Yòwanìrzɛ̀ 15:16 - Mokpwe: Bakwery (New Testament)

¹⁶ Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 15:16 Mawu Ofanana

Matiyò 21:22

È òhvi tɛ lì lòkɛ̀ nanù ema, tɔ̀ mamɛ ema e ijòwani Lohwɛ̀ ò màkanɛ̀ ye e lùwa. Nànù òma e ijòwi tɛ ye e luwa.”

Matiyò 7:7

“Ijòwa Lohwɛ̀, à ò ŋgbà. Ò arze, Lohwɛ̀ à gbeyà ò è ɛnɛ, ò kumbe lìyòhva, Lohwɛ̀ ò è lìhvòweya è lɔ̀.

Lukàrzɛ̀ 6:13

Nà òmà wùùnya wò mà yahwe, rzìi a hwɛlɛ Hwà-òkòwèlì hwa eni ò nyò, rzìi a hvɔ̀rzɔ̀ ò ìtììtènì ja awu lìyòmɛ̀ nà hwàhwàkɛ̀ rzìi a hwa hwɛlɛ ì Àpɔ̀rzìtòlò. Iŋgi Àpɔ̀rzìtòlò ima hwɛ ndi,

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 15:19

È mà hwɛ tɛ nàa hwatò hwa ene rze, òma e rze ye e wòwi nàa e hwe eni hwatò. Ndi na e hvɔ̀rzì ò ìtììtènì ja hwatò hwa ene rze. O èŋgànɛ̀lɛ̀ e rza enje hwatò hwa ene rze. Ɔ̀ndeŋgàtɛ̀ e rze ye e kɔwu.

Yòwanìrzɛ̀ 15:5

“Imba ndi na hwèlì gbèe wò hwehvùma, inyɔ ndi e hwèlì hwɛkɔkɔ. Mòtò a hwèlì tɛ na imba nanù mɛnɛ, imba hvɛ rzìi na hwɛ na mɔ̀, a ŋya hwehvùma rzayi-rzayi. È rza enje tɛ na imba, e rza tànɛyi lì gbeyà tɔ̀ eyà.

Yòwanìrzɛ̀ 6:70

Yerzù rzìi a hwa alàhwɛ̀ nanù ema, “Rzeke nà mà è hvɔ̀rzɔ̀ inyɔ lìyòmɛ na hwahwàkɛ ndi mɔ̀kɔ hwa anyu a hwèlì ndi mòkarzɛ̀”

Hwègbèèlì 1:24

Rzi hwa kànɛ nanù ema, “Rzàŋgò, ò hwi ŋmèma mò tɔ̀ ima mòtò tɛ. O jò uŋmɛ̀lɛ̀ ò hwanù hwahwàkɛ e mɔ̀ ema ò hvɔ̀rzì,

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 10:41

Rzeketɛ hwatò hwa arzɛ ndi hwà mà mò ɛnɛ. Hwàtò ema Lohwɛ̀ à mà lòme lì hvɔ̀rzɔ̀ wɔ̀ ndi hwà mà mò ɛnɛ. Èŋge ŋgàna e hwèlì ndi nanù ema, irzɔ ema i ma làlɛnɛ̀ na lì nyɔlɛnɛ na mɔ̀ ò mburza hwèhvùmùwèlì hwe eni hwe kpelì.

Hwègbèèlì 22:14

O mburza nanù, Ànàniyarzì rzìi à òhwa nanù ema, ‘Lohwɛ̀ la ama imbamba ja arzu à mà màà lì ò hvɔ̀rzɔ̀ ò lì hwiya lì emeyà la eni, na ò lì ɛnɛ e Mɔ̀ ema a hwèlì Èhve-ehve na ò lì hweyà imbɔrzi ema jò uwɛ̀lɛ̀lɛ̀yì ò wàna ya eni.

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Ròmànì 1:13

Wònyamòwè kòkò, nà lìŋgàna nanù ema è hwiye nanù ema, nà mà òhva mɔ̀ŋgɛ̀lɛ̀ rzayi-rzayi ja ŋgelì ò lì jà lì è ɛnɛ ndi nàtɛ̀ɛ nà nàŋgɛ è njiya è rzi lìhvòhwèlì. Nà lìŋgàna lì jà aŋga ò lì gbeyà èwòlò ò ìtììtènì jà anyu ema è ŋyàa hwehvùma nyàyi hvɔ̀kɔ nà òma nà mà gbèeyà hvɛ hwahvɛhvɛ hwatò ema hwa rza enje wònyà Yudà.

Ròmànì 1:5

O lì akeyà nà lìinà là eni ɔ̀ndeŋgàtɛ̀ Lohwɛ̀ à nò ŋgbelì è ndèli yà eni ema nà hwɛ è àpɔ̀rzìtòlò, aŋga nanù hwatò ema hwa rza enje wònyà Yudà hwa ò lòkɛ̀ nà lì hweyàna Krirztò. Ène è gbeyà lìinà là eni lì hwɛnɛ èluhwe.

Ròmànì 15:4

Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.

Ròmànì 9:21

Lì aka hvɛ tɔ̀ nanù, rzeke e mòtò ema a wòndɛ màànyà, a hwɛni wònjà ò lì gbeyàna jeka nà òma mɔ̀ àrza ò lì gbeyà lìhwànya e? A lìŋgàni tɛ, mɔ̀ à tanɛyi lì wòwa lìtuta la jeka jɔ̀kɔ ò lì gbeyà màànyà ma hwàkɛ̀; Lìhwànya lɔ̀kɔ lì hwɛ ndi lìhwànya ya èluhwe ndèŋgànà lìnɛi hvɛ lì hwɛ ndi e lɔ ema lì gbeyànɛhwɛ ò tɔ̀ ima hvònda.

1 Kɔ̀rintìyà 10:11

Hwenè hweyà hwe arzɛ hwe mà hwa gbèyɛ̀nɛ ndi nàa èmɛ̀nɛ̀nì o hwahvɛhvɛ hwatò. Hwenè hweyà hwe àrzɛ hwe tìlahwì ndi nàa mayowà mà ŋginyà o lì jò kòkòwɛ̀lɛ̀. Irzɔ i hwèlì ndi o hvonda ema lìrzukù la ene rze lì ma kombɛ̀nɛ̀ o lì jà.

Gàletìyà 1:15

Ndi tɔ̀ nɛ è mà hwɛ nanù, Lohwɛ̀ à mà lòma lì nò hvɔ̀rzɔ̀ ndèŋgàna nà è ŋyàahwà. À mà nò hwɛlɛ nà è ndèli yà eni ò lì mò gbèeyà.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

1 Tìmotì 2:7

Ène eyà ndi e ma gbèeyà Krirztò o lì no òma nàa àpɔ̀rzìtòlò o lì ɛndɛ lì ohwa ŋmɛ̀ndì mò gbamù lì hvomɛ̀nɛ̀ o lì lòkɛ̀ Krirztò na e jɔ̀kɛ̀ o hwatò ema hwa rza enje wònyà Yudà. Mamɛ ema na ohwa e hwèlì ndi e jɔ̀kɛ̀ na rza kɔ tɔ̀ eyà.

2 Tìmotì 1:11

Lohwɛ̀ à mà nò hvɔ̀rzɔ̀ ò lì hwɛ è àpɔ̀rzìtòlò nà è Mòòkòlèlì ò lì ohwa Ŋmɛ̀ndì mò Gbamù.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

Tàyìtùrzì 1:5

Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.

Hibrù 11:4

O lìlòkɛ̀ ndi Abɛ̀lì à mà ŋgbe Lohwɛ̀ làhweyà la gbamù, ema lì ma aka lìŋgi ema Kèyini à mà ŋgbe Lohwɛ̀. Liŋgi lìlòkɛ̀ lɔ ndi lì ma gbeyà ema Lohwɛ̀ à mà mo òkane mɔ̀nyɛ̀ŋgì nàa mòtò ema a gbèeyà hweyà ema hwe hvomɛ̀nɛ̀yi. Ène eyà e ma awuŋmɛ̀lɛ̀ na oma Lohwɛ̀ à mà emeyà làhweyà la ama Abɛ̀lì. Lìlòkɛ̀ ndi lì ma gbèya ema tɔ̀ nɛ Abɛ̀lì mɔ̀ à mà ŋwɛɛ, ndi à hwèlì lì ohweyà hwatò hweyà.

Jèmìrzì 3:18

È hwèlì tɛ nanù ema hwàgbèèlì hwa ɛ̀yɔ̀lɛ̀ hwa gbeyà èwòlò ema e jànà ɛ̀yɔ̀lɛ̀ o ìtììtènì ja hwatò, eŋge e gbeyà hwatò hwa gbeyà hweyà ema Lohwɛ̀ a arza.

1 Pètrò 3:15

È ŋgbe Krirztò èluhwe nanù ema mɔ̀ ndi à hwèlì e Rzàŋgo ya mòŋgɛ ma anyu. È awoŋgirzɛnɛ o ihvonda ja arzɛ o lì alàhwɛ̀ tɔ̀ imà mòtò ema a e ijòwa o lì ohwa lì hvomɛ̀nɛ̀ lìhvìta ema e ohvani Krirztò.

1 Pètrò 3:2

wɔ̀ hwa o ɛnɛ ɛ̀ɛ̀mɛ̀ ya anyu ya gbamù ya Wòrzàŋgì.

1 Yòwanìrzɛ̀ 4:10

Nànù ndi è ndìŋgɛ yà jɔ̀kɛ̀ è hwèlì, è rza enje ndi nanù ema ì mà lìŋgàna Lohwɛ̀, ndi è hwèlì ndi nanù ema à mà jò lìŋgàna rzìi à jò òmeya è Ŋmanà wà eni wà Mùnyanà nàa jàhwèyà ò lì jò kɔ̀tɔ̀ ò nyòla wòhwe ema irzɔ ì mà gbèèyɛ̀.

1 Yòwanìrzɛ̀ 4:19

Irzɔ jò uŋmɛ̀lɛ̀ hwatò è ndìŋgɛ, ehwànja Lohwɛ̀ à mà lòma lì jò uŋmɛ̀lɛ̀ è ndìŋgɛ yà eni.