Yòwanìrzɛ̀ 15:9 - Mokpwe: Bakwery (New Testament)

⁹ Nà òma Tatɛ̀ a nò lìŋgàni, nanù mɛnɛ ndi imba hvɛ na e lìŋgàni. O èŋgànɛ̀lɛ̀ e akakumɛnɛ ndi nanù mɛnɛ na imba aŋga nanù na hwɛni ndi lì e lìŋgàna nanù mɛnɛ.

Yòwanìrzɛ̀ 15:9 Mawu Ofanana

Yòwanìrzɛ̀ 15:11

Nà e òhweyà ndi hwene hweyà hwe arzɛ aŋga nanù inyɔ hvɛ e òka e nyayi ya mɔ̀nyɛ̀ŋgì ema imba hvɛ na òka. Ndèŋgànɛ̀lɛ̀ mɔ̀nyɛ̀ŋgì mò anyu mò ònda.

Yòwanìrzɛ̀ 15:13

Mòtò a ŋwelɛlɛ tɛ imbunda i eni nanù òma a uŋmɛ̀lɛ̀yi ndìŋgɛ ema e karzami rzayi-rzayi.

Yòwanìrzɛ̀ 17:26

Imba na gbèyi nanù ema hwa ò hwiye, na ɛ̀ndɛ ndi ò wòrzò lì gbeyà nanù mɛnɛ, aŋga nanù e ndìŋgɛ ema ò nò hwɛnɛni e ò hwɛ ò tenì ya awu, ndèŋgàna imba hvɛ na hwɛ na wɔ̀.”

Yòwanìrzɛ̀ 3:35

Tatɛ̀ a lìŋgàni è Ŋmanà wà eni rzìi a ikayi hweyà hwe arzɛ ò màà mà eni.

Ɛ̀hvìrzìyà 3:18

Nà kanɛ̀ hvɛ nanù ema inyɔ nà hwatò hwa arzɛ hwa ama Lohwà è hwiye nanù ema Krirztò à jò lìŋgàni rzayi-rzayi ndeŋgànɛ̀lɛ̀ è ndìŋgɛ yà eni nà irzɔ è rza hwɛni lìrzùkù.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

Judɛ 1:20

Ndi imbùnda jà ami kòkò, inyɛ lìlòkɛ̀ là wòtani ema è hwɛni lì hwɛ ndi ò lì ɔŋgɔ ò tenì yà anyu lì ɛndɛ ò worzo. È kànɛ nanù ema è ŋginyà yà Èlìŋgɛ̀ yà Wòtani yè è timbe.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.