Yòwanìrzɛ̀ 14:9 - Mokpwe: Bakwery (New Testament)

⁹ Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

Yòwanìrzɛ̀ 14:9 Mawu Ofanana

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Lukàrzɛ̀ 12:56

Yòma-yòma hwatò hwa mèhvìlì, è tànɛyi tɛ lì laŋgà wùùnya nanù, rzìi mamɛ ndeŋgàtɛ e rza tanɛ lì èmba hweyà ema hwe ò gbèyɛ̀nɛ ò wòrzò yàwònò e?

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 12:45

Tɔ̀ ima mɔ̀ ema a nò ɛni, a ɛni hvɛ e mɔ̀ ema a nò òmi.

Yòwanìrzɛ̀ 14:20

Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.

Yòwanìrzɛ̀ 14:7

Yerzù rzìi a òhweyà hwà-òkòwèlì hwa eni nanù ema, “Nàŋgɛ ema e ma nò hwiyɛ, e hwi hvɛ e Tatɛ̀ ya ami. Liwòteya nàŋgɛ lì ɛ̀ndɛ ò wòrzò, e ma mò hwiya, ndèŋgànɛ̀lɛ̀ hvɛ e ma mò ɛnɛ.”

Yòwanìrzɛ̀ 8:19

Rzìi hwa mò ijòwa nanù ema, “One e Rzàŋgò ya aŋgɔ̀ yɔ e hwèlì e?” Yerzù rzìi a hwa timbirzɛlɛlɛ nanù ema, “È rza nò hwi imba tɔ̀ Rzàŋgò wa ami. È ma nò hwiya tɛ ò mà è hwi hvɛ Rzàŋgò wà ami.”

1 Kɔ̀rintìyà 15:12

O èŋgànɛ̀lɛ̀ jo e ohwèlì tɛ nanù ema Krirztò à mà Hvùmùwà o kpelì, mamɛ ndeŋgatɛ e ohwa ema hwatò ema hwà mà ŋwɛ hwa rza hvùmùwà e?

Hvìlipìyà 2:6

A ma hwɛ ndi na oma Lohwɛ̀ à mà hwɛ, ndi tɔ nanù, a rzi ohve tɔ màlùtèyà nanù ema hwa ohwe nanù ema mɔ̀ na Lohwɛ̀ hwa hwèlì ndi nyayi hvɔ̀kɔ.

Kòlòrzìyà 1:15

Tɔ̀ mòtò à rza ɛni Lohwɛ̀ nà mììrzɔ̀ mà eni. Ndi hwatò hwa mà rzɔ̀ŋgìtɛ̀nɛ̀ njɛnɛ Lohwɛ̀ à hwèlì è hvonda ema hwa mà ɛnɛ Krirztò, ehwànja mɔ̀ ndi à akɛ̀nɛ̀ Lohwɛ̀. Mɔ̀ ndi à hwèlì ehvòwà yà ŋmanà ema à tɛmì ò ŋmanyu yà hwèèmà hwe arzɛ ema Lohwɛ̀ à mà wèkɛ.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.