Yòwanìrzɛ̀ 15:7 - Mokpwe: Bakwery (New Testament)

⁷ È kakùmɛ̀nɛ̀ tɛ nanù mɛnɛ na imba rzìi hwèyòkòlèlì hwe ami hwèyɔ̀hvɛ hwe hwɛ ò tenì e anyu, e ijòwe tɔ̀ mamɛ ema e arza, ye e èlùwà.

Yòwanìrzɛ̀ 15:7 Mawu Ofanana

Matiyò 7:7

“Ijòwa Lohwɛ̀, à ò ŋgbà. Ò arze, Lohwɛ̀ à gbeyà ò è ɛnɛ, ò kumbe lìyòhva, Lohwɛ̀ ò è lìhvòweya è lɔ̀.

Yòwanìrzɛ̀ 14:13

Ndèŋgànɛ̀lɛ̀ hvɛ, imba na ò gbeyà tɔ̀ mamɛ ema ò ijò ò lìna lì ami, aŋga nanù Tatɛ̀ a ò luwa èluhwe lì akeyà è Ŋmanà wà Munyanà wa eni.

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 16:23

Ò wòŋgò wùnyà è rza ò nò ijòwa hvɛ tɔ̀ eyà. Nà è òhweyà ndi è jɔ̀kɛ̀ ema Tatɛ̀ à è ŋgbà ndi tɔ̀ mamɛ ema è ijò ò lìnà là ami.

Yòwanìrzɛ̀ 8:31

Hwàŋga hwatò hwa Lohwà ema hwà mà lòkɛ̀ Yerzù mɔ̀ à mà hwa òhweyà nanù ema, “È alɛ̀mbɛnɛyi tɛ hwèyòkòlelì hwe ami, ò ma e hwèlì ndi Hwà-òkòwèlì hwa ami hwa jɔ̀kɛ̀.

Yòwanìrzɛ̀ 8:37

Nà hwi nanù ema inyɔ e hwèlì ndi e nyɔ̀ŋgɔ̀nì ya ama Abràhamù. Ndi tɔ̀ nanù, inyɔ e wòŋgirzɛnɛyi ò lì nò òŋwa, èhwanja hweyòhwèlì hwe ami hwe rza òhvi tɔ̀ ìlùkù ò mèèmà me anyu.

Gàletìyà 4:2

Èhwànja mɔ̀ à e hwèlì ŋmanà, o hwèlì hwatò ema hwa mo ɔŋgeya na lì kànèyà hvɛ hweyà wa eni natɛ̀ɛ a uka mòkèka ema rzàŋgɛ a tɛ̀yirzɛ.

Gàletìyà 5:16

Mamɛ ema na ohwa e hwèlì ndi ema, inyɛ Èlìŋgɛ̀ ya ama Lohwɛ̀ e kànèyà mòŋgɛ ma anyu. Ène ye e gbeyà ema e rza gbeyà hweyà hwe wòhwe na oma e nyàmà nyo e arza.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

1 Yòwanìrzɛ̀ 2:14

Inyɔ ema e hwèlì nàa hwàanà hwa ami, na e tìleya ehwànja e hwi Tatɛ̀. Inyɔ ema e hwèlì nàa i tatɛ̀ ja ami na e tìleya èhwanja e hwi, e mɔ̀ ema a hwèlì aŋga natɛ̀ɛ na o hwewotelì. Hwèrzɔ̀mbɛ̀, na e tìleya ehwànja e imbami ndèŋgànɛlɛ Eyà ya Lohwà e hwèlì o tenì ya anyu, ndèŋgànɛlɛ e akayi e Mɔ̀ ema a hwèlì Wòhwe.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.

1 Yòwanìrzɛ̀ 3:22

I luwàna Lohwɛ̀ tɔ̀ mamɛ ema i mo arzanì, ehwànja irzɔ jo òŋgama imbenda ja eni, na lì gbeyà hvɛ mamɛ ema e mo lìŋgìrzɛ.

1 Yòwanìrzɛ̀ 5:14

I ma rzekeya mèèmà me arzu nanù ema tɔ̀ mamɛ ema ja akowani Lohwɛ̀ ema e hwèlì o lì emeyà là eni, mɔ̀ à jo hweyàna.