Yòwanìrzɛ̀ 16:2 - Mokpwe: Bakwery (New Testament)

² Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 16:2 Mawu Ofanana

Matiyò 10:28

È rzi òka tɔ̀ mòtò wa hwènàmà ema a tànɛyi lì òŋwa e nyàmà nyò wɔ̀ŋgɔ̀, ndi à rza tànɛyi lì òŋwa èlìŋgɛ̀. Ndi e òke Lohwɛ̀ wɔ̀ŋgɔ̀ ema a tànɛyi lì hvàŋga e nyò na èlìŋgɛ̀ ò tenì ya èhvɔ̀ndì ya mùnya.

Matiyò 24:9

O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Yòwanìrzɛ̀ 12:42

Tɔ̀ nɛ hwatò rzayì-rzayì nà tɔ̀ lòŋgò là hwàmbakì hwa hwatò hwa mà lòkɛ̀ Yerzù. Ndi nà òma hwa mà òke Ihvàlìrzàyì wɔ̀ŋgɔ̀ hwa rzi à uŋmɛ̀lɛ̀ wɔ̀ hwiti, ehwànja hwa mà òka wɔ̀ŋgɔ̀ ema hwa ò hvàyàhwa ò tenì yà è ndawò yà màkanɛ̀.

Yòwanìrzɛ̀ 16:25

Yerzù rzìi à òhweyà hwà-òkòwèlì hwa eni hvɛ nanù ema, “Tɔ̀ nɛ nàŋgɛ nà è òhwàna ndi nà è mbɔrzi yà meyànà, è hvònda è hwèlì è jà ema nà rza è òhwìrzɛ̀nɛ̀ hvɛ ò ene tumba yà mbɔrzi, ndi nà è òhweyà ndi nà è mbɔrzi yà rzɛŋgɛ-rzɛŋgɛ lì hvòmɛ̀nɛ̀ Tatɛ̀ wà ami è ŋgàna ema è hweni lì rzɔ̀ŋgìtɛ̀nɛ̀.

Yòwanìrzɛ̀ 16:32

È ɔ̀ŋgɔ tɛ, e hvònda e hwèlì e ja, ndèŋgàna e ma màa lì jàa, ema e ò wùhweyà. Tɔ̀ ima mɔ̀ tɛ a ò hwaŋga lì timba ò èki ema a uwɛ̀lɛ̀lɛ̀yi. È ò nò lìya imba mbiti. Ndi tɔ̀ nanù, na rza enje imba mbiti, èhwanja Tatɛ̀ wa ami a hwèlì na imba.

Yòwanìrzɛ̀ 4:21

Yerzù rzìi a mò òhweyà nanù ema, “Mòlanà kòkò rzɔ̀ŋgìtɛ̀nɛ̀ gbamù mamɛ ema na òhweyà. È hvònda yò ò jà ema inyɔ e rza ò kànɛlɛlɛ Tatɛ̀ ò ene hvàko tɔ̀ ò Jèrurzalɛ̀mù.

Yòwanìrzɛ̀ 4:23

Ndi tɔ̀ nanù, e hvònda e hwèlì e jà, ndèŋgànɛ̀lɛ̀ e ma màa lì jà, ema hwàkànɛ̀lèlì hwa jɔ̀kɛ̀ hwa ò kànɛlɛlɛ Tatɛ̀ ò Èlìŋgɛ̀ na ò jɔ̀kɛ̀. Lini lìtumba la hwatò lɔ̀ ndi Lohwɛ̀ a arza nanù ema hwa mò kànɛlɛlɛ.

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Yòwanìrzɛ̀ 9:34

Iŋgi Ihvàlìrzàyì rzìi ì mò alàhwɛ̀ nanù ema, “O ma ŋyàahwà ndì ò wòhwe rzì ò òŋgeya hvɛ ò tenì ya wòhwe, rzìi nàŋgɛ wa arza lì jò òkòlɛ̀ e?” Rzìi hwa mò hvaya ò ndawò ya màkanɛ̀.

Hwègbèèlì 5:33

Nà òma hwatò hwa wòŋgò wòlìya hwa mà hweye nanù hwà mà tata natɛ̀ɛ hwà mà arza nanù ema hwa òŋwe iŋgi àpɔ̀rzìtòlò.

Hwègbèèlì 7:56

À mà hwa òhweyà nanù ema, “È ɔŋgɔ̀ tɛ, nà ɛni è ŋmanyu yà lohwà è lìhvòwelì. Ndeŋgànɛ̀lɛ̀ hvɛ è Ŋmanà wà è Mòtò wà Hwènàmà, à tɛ̀mì ò ehvarzù yà lìya là mòmɛ̀ là ama Lohwɛ̀.”

1 Kɔ̀rintìyà 4:13

Hwatò hwa jo òhwìrzɛ̀nɛ̀ tɛ hweyà hwe wòhwe, irzɔ i hwa tìmbìrzɛ̀lɛ̀ ndi nà hweyà hwe gbamù. Ndi tɔ̀ nanù, natɛ̀ɛ nà naŋgɛ, hwatò hwa jò ɛnɛ ndi nàa mbìndo ò mìrzɔ̀ mà awu.

Hvìlipìyà 3:6

Nà ma hwɛnɛ e nyɔ̀ŋgi rzayi-rzayi nyayi ema e ma gbeyà ema na tàkirzɛ lì arzàŋganɛ la hwatò hwa ama Yerzù Krirztò. Tɔ̀ mòtò a rzi tanɛ lì ohwa nanù ema nà mà ohva tɔ̀ lìtɔ̀tì tɔ̀ lɔ̀kɔ la wòhwe o nyo ya ami, ehwànja nà mà ika e mbenda ya arzɛ ya hwatò hwa Irzàyɛ̀lì.

Hwèwulùwèlì 6:9

E Ŋguma ya Mɔ̀lɛ̀ŋgù rzìi e rzolowa mòjèkà ema mo ma ùkirzɛ̀ meta. Rzìi na ɔŋgɔ o rze ya ètàwo ya itùwà rzi na ɛnɛ hwèlìŋgɛ̀ hwe hwatò ema hwà mà oŋwahwa ehwànja hwà mà hwɛ o lì ohwa eyà yà Lohwà ndèŋgànɛ̀lɛ̀ hwà mà hwɛ lì ohwa hweyà hwe jɔ̀kɛ̀ lì hvomɛ̀nɛ̀ Lohwɛ̀ nyayi ema irzɔ i hwi nanù ema hwe hwèlì ndi e jɔ̀kɛ̀.