Yòwanìrzɛ̀ 16:5 - Mokpwe: Bakwery (New Testament)

⁵ O nàŋgɛ imba na ɛ̀ndɛ òma e mɔ̀ ema à mà nò òma. Ndi tɔ̀ mɔ̀kɔ wa anyu a rzi nò ijòwi ema, ‘One ò ɛ̀ndɛ e?’

Yòwanìrzɛ̀ 16:5 Mawu Ofanana

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 13:36

Rzìmɔ̀nì Pètrò rzìi a ijòwa Yerzù nanù ema, “Ìi Rzàŋgò òne ò ɛ̀ndɛ e?” Yerzù rzìi a timbirzɛlɛlɛ nanù ema, “Èki ema na ɛ̀ndɛ, ò rza tànɛyi lì nò òŋgama naŋgɛ, ndi o ò nò òŋgama ò mburzà yà hvònda.”

Yòwanìrzɛ̀ 14:28

È ma hwèya na òma na òhwa nanù ema, ‘Nà e lìyà ndi na e timbeya hvɛ.’ È ma nò lìŋgana tɛ, òma e òki mɔ̀nyɛ̀ŋgì ema, imba na ɛ̀ndɛ ò ma Tatɛ̀, èhwanja Tatɛ̀ ndi à Olò lì nò aka.

Yòwanìrzɛ̀ 16:10

Hwa tòni lì hvòmɛ̀nɛ̀ hweyà ema hwe hwèlì jɔ̀kɛ̀, èhwanja imba na ɛ̀ndɛ òma Tatɛ̀, ndèŋgàna inyɔ e rza ò nò ɛnɛ hvɛ.

Yòwanìrzɛ̀ 16:16

“Yerzù rzìi a hwata hvɛ lì òhwa nanù ema, ‘O ŋmanà hvònda e rza ò nò ɛnɛ hvɛ, rzi ò mburzà ŋmanà hvònda hvɛ e ò nò ɛnɛ.’”

Yòwanìrzɛ̀ 16:17

Lòŋgò la Hwà-òkòwèlì hwa ama Yerzù rzìi hwa ijòwa mɔ̀kɔ na ɔ̀nɛyi nanù ema, “Mamɛ mɔ̀ à ɔ̀ŋgɛ̀lɛ̀ ò lì jò òhweyà nanù ema, ‘O ŋmanà hvònda e rza ò nò ɛnɛ hvɛ, ndèŋgàna ò ŋmanà hvònda hvɛ e nò ɛnɛ.’ Ndèŋgana à mà òhwa hvɛ nanù ema, ‘Èhwanja na ɛ̀ndɛ òma Tatɛ̀.’”

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 17:13

O naŋgɛ na e jèeyà. Nà òhwa ndi hwenè hweyà na òma e hwèlì nanù mɛnɛ ò rze aŋga nanù mɔ̀nyɛ̀ŋgì mò awù mo òndìrzɛ̀hwɛ̀yi, mòlemilemi na òma e mò ami mò òndirzɛhwɛyi.

Yòwanìrzɛ̀ 17:4

Nà ma uŋmɛ̀lɛ̀ èluhwe e aŋgɔ anù rze na òma nà mà kulɛ èwòlò ema ò wa ò nò ŋgbelì ò ma na gbeye.

Yòwanìrzɛ̀ 6:62

Mamɛ e òhwa e ɛni tɛ è Ŋmanà wà è Mòtò wà Hwènàmà a kòòhwa tɛ lì timba ò èki ema à mà uwɛ̀lɛ̀lɛ̀yi!

Yòwanìrzɛ̀ 7:33

Ndi Yerzù à mà hwa òhweyà nanù ema, “Nà hwèlì nà inyɔ ndi ŋmanà mbɔ, na timba òma e mɔ̀ ema à nò òmi.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.