Yòwanìrzɛ̀ 16:1 - Mokpwe: Bakwery (New Testament)

¹ “Nà e òhwèlì ndi hwenè hweyà hwe arzɛ aŋga nanù e rza timbeya ò mburza.

Yòwanìrzɛ̀ 16:1 Mawu Ofanana

Matiyò 11:6

Mònàmɛ̀ na òŋgò mòtò ema a rza àyèŋgòwɛ̀ ŋmèma mò eni lì nò hvòmɛ̀nɛ̀.”

Matiyò 13:21

Ndi Èya ya Lohwà e rza hwa rzɔ̀ŋgɔ ò mèèmà me awu, ndèŋgànà e rza kùwà mbɔ ò mèèmà me awu. O èŋgànɛ̀lɛ̀ rzɔ mòtàkà tɔ̀ mòhvùŋgu mò hwa jɛlɛlɛ tɛ lì hvòmɛ̀nɛ̀ mòŋgò ŋmɛ̀ndì mò ama Lohwɛ̀, wɔ̀ hwa rzɔnjɛ̀lɛ̀ ŋgelì hvɔ̀kɔ.

Matiyò 13:57

O èŋgànɛ̀lɛ̀ rzɔ hwa ma mò rzɔ̀rzɔ̀. Yerzù rzìi a hwa òhweyà nanù ema, “Mòòhwèlì wà èlìŋgɛ̀ a ŋgbààhwà èluhwe tɔ̀ ima ekì ndi rzeketɛ ò mbòwà yà èni, na lìtùmba la eni.”

Matiyò 24:10

“Hwatò rzayì-rzayì hwa rza ò lòkɛ̀ hvɛ, hwa ò ŋgbà mɔ̀kɔ na ɔ̀nɛ̀yi ò màà mà hwaŋga ema hwa hwà kɔwu. Hwa ò a kɔ̀ɔnɛ mɔ̀kɔ na ɔ̀nɛ̀yi.

Yòwanìrzɛ̀ 15:11

Nà e òhweyà ndi hwene hweyà hwe arzɛ aŋga nanù inyɔ hvɛ e òka e nyayi ya mɔ̀nyɛ̀ŋgì ema imba hvɛ na òka. Ndèŋgànɛ̀lɛ̀ mɔ̀nyɛ̀ŋgì mò anyu mò ònda.

Yòwanìrzɛ̀ 16:4

Nà e òhwèlì ndi ene eyà, aŋga nanù, e hvònda e jelì tɛ ema hwene hweyà hwe ò gbèyɛ̀nɛ òma ema ɔ̀ŋgɛ̀lɛ̀ ema nà mà e kòkòwɛlɛ. “Nà rzi lòme lì e òhweyà hwenè hweyà ò hwewòtelì, èhwanja, nà mà hwɛ na inyɔ.

Ròmànì 14:21

O lɔ̀wu nanù ema mòtò a rzi keka lì gbeyà eyà ema e tanɛyi lì gbeyà ŋmanyàŋgò wa eni ò lì ayirzɛ lìwawu. Nga e hwèlì ndi ò lì laa nyàmà, tɔ̀ lì nyɔ mimba tɔ̀ ò lì laa la ehvɛhvɛ yòma.

Hvìlipìyà 1:10

Àŋga nanù inyɔ e o hwiya hweyà ema hwe lɔ̀wu rzayi-rzayi. Ène eyà e gbeyà inyɔ e hwɛ wòtani o worzo wo ama Lohwɛ̀, ndèŋgànɛ̀lɛ̀ inyɔ e rza o hwɛnɛ hvɛ tɔ mehwɛlɛ, o Wùnyà ema Krirztò a o jɛ̀ɛ̀ hvɛ.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”