Yòwanìrzɛ̀ 17:10 - Mokpwe: Bakwery (New Testament)

¹⁰ Hwatò hwa arzɛ ema na hwɛnì hwa hwèlì ndi e hwa aŋgɔ, ndèŋgànɛlɛ e hwa aŋgɔ hwa arzɛ ema ò hwɛnì wɔ̀ hvɛ hwa hwèlì ndi e hwa ami, ndèŋgàna hwa wuluhwa èluhwe e ami.

Yòwanìrzɛ̀ 17:10 Mawu Ofanana

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 11:4

Ndi nà òma Yerzù à mà hwèya nanù à mà òhwa nanù ema, “È nyàmbɛ ya ama Làrzàrɔ̀rzì e rza mò ùkirzɛ̀ ò kpelì. È gbèyɛ̀nɛ ndi ò lì ŋgbà Lohwɛ̀ èluhwe ò lì arza nanù ema è Ŋmanà wà ama Lohwà a lùwane enè eyà èluhwe.”

Yòwanìrzɛ̀ 12:23

Yerzù rzìi a hwa alàhwɛ̀ nanù ema, “È hvònda e ma uka ema èluhwe ya ama è Ŋmanà wà è Mòtò wà Hwènàmà e hwɛni lì ɛnɛhwɛ.

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Hwègbèèlì 19:17

Wònyà Yudà na hwatò ema hwa rza enje wònyà Yudà hwà mà hweyà hwene hweyà. Wɔ hwà mà hweye hwene hweyà wɔ hwà mà lɛmbeya wɔ̀ŋgɔ̀. Lìina la ama e Rzàŋgò Yerzù lɔ hvɛ lì ma òhva èluhwe ndɛnɛ.

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.

Hvìlipìyà 1:20

Nà hwɛni e nyɔ̀ŋgi na màlìŋgo ma arzɛ, ndèŋgànɛ̀lɛ̀ na àhvìtɛ̀ nanù ema na rza o ohva irzɔ̀ni, ndi na o hwɛnɛ lì kɔ̀mɛ̀lɛhwɛ ihvonda ja arzɛ rzɛhvɔ̀ni o nàŋgɛ. Ène eyà e o gbèeyà nanù ema tɔ̀ mamɛ ema na gbeyà naŋgɛ, e o gbeyà èluhwe ya ama Krirztò e awuŋmɛ̀lɛ̀, tɔ̀ na hwɛ lòŋgɛ tɔ̀ na ŋwa.

Kòlòrzìyà 2:9

È rzi emeyà nanù ema hwaŋga hwà-òkòlèlì hwa mòlàŋga hwa e lukɛlɛ, ehwànja e ŋginyà na ɛ̀ɛ̀mɛ̀ ya ama Lohwɛ̀ e hwèlì o tenì ya e nyo ya e mòtò wa hwènàmà ya ama Krirztò.

2 Tɛ̀rzàlonìyà 1:10

Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.

2 Tɛ̀rzàlonìyà 1:12

Ì kanɛ̀ ndi nanù aŋga nanù, lìinà là ama Rzàŋgo wà arzu Yerzù Krirztò lì ò luwa èluhwe ò ìtììtènì jà anyu, ndèŋgànɛ̀lɛ̀ ò nyòla mɔ̀, inyɔ hvɛ è ò lùwa èluhwe. Inyɛ̀ è ndèli yà ama Lohwà là arzu nà Rzàŋgo Yerzù Krirztò, hwèyɔ ndi hwe ò gbeyà ene eyà ò lì gbèyɛ̀nɛ.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.