànà mɛ̀ɛlɛ̀ŋgù me arzɛ me ò wuhweyà.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 13:1

O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 13:11

Yerzù à mà hwiya e mòtò ema à mà hwɛnɛ lì mò àhwirzɛ̀, ɔ̀ndeŋgàtɛ̀ mɔ̀ à mò òhwa ama, rzeketɛ inyɔ hwa arzɛ ndi e rzaŋgi.

Yòwanìrzɛ̀ 18:5

Hwà mà mò alàhwɛ̀ hwa nanù ema, “I arza ndi Yerzù wa Nàrzarɛ̀tì” rzìi mɔ̀ hvɛ a òhwa nanù ema, “Nà hwèlì ndi mɔ̀.” Jùdàrzì e mò àhwìrzèlèlì mɔ̀ hvɛ à mà hwɛ̀ aŋga na hwaŋga hwatò.

Yòwanìrzɛ̀ 18:7

Yerzù à mà hwa ijòwa hvɛ nanù ema, “Njɛnɛ a hwèlì e mòtò e arza e?” Hwà mà òhwa hwà nanù ema, “I arza ndi Yerzù wa Nàrzarɛ̀tì.”

Yòwanìrzɛ̀ 19:28

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Yòwanìrzɛ̀ 6:64

Ndi ò hwèlì lòŋgò la hwa inyɔ ema e rza lòkɛ̀yì.” (Li wòteyà lìrzakò ema Yerzù à mà wòteyà lì òkòlɛ à ma hwiya hwatò ema hwa rza lòkɛ̀ ndèŋgàna hwà mà hwɛnɛ lì mò àhwirzɛ̀).

Hwègbèèlì 2:28

O ma nò uŋmɛ̀lɛ̀ injiya ema i jànà lòŋgɛ̀, ndèŋgànɛlɛ na òma o ò hwɛ ò tòŋgòŋgò ya ami na ò lìŋga.’”

1 Pètrò 4:1

Kànatɛ Krirztò à mà take o hwehwɛ̀ɛlì hwe eni nàa mòtò wà hwènàmà o e nyàmà nyo, inyɔ hvɛ e àŋgàmɛ̀nɛ̀yi lì woŋgirzɛnɛ o lì luwa eŋge ŋgànà ya màlùtèyà mɛnɛ na à mà hwɛnɛ. Èhwànja tɔ̀ njɛnɛ ema a tàki o e nyàmà ya nyo ehwànja a hwèlì ndi e wa ama Yerzù, mɔ̀ à rza hwɛni hvɛ tɔ̀ eyà o lì gbeyàna wòhwe.