Yòwanìrzɛ̀ 14:11 - Mokpwe: Bakwery (New Testament)

¹¹ È nò lòkɛ̀yi, na òhwi tɛ nanù ema na hwèlì ò tenì ya ama Tatɛ̀ ndèŋgànɛ̀lɛ̀ hvɛ Tatɛ̀ a hwèlì ò tenì ya ami. È lòkɛ̀yi tɛ eŋge e lòkɛ̀ hvɛ hweyà hwe mànyakà ema na gbeyà.

Yòwanìrzɛ̀ 14:11 Mawu Ofanana

Yòwanìrzɛ̀ 10:25

Yerzù rzi a hwa alàhwɛ̀ nanù ema, “Nà ma lòma lì òhweyà ndi inyɔ e rza nò lòkɛ̀yì. È mbòŋgi e hwèlì ndi èwòlò ya hwètàmìrzèlèlì ema na gbeyà ò lìinà là mà e Tatɛ̀ wa ami.

Yòwanìrzɛ̀ 10:32

Ndi à mà hwa òhweyà nanù ema, “Nà ma e uŋmɛ̀lɛ̀ rzayi-rzayi ja hwèwòlò hwe gbamù ema hwe uwɛ̀lɛ̀lɛ̀yi ò ma Tatɛ̀. È arza lì nò uŋmanà màŋyàyi ò lì nò òŋwa. O ima èwòlò ema e arza lì nò uŋma màŋyàyi e?”

Yòwanìrzɛ̀ 10:38

Ndi imba na e gbèyi tɛ, e hwɛni lì lòkɛ̀ èwòlò ya eni tɔ̀ e hwɛ ndi nanù ema e rza nò lòkɛ̀. Aŋga nanù inyɔ e hwɛni lì lòkɛ̀ na lì hwiya na lì rzɔ̀ŋgìtɛ̀nɛ̀ ŋgelì hvɔ̀kɔ ò i ŋgelì ja arzɛ nanù ema Tatɛ̀ a hwèlì ò tenì ya ami ndèŋgàna imbahvɛ na hwèlì ò tenì ya eni ò ŋgelì ja arzɛ.”

Yòwanìrzɛ̀ 14:10

O rza lòkɛ̀ nanù ema imba na hwèlì ò tenì ya ama Tatɛ̀, ndèŋgànɛ̀lɛ̀ hvɛ Tatɛ̀ mɔ̀ hvɛ a hwèlì ò tenì ya ami e?” Yerzù rzìi a òhweyà hvɛ hwà-òkòwèlì hwa eni nanù ema, “È mbɔrzi ema na e òhweyà e rza uwɛ̀lɛ̀lɛ̀yi na imba. È mbɔrzi ya ami e hwèlì ndi ya ama Tatɛ̀, ema a hwèlì ò tenì ya ami, ema a gbeyà èwòlò ya eni.

Yòwanìrzɛ̀ 14:20

Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.

Yòwanìrzɛ̀ 5:36

Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.