Yòwanìrzɛ̀ 14:5 - Mokpwe: Bakwery (New Testament)

⁵ Tɔ̀màrzì à mà ijòwà Yerzù nanù ema, “Ìi Rzàŋgò, irzɔ irza hwi èki ema ò ɛ̀ndɛ, nɛ rzɔ irzɔ i tànɛyi lì hwiya e njiya ema e ɛndɛ aŋga e?”

Yòwanìrzɛ̀ 14:5 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Lukàrzɛ̀ 24:25

Yerzù à mà hwa timbirzɛlɛlɛ nanù ema, “È hwèlì ndi mɛ̀lɔ̀kɔ̀rzɔ̀ me hwatò. È rza tànɛyi lì lòkɛ̀ mamɛ Hwà-òhwèlì hwa Hwèlìŋgɛ̀ hwa kòhwaa hwa mà òhwe!

Yòwanìrzɛ̀ 11:16

Tɔ̀marzì (ema à mà hwɛ̀lɛ̀hwɛ̀ hvɛ ema Mayirzɛ), rzìi a òhweyà wònyànyàŋgò hwa hwà-òkòwèlì nanù ema, “Inyɛ̀ irzɔ hvɛ jɛ̀ɛ̀ ɛ̀ndɛ aŋga na mɔ̀ àŋga nanù e hwèlì hvɛ tɛ ema kpelì irzɔ hvɛ i ŋwa na e Mòòkòlèlì.”

Yòwanìrzɛ̀ 14:4

Inyɔ e hwi e njiya ya èki ema na ɛ̀ndɛ.”

Yòwanìrzɛ̀ 15:12

È mbenda ya ami e hwèlì ndi nanù ema, e alìŋgànɛ mɔ̀kɔ na ɔ̀nɛyi na òma imba hvɛ na e lìŋgàni.

Yòwanìrzɛ̀ 16:5

O nàŋgɛ imba na ɛ̀ndɛ òma e mɔ̀ ema à mà nò òma. Ndi tɔ̀ mɔ̀kɔ wa anyu a rzi nò ijòwi ema, ‘One ò ɛ̀ndɛ e?’