Yòwanìrzɛ̀ 15:12 - Mokpwe: Bakwery (New Testament)

¹² È mbenda ya ami e hwèlì ndi nanù ema, e alìŋgànɛ mɔ̀kɔ na ɔ̀nɛyi na òma imba hvɛ na e lìŋgàni.

Yòwanìrzɛ̀ 15:12 Mawu Ofanana

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

Yòwanìrzɛ̀ 15:17

Hwene hweyà hwe arzɛ ema nà è òhweyà nanù hwe hwèlì ndi nanù ema, è alìŋgànɛ mɔ̀kɔ nà ɔ̀nɛyi.”

Ròmànì 12:10

Inyɛ̀ tɔ̀ ima mòtò a lìŋgàne ŋmanyàŋgò wa eni na ŋmèma mò eni mò arzɛ. Inyɛ̀ tɔ̀ ima mòtò a ŋgbe ŋmanyàŋgò wa eni èluhwe lì aka mamɛ ema a aŋgbɛ mɔ̀ ŋmìti.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

1 Tɛ̀rzàlonìyà 3:12

I kànɛ nanù ema, inyɛ e Rzàŋgo e gbeye e ndìŋgɛ ema e ahwɛnɛnɛ mɔ̀kɔ na ɔ̀nɛyi na o hwatò hwa arzɛ e ahwàtɛ na lì hvuhva nyayi hvɔ̀kɔ hvɛ na oma e ndìŋgɛ ya arzu ema je e hwɛnelì yɔ hvɛ e ahwàtɛ.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

1 Pètrò 4:8

O lì aka hweyà hwe arzɛ, ya alìŋgànɛ mɔ̀kɔ na ɔ̀nɛyi kɔ̀yi-kɔ̀yi, ehwànja e ndìŋgɛ e hwànda wòhwe rzayi-rzayi.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 4:21

Ò eŋgànɛ̀lɛ̀ è mbenda yà ene ema e ŋgbàahwì tɔ̀ njɛnɛ ema à lìŋgàni Lohwɛ̀, à aŋgàmɛ̀nɛ̀yi hvɛ lKì lìŋgàna ŋmanyàŋgò wà eni.

2 Yòwanìrzɛ̀ 1:5

O èŋgànɛ̀lɛ̀ rzɔ ìi nyàŋgo, na rza o tìleya ndi mbenda hvènya ndi e yɔ ema e ma hwɛ natɛ̀ɛ na o hwewòtelì, na o rzòrzòmeya nanù ema ja alìŋgànɛ mɔ̀kɔ na ɔ̀nɛyi.