Yòwanìrzɛ̀ 15:1 - Mokpwe: Bakwery (New Testament)

¹ “Imba ndi na hwèlì gbèe wò hwehvùma wò jɔ̀kɛ̀, rzìi Tatà wa ami ndi à hwèlì e mògbèèlì hwa hvaya.

Yòwanìrzɛ̀ 15:1 Mawu Ofanana

Matiyò 15:13

Yerzù rzìi a hwa alàhwɛ̀ nanù ema, “Tɔ̀ ima gbee ema Tatɛ̀ wa ami wà e ŋmanyu yà lohwà a rza ònɛyi, e ò wùŋguwàhwà wàrzɛ̀wàrzɛ̀.

Matiyò 20:1

Yerzù à mà kpɛ ŋmàna nanù ema, “Likànèyà la ama Lohwɛ̀ lì hwèlì ndi nàa mòtò ema a òhvi e wàŋga ya eni, ema à mà akɛlɛ lì wurza ò ndawò ekpa ya arzɛ lì ɛ̀ndɛ lì arza hwatò a aka ò lì mò gbèeyà èwòlò ò hvaya ya eni.

Matiyò 21:33

Yerzù rzìi a òhwa hvɛ nanù ema, “È òkànèyà hvɛ mòhvɛhvɛ ŋmàna. O ma hwɛ mòhwɛnɛ wa hvaya ema à mà rzarza e hvaya ya eni, rzi a òna mayi ma hwehvùma ema hwe nyukahwa ò lì gbeyà hwènyɔ̀ɔ̀nì. A ma kaka ŋgawò ò lì lìŋga eŋge hvaya ya arzɛ, à mà òŋga hvɛ lìyami ò lì mita hwehvùma ò lì wurzirzɛ hwènyɔ̀ɔ̀nì. A ma òŋga hvɛ lìwòndò la ndɛkì ema e ma karzama ò ŋmanyu ema aŋga ndi hwà-ɔ̀ŋgelì hwà mà lìya ò lì ɔŋgeya eŋge hvaya. A ma aka hwatò ema hwà mà hwɛnɛ lì kawa eŋge mbòtà na mɔ̀ ndèŋgànà a ɛ̀ndɛ ò ehvɛhvɛ èkòmè.

Makòrzì 12:1

Yerzù rzìi à wòteya lì hwa òhwìrzɛ̀nɛ̀ nà meyànà, a òhwa nanù ema, “Mòtò mɔ̀kɔ à mà òna è hvaya yà enì yà hwèhvùma ema hwa gbeyàna hwènyɔ̀ɔ̀nì. Oŋgò mòtò rzìi a kɔ e ŋgawò ò èŋge hvaya. À ma òŋga hvɛ lìyami ò lì mita hwèŋgè hwèhvùma, ò lì wurzirzɛ hwènyɔ̀ɔ̀nì. À mà òŋga hvɛ lìwòndò la ndɛkì ema hwatò hwà mà lìya ò lì hvayà hwenɔ̀ni. À mà aka hwatò ema hwà mà hwɛnɛ lì kahwa èŋge mbòtà nà mɔ̀, ndèŋgàna a ɛ̀ndɛ ò yɔ̀ndɔ̀.

Lukàrzɛ̀ 13:6

Yerzù rzìi a hwa kpɛ̀ɛyà mònò ŋmàna nanù ema, “O mà hwɛ mòtò mɔ̀kɔ ema à ma òna gbèe wò hwehvùma ò wàŋgà yà èni. À mà hwɛ lì ɛ̀ndɛ ò wòŋgò gbèe ŋgɛ̀lɛŋgɛlɛ ò lì arza hwèhvùma. A mà ùke a rzi lùwè tɔ̀ èhvùma.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Yòwanìrzɛ̀ 1:9

Eyà ndi e ma hwɛ ŋmàye mò jɔ̀kɛ̀ ema mò ma uŋmɛ̀lɛ̀ hwatò èki ya arzɛ. Mɔ̀ ndi à mà hwɛ e mɔ̀ ema à mà hwɛnɛ lì jà ò rze.

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Yòwanìrzɛ̀ 6:32

Yerzù rzìi à hwa alàhwɛ̀ nanù ema, “Nà è òhweyà è jɔ̀kɛ̀, rzeketɛ Mòrzè ndi à mà è ŋgba hwèhvòòtò ema hwe mà uhwɛlɛlɛ ò ŋmanyu. Ndi Rzàŋgò hwa ami ndi à mà è ŋgbà hwèhvòòtò ema hwe mà uhwɛlɛlɛ ò ŋmanyu yà Lohwà.

Yòwanìrzɛ̀ 6:55

È nyàmà nyò ya ami rzɔ e hwèlì mòlelì mò tɛ̀ɛ̀tɛ̀ɛ màyija ma ami mò hvɛ ma hwèlì ndi hwènyɔ̀ɔ̀nì hwe tɛ̀ɛ̀tɛ̀ɛ̀.

Ròmànì 11:17

Lòŋgò la hwèkɔ̀kɔ̀ hwe màyi ma Njàhwɛ̀ ema mà ònahwi ma mà rzenjòwahwa, ò lì ikahwa ò mayi ma Njàhwɛ̀ ema mà rza ònahwɛ. Inyɔ hwatò ema e rza enje wònyà Yudà, e gbeye ndi nàa hweŋge hwèkɔ̀kɔ̀ hwe mayi ma Njàhwɛ̀ ema mà rza ònahwɛ ema hwe ɔhvɛ hwe luwa ndi maŋga malìhwa mɛnɛ ema meŋge meyaŋga me mayi ma Njàhwɛ̀ ema me ònahwi ma luwa.

1 Kɔ̀rintìyà 3:9

Èhwanja irzɔ hwahwàkɛ i hwèlì ndi hwàgbèèlì hwa ama Lohwɛ̀ ema i gbeyà ndi èwòlò yɔ̀kɔ. Inyɔhvɛ ema e lòkɛ̀yi, e hwèlì ndi nàa e hvaya ya ama Lohwɛ̀. Nà tànɛyi na e wowa ndi nàa wooŋgi ema Lohwɛ̀ a hwèlì a oŋga.

1 Yòwanìrzɛ̀ 2:8

Ndi tɔ̀ nanù, nà è tìleyà ndi mbenda hvènya, ehwànja è jɔ̀kɛ̀ yà eŋge mbenda è ɛneyà ò lòŋgɛ là ama Krirztò, ndèŋgànɛ̀lɛ̀ lì ɛ̀neyà ò lòŋgɛ là anyu. Èhwànja jììtìtì ì hwèlì jà aka, ndèŋgànɛlɛ ŋmàye mò jɔ̀kɛ̀ mò mà wòteyà lì hvàyeyà.