Yòwanìrzɛ̀ 17:12 - Mokpwe: Bakwery (New Testament)

¹² È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Yòwanìrzɛ̀ 17:12 Mawu Ofanana

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 17:6

“Nà gbèyi hwatò hwa ene rze ema ò nò ŋgbelì nanù ema hwa ò hwiye. Hwà mà hwɛ ndi e hwa aŋgɔ, ò ma nò ŋgbà e wɔ̀, ndèŋgàna hwa hwèlì ò lì gbeyà na òma ò ma hwa òhweyà ò lì gbeyà.

Yòwanìrzɛ̀ 18:9

Ène eyà e ma gbèyɛ̀nɛ ndì aŋga nanù ò lì òndìrzɛ̀ hweyà hwa eni à mà òhwe, nanù ema, “Tatà na rza wɔ̀lɛnɛyi tɔ̀ mɔ̀kɔ wa hwaŋga ema ò nò ŋgbelì.”

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Hwègbèèlì 1:25

ò lì hwɛ̀ɛ e àpɔ̀rzìtòlò ò lì timbana èki ya ama Jùdàrzì, mɔ̀ ema à mà màa lì ɛndɛ ò èki ema e mò lɔ̀ɔnì.”

Hvìlipìyà 2:9

Ène ŋgànà o eŋgànɛ̀lɛ̀ Lohwɛ̀ à mà mo ŋgba ehvolò ema e kàrzàmi natɛ̀ɛ na o ŋmanyu, ndèŋgànɛ̀lɛ̀ à mà mo ŋgba hvɛ lìnà ema lì aka mìinà mà arzɛ.

2 Tɛ̀rzàlonìyà 2:3

È rzi keka lì emeyà nanù ema tɔ̀ mòtò a e lukɛlɛ na tɔ̀ ima hveyo. Èhwànja o Wùùnyà ema Rzàŋgo à ò jɛ̀ɛ̀, mɔ̀ à rza o jà natɛ̀ɛ e hvonda ema o ò hwɛ̀ɛ mbunàkɛ ndɛnɛ o rze ya mɔ̀nyɛ̀, ndèŋgànɛlɛ e mòtò ema a hwèlì e mòtò wà wòhwe a o ɛneya. Lohwɛ̀ mɔ̀ à mà màa lì tɛ̀yirzɛ nanù ema oŋgo mòtò a o ɛndɛ o ɛhvɔ̀ndi ya mùnya.

Hibrù 2:13

A ma ohwa hvɛ nanù ema, “Nà ika lì lòkɛ̀ la ami na Lohwɛ̀.” A ma ohwa hvɛ nanù ema, “Imba ono na hwàànà ema Lohwɛ̀ a no ŋgbelì.”

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.

Hwèwulùwèlì 19:12

Mìirzɔ ma eni ma hwɛ o tenì nàa mùnya ema mo oŋwa ndèŋgànɛ̀lɛ̀ a wɔ̀ti hwèkòòtò rzayi-rzayi o mòòhvò mo eni. A ohvi lìinà ema lì tìlahwì o nyo ya eni nanù ema tɔ̀ mòtò a rza hwiyɛ lì aka tɛ mɔ̀ ŋmìti.