Yòwanìrzɛ̀ 17:6 - Mokpwe: Bakwery (New Testament)

⁶ “Nà gbèyi hwatò hwa ene rze ema ò nò ŋgbelì nanù ema hwa ò hwiye. Hwà mà hwɛ ndi e hwa aŋgɔ, ò ma nò ŋgbà e wɔ̀, ndèŋgàna hwa hwèlì ò lì gbeyà na òma ò ma hwa òhweyà ò lì gbeyà.

Yòwanìrzɛ̀ 17:6 Mawu Ofanana

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 12:28

Ìi Tatà, uŋmɛ̀lɛ̀ èluhwe ò lìnà là aŋgɔ̀!” Rzìi lìlò lì òhwa ò ŋmanyu yà lohwà nanù ema, “Nà ŋgbelì lìinà là ami èluhwe, ò èŋgànɛ̀lɛ̀ nà lì ŋgbà hvɛ èluhwe.”

Yòwanìrzɛ̀ 15:19

È mà hwɛ tɛ nàa hwatò hwa ene rze, òma e rze ye e wòwi nàa e hwe eni hwatò. Ndi na e hvɔ̀rzì ò ìtììtènì ja hwatò hwa ene rze. O èŋgànɛ̀lɛ̀ e rza enje hwatò hwa ene rze. Ɔ̀ndeŋgàtɛ̀ e rze ye e kɔwu.

Yòwanìrzɛ̀ 15:3

Hwèyòkòlelì ema nà mà e òkòlɛ hwe ma e rzaŋgirzɛ.

Yòwanìrzɛ̀ 15:7

È kakùmɛ̀nɛ̀ tɛ nanù mɛnɛ na imba rzìi hwèyòkòlèlì hwe ami hwèyɔ̀hvɛ hwe hwɛ ò tenì e anyu, e ijòwe tɔ̀ mamɛ ema e arza, ye e èlùwà.

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Yòwanìrzɛ̀ 17:14

Nà ma hwa òhweyà hweyà hwe arzɛ ema ò ma nò òhweyà ò lì hwa òhweyà. Nàŋgɛ rzɔ hwatò hwa ene rze hwa hwà kɔwu, èhwanja hwa rza enje hwatò hwa ene rze hvɛ. Nà òma imba hvɛ na rza enje wa ene rze.

Yòwanìrzɛ̀ 17:16

Tɔ̀ nanù ema na rza enje mòtò wa ene rze, wɔ̀ hvɛ hwa rza enje hwatò hwa ene rze.

Yòwanìrzɛ̀ 17:2

Èhwanja ò mò ŋgbelì wònjà lì kànèyà hwatò hwa arzɛ ò lì arza nanù ema a ŋgbè hwaŋga ema ò mò ŋgbelì lòŋgɛ la gbìndèyà.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Yòwanìrzɛ̀ 17:26

Imba na gbèyi nanù ema hwa ò hwiye, na ɛ̀ndɛ ndi ò wòrzò lì gbeyà nanù mɛnɛ, aŋga nanù e ndìŋgɛ ema ò nò hwɛnɛni e ò hwɛ ò tenì ya awu, ndèŋgàna imba hvɛ na hwɛ na wɔ̀.”

Yòwanìrzɛ̀ 17:7

Ndi ò naŋgɛ nanù hwa hwi ema tɔ̀ mamɛ ò ma nò ŋgbe e uwɛ̀lɛ̀lɛ̀yi ndi na ò wa.

Yòwanìrzɛ̀ 18:9

Ène eyà e ma gbèyɛ̀nɛ ndì aŋga nanù ò lì òndìrzɛ̀ hweyà hwa eni à mà òhwe, nanù ema, “Tatà na rza wɔ̀lɛnɛyi tɔ̀ mɔ̀kɔ wa hwaŋga ema ò nò ŋgbelì.”

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 6:39

Ndèŋgànɛ̀lɛ̀ lì lùtèyà la ama e mɔ̀ ema a nò òmi lìini ema ò ìtììtènì ja hwatò hwa arzɛ ema a nò ŋgbelì, na rza wɔ̀lɛ̀nɛ̀ tɔ̀ mɔ̀kɔ, ndi ema na hwa hvùmùlɛ̀ hwa arzɛ ò wùnyà wò lìrzukù.

Yòwanìrzɛ̀ 8:51

Nà e òhweyà e jɔ̀kɛ̀ ema tɔ̀ ima mòtò ema a ika i mbenda ja ami, mɔ̀ à rza ɛnɛ e kpelì.”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Hwègbèèlì 13:48

È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.

Ròmànì 11:2

Lohwɛ̀ a rzi kìnyɛ̀lɛ̀yi hwatò hwa eni, ema mɔ̀ à mà lòme lì hvɔ̀rzɔ̀, natɛ̀ɛ na ò hwewòtelì. Inyɔ e hwi mamɛ ema e tìlahwì ò e kààtì ya Lohwà nɛ Èlàyijà à mà hwɛ lì rzòrzòmeya Lohwɛ̀ ò lì mò òhweyà hweyà ema hwatò hwa Irzàyɛ̀lì hwà mà hwɛ lì gbeyà.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

2 Tìmotì 1:13

Ò lɛmbɛ nà ŋginyà è mbɔrzi yà jɔ̀kɛ̀ ema nà mà màa lì okòlɛ̀. È hwɛ ndi nàa ɛ̀mɛ̀nɛ̀nì ema ò àŋgàmɛ̀nɛyi lì nɔ̀ŋgɔ. Ò lòkɛ̀ Yerzù Krirztò ndèŋgàna ò lìŋgàne hvɛ hwahvɛhvɛ hwatò nà oma ò hwèlì mɔ̀kɔ nà Yerzù Krirztò.

Hibrù 2:12

È tìlahwì nanù ema mɔ̀ à mà ohweyà Lohwɛ̀ nanù ema, “Nà ohweyà wònyànyàŋgo hwa ami hwèyòlòwèlì hwe lìinà là aŋgɔ. Imba na o eka e hwèlì tɛ nanù ema irzɔ na wɔ̀ ja arzàŋganɛ tɛ o èki yɔ̀kɔ.”

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

1 Pètrò 1:1

Imba Pètro ema na hwèlì e àpɔ̀rzìtòlò ya ama Yerzù Krirztò ndi na tilì ene kààti. Nà e tìleya ndi hwatò hwa ama Lohwɛ̀ ema hwa hvɔ̀rzɔ̀hwì, ema hwà mà wuhweyà ndèŋgànɛ̀lɛ̀ hwa hwèlì ndi nàa hwàyɛ̀nì o hwèrzòòkà hwe Pòntìyùrzì, Gàlerzìyà, Kapadorzìyà, Èrzìyà na Bìtìnìyà.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.

Hwèwulùwèlì 3:8

Nà hwi èwòlò ema è gbeyà. È ɔŋgɔ̀ tɛ, nà mà ò lìhvoweya lìyohva ema lì ò hwɛlɛlɛ̀yi ò worzo ndèŋgànɛ̀lɛ̀ tɔ̀ mòtò à rza tànɛ à lì umba. Nà hwi nanù ema è ŋginyà ema ò hwɛni è tùù, ndi tɔ̀ nanù inyɔ è oŋgama eyà yà ami, ndèŋgànɛ̀lɛ̀ inyɔ è rza ohwa nanù ema è rza no hwi.