Yòwanìrzɛ̀ 17:14 - Mokpwe: Bakwery (New Testament)

¹⁴ Nà ma hwa òhweyà hweyà hwe arzɛ ema ò ma nò òhweyà ò lì hwa òhweyà. Nàŋgɛ rzɔ hwatò hwa ene rze hwa hwà kɔwu, èhwanja hwa rza enje hwatò hwa ene rze hvɛ. Nà òma imba hvɛ na rza enje wa ene rze.

Yòwanìrzɛ̀ 17:14 Mawu Ofanana

Makòrzì 10:39

Hwà mà alàhwɛ̀ Yerzù hwa ma, ì tànɛyi. Yerzù rzìi a hwa timbirzɛlɛlɛ nanù ema, “È tanɛ lì hwanɛ̀ mètàkà ema nà hwanɛ̀yi, e ò lùwa lì lùhwìrzɛ̀ la mètàkà ema nà ò lùwa,

Yòwanìrzɛ̀ 17:16

Tɔ̀ nanù ema na rza enje mòtò wa ene rze, wɔ̀ hvɛ hwa rza enje hwatò hwa ene rze.

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 7:7

È rze e rza tànɛyi lì e kɔ̀u ndi è nò kɔwu imba èhwanja nà è rzàmbà nanù ema è gbeyà wòhwe.

Yòwanìrzɛ̀ 8:23

Ndi Yerzù à mà ɛ̀ndɛnɛ e mbɔrzi ya eni ò wòrzò ò lì òhwa nanù ema, “Inyɔ e uwɛ̀lɛ̀lɛ̀yi ndi ò rze. Imba na uwɛ̀lɛ̀lɛ̀yi ò ŋmanyu. Inyɔ e hwèlì ndi hwatò hwa ene rze. Imba na rza enje wa ene rze.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.

1 Yòwanìrzɛ̀ 3:13

Ò eŋgànɛ̀lɛ̀ rzɔ wònyànyàŋgo wà ami kòkò, è rzi tàmà nà oma hwatò hwa è rze hwa è rziŋgɛ.