Yòwanìrzɛ̀ 18:1 - Mokpwe: Bakwery (New Testament)

¹ È hvònda Yerzù à mà kulɛ lì kànɛ, rzìi a anjiya na Hwà-òkòwèlì hwa eni, rzìi hwa aka ituŋgu ema e ma hwɛ̀lɛ̀hwɛ̀ Kidrɔ̀ni. O ma hwɛ hvaya aŋga rzìi hwa kpèeyà ò tenì ya eŋge hvaya.

Yòwanìrzɛ̀ 18:1 Mawu Ofanana

Matiyò 26:30

Hwà mà emba rzɔ mɔ̀rzɔ̀kɔ̀ mò jeka rzìi hwa ɛ̀ndɛ ò mòòlì mò Njàhwɛ̀.

Matiyò 26:36

O mburza nanù Yerzù na Hwà-òkòwèlì hwa eni hwà mà ɛndɛ ò èki ema e ma hwɛ̀lɛ̀hwɛ̀ Gɛtrzɛmani. Nà òma hwà mà uke aŋga, Yerzù rzìi a hwa òhweyà nanù ema, “È lìya anù na tòmba ɔ̀nɛyi wate ò lì kanɛ̀.”

Makòrzì 14:26

Hwa mà kulɛ lì emba mɔ̀rzɔ̀kɔ̀ mò lì eka rzìi hwa ɛ̀ndɛ ɔ̀nɛyi mòòlì mò Njàhwɛ̀.

Makòrzì 14:32

Yerzù nà hwà-òkòwèlì hwa eni hwa mà ɛ̀ndɛ èki ema è hwɛ̀lɛ̀hwɛ̀ Gɛtrzɛmani. Nà òmà hwa mà ùke aŋga, Yerzù rzìi à òhweyà hwà-òkòwèlì hwa eni nanù ema, “È lìyà anù nà ɛ̀ndɛ lì kanɛ̀.”

Makòrzì 14:42

È tɛ̀mɛ̀ je ɛ̀ndɛ. È ɔ̀ŋgɔ e mòtò ema à ma nò àhwirzɛ̀ mòŋgò à jà.”

Yòwanìrzɛ̀ 14:31

Ndi e rze, e hwɛnì lì hwiya ema na lìŋgàni Tatɛ̀ wa ami, ɔ̀ndeŋgàtɛ̀ na hwɛnì ndi lì gbeyà mamɛ ya arzɛ e ma Tatɛ̀ wa ami à mà nò kànèyà ema na gbeye. “È je ja anjiye anù naŋgɛ.

Yòwanìrzɛ̀ 18:26

Mògbèèlì mɔ̀kɔ wà ama è Pìlìrzì è kàrzamì, ema à mà hwɛ hvɛ ndi mòtò wà lìtumba là ama òŋgò mòtò ema Pètrò ama kɛ lìtò là eni, rzi à mò kàrzɛ̀lɛ̀lɛ̀ lìlò nanù ema, “Rzekɛ nà mà ò ɛnɛ nà mɔ̀ ò hvaya e?”

Hwègbèèlì 21:11

Nà òma à mà jèe lì jò uŋmànɛlɛ, a wòwa e ŋgòlì ya ama Pàwolò, rzi a e kakana màa na meende me eni, rzi a òhwa nanù ema, “Èlìŋgɛ̀ ya wòtani e òhwi nanù ema e mòhwɛnɛ wa ene ŋgòlì, a ò kakahwa na wònyà Yudà ò Jèrurzalɛ̀mù, rzi hwa mò akɛlɛlɛ hwaŋga hwatò ema hwa rza enje wònyà Yudà.”