Yòwanìrzɛ̀ 14:3 - Mokpwe: Bakwery (New Testament)

³ Ndèŋgana na ɛndi tɛ ò lì e rzèkeya èki ya anyu, na ò tìmba hvɛ ò mburzà ò lì e wòwa ema e hwɛ na imba. Àŋga nanù inyɔ hvɛ e hwɛ ò èki ema na hwèlì.

Yòwanìrzɛ̀ 14:3 Mawu Ofanana

Yòwanìrzɛ̀ 12:26

Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.

Yòwanìrzɛ̀ 14:28

È ma hwèya na òma na òhwa nanù ema, ‘Nà e lìyà ndi na e timbeya hvɛ.’ È ma nò lìŋgana tɛ, òma e òki mɔ̀nyɛ̀ŋgì ema, imba na ɛ̀ndɛ ò ma Tatɛ̀, èhwanja Tatɛ̀ ndi à Olò lì nò aka.

Yòwanìrzɛ̀ 14:4

Inyɔ e hwi e njiya ya èki ema na ɛ̀ndɛ.”

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

Hvìlipìyà 1:23

Hwene hweyà hweahwakɛ hwe no tɛmelì o worzo, ndèŋgànɛ̀lɛ̀ e no ambani o lì hwiya e yɔ ema na hvɔ̀rzɔ̀. Nà lìŋgàni lì o hwɛmɛ lìni lòŋgɛ rzìi na hwɛ na Krirztò, ehwànja eŋge eyà e lɔ̀wu lì aka lì hwɛ anu rze.

2 Tɛ̀rzàlonìyà 1:12

Ì kanɛ̀ ndi nanù aŋga nanù, lìinà là ama Rzàŋgo wà arzu Yerzù Krirztò lì ò luwa èluhwe ò ìtììtènì jà anyu, ndèŋgànɛ̀lɛ̀ ò nyòla mɔ̀, inyɔ hvɛ è ò lùwa èluhwe. Inyɛ̀ è ndèli yà ama Lohwà là arzu nà Rzàŋgo Yerzù Krirztò, hwèyɔ ndi hwe ò gbeyà ene eyà ò lì gbèyɛ̀nɛ.

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.