Yòwanìrzɛ̀ 14:12 - Mokpwe: Bakwery (New Testament)

¹² Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Yòwanìrzɛ̀ 14:12 Mawu Ofanana

Matiyò 21:21

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, e òhvi tɛ lì lòkɛ̀ rzi e rzi tame, inyɔ hvɛ e tànɛyi lì gbeyà mamɛ ema na gbeyànì wònò gbee. Rzeke hvɛ tɔ̀ ene mɛnɛ, e tànɛyi hvɛ lì òhweyà ene hvàko nanù ema, ‘Anjiya anu òma, ò ɛndɛ ò ahvimbɛ ò wà witi ò tenì ya ŋmànja’ e gbèyɛ̀nɛ nanù.

Makòrzì 11:13

À mà ɛnɛ gbèe wò hwèhvùma wò nyɔ̀hvinyà ò hvòka ema wò òhvi na hwèyalì. À mà ɛ̀ndɛ lì ɔŋgɔ̀ ŋgà wò nyàyi hwèhvumà. È hvònda à mà ùkè aŋga, à rzì ùŋmànɛlɛ̀ tɔ̀ yòmà, lì aka tɛ hwèyalì mɛnɛ, ndì è hvònda ya eni ya lì ŋya hwèhvumà è rzì ùkè.

Makòrzì 16:17

Hwatò ema hwa lòkɛ̀yì hwa òhva ŋginyà ò lì gbeyà hweyà hwe mànyakà: Wɔ̀ hwa ò hvaya hwèlìŋgɛ̀ hwe wòhwe ò lìna la ami, wò òhwa hvɛ imbɔrzi hvènya.

Yòwanìrzɛ̀ 14:28

È ma hwèya na òma na òhwa nanù ema, ‘Nà e lìyà ndi na e timbeya hvɛ.’ È ma nò lìŋgana tɛ, òma e òki mɔ̀nyɛ̀ŋgì ema, imba na ɛ̀ndɛ ò ma Tatɛ̀, èhwanja Tatɛ̀ ndi à Olò lì nò aka.

Yòwanìrzɛ̀ 16:7

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.

Yòwanìrzɛ̀ 4:37

Ɔ̀ndeŋgàtɛ̀ hweyòhwèlì ema hwe òhwa nanù ema, ‘Mɔ̀kɔ à òna ndèŋgàna ɔ̀nɛyi mɔhvɛ a rzàŋga e mbòtà,’ hwe òhwa ndi è jɔ̀kɛ̀.

Yòwanìrzɛ̀ 5:20

Èhwanja Tatɛ̀ a lìŋgàni è Ŋmanà wà eni, ò èŋgànɛ̀lɛ̀ a mò uŋmɛ̀lɛ̀ mamɛ ya arzɛ ema mɔ̀ à gbeyà. A ò mò uŋmɛ̀lɛ̀ hvɛ hweyà hwe ndɛnɛ ò lì gbeyà lì aka hwenè, aŋga nanù òma inyɔ hwa arzɛ e ma jeja.

Yòwanìrzɛ̀ 7:33

Ndi Yerzù à mà hwa òhweyà nanù ema, “Nà hwèlì nà inyɔ ndi ŋmanà mbɔ, na timba òma e mɔ̀ ema à nò òmi.

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Hwègbèèlì 10:46

Èhwanja hwa mà hweyà nɛ hwaŋga hwatò hwa òhwa jòòhwì na ihvɛ-hvɛ mbɔrzi na lì eka Lohwɛ̀. Pètrò rzìi a òhwa nanù ema,

Hwègbèèlì 16:18

A ma gbeyà nanù ò tenì ya rzayì-rzayì ja mèenyà, natɛ̀ɛ e ma tàtìrzɛ̀ Pàwolò, rzi a mò ayeŋgòwɛ̀lɛ̀lɛ̀ a kanja èŋge èlìŋgɛ̀, a yò òhweyà nanù ema, “O lìna la ama Yerzù Krirztò na ò kànèlì ò mò anjiye ò nyò.” O lìŋgi lìrzakò mɛnɛ, èŋge èlìŋgɛ̀ ya wòhwe e ma mò anjiya ò nyò.

Hwègbèèlì 19:12

Hwàtò hwà mà wòwa tɔ̀ ìpɔ̀tìkà na hwehvɛhvɛni ema Pàwolò à mà gbeyàne, ò lì ɛndɛ lì wɔ̀wìrzɛ̀ hwà-òkèlì, na ò lì ulɛ hwèlìŋgɛ̀ hwe wòhwe ò inyò ja hwatò.

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 4:16

Hwà mà àyijòwànɛ̀ wɔ̀ na wɔ̀ nanù ema, “Mamɛ i tànɛyi lì gbeyàna hwanù hwatò e? Hwatò hwa arzɛ ò Jèrurzalɛ̀mù hwa hwi nanù ema wɔ̀ ndi hwa hwèlì e wɔ̀ ema hwa gbèyi ene eyà ndɛnɛ ya mànyakà. Irzɔ i rza tànɛyi lì unà tɔ̀ hvenda nanù ema hwa rza e gbèyi.

Hwègbèèlì 4:33

Nà ŋginyà ndɛnɛ i àpɔ̀rzìtòlò i ma hwɛ lì òhwa nanù ema hwa hwèlì ndi i mbòŋgi nanù ema Lohwɛ̀ à mà hvùmùlɛ̀ Rzàŋgò Yerzù. Lohwɛ̀ à mà hwa ŋgba wɔ̀ hwa arzɛ mònàmɛ̀ mò ndɛnɛ.

Hwègbèèlì 4:4

Ndi tɔ̀ nɛ hwà mà ŋgbaŋgɛ Petrò na Yòwanìrzɛ̀, rzayì-rzayì ja hwatò ema hwà mà hweya ŋmɛ̀ndì mò awu hwà mà lòkɛ̀. Mɔ̀rzɔ̀ŋgi mò hwàlòkèlì mò ma uka hwekòlì hweta hwe hwatò.

Hwègbèèlì 5:15

Nàa e mbakò ya mamɛ ema i àpɔ̀rzìtòlò i ma hwɛ lì gbeyà, hwatò hwà mà hwanɛ hwaŋga ema hwà mà ɔ̀kirzɛ̀ ò lì hwa ika ò tòŋgòŋgò jà mà njiya, rzìi hwa hwà nàŋgirzɛ ò mànɔ̀ŋgɔ̀ na ò hwèrzarzì aŋga. Hwà mà hwɛ lì gbeyà nanù na màlùtèyà nanù ema Pètrò à aka tɛ èlìŋgɛ̀ ya eni e hwa undeya ndèŋgànà hwa ò wɔ̀wìrzɛ̀hwɛ.

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.

Hwègbèèlì 8:7

Hvìlìpì mɔ̀ à mà gbeyà hwèlìŋgɛ̀ hwe wòhwe hwe mà anjiya nà mòrzeya mòndɛ̀nɛ̀ ò inyò jà rzayi-rzayi jà hwatò. Hwatò rzayi-rzayi ema hwa mà ɔ̀kirzɛ̀ è nyàmbɛ yà njɛmbu nà mbòkò, hwa mà wɔ̀wìrzɛ̀hwɛ̀.

Hwègbèèlì 9:34

Pètrò à mà mò òhweyà nanù ema, “Aneyàrzì e, Yerzù Krirztò a ò wɔ̀wìrzɛ̀ anu naŋgɛ. Tɛmɛ ò ŋmanyu, ò rzeeya lìnɔ̀ŋgɔ la aŋgɔ̀.” Ŋgelì hvɔ̀kɔ Aneyàrzì à mà tɛ̀mɛ̀nɛ.

Hwègbèèlì 9:40

Pètrò à mà hwa wurzirzɛ hwa arzɛ ò tenì ya eŋge tùu, rzìi a rzùma màwɔ̀ŋgɔ̀ŋgɔ̀ ma eni ò rze, rzìi a wòteyà ò lì kànɛ̀. Rzi a àyèŋgòwɛ̀lɛ̀lɛ̀ mòŋgò ŋmìmbà, a òhwa nanù ema, “Tàbità, tɛ̀mɛ̀nɛ ò ŋmanyu!” Tàbità à mà kutuwa mìirzɔ ma eni. Nà òma à mà ɛnɛ Pètrò rzìi a tɛ̀mɛ̀nɛ̀.

Ròmànì 15:19

Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.