Yòwanìrzɛ̀ 14:1 - Mokpwe: Bakwery (New Testament)

¹ Yerzù rzìi a òhweyà Hwà-òkòwèlì hwa eni nanù ema, “È rzi keka lì tàkirzɛ mèèmà me anyu. È lòkɛ̀ Lohwɛ̀, e nò lòkɛ̀ imba hvɛ.

Yòwanìrzɛ̀ 14:1 Mawu Ofanana

Yòwanìrzɛ̀ 11:33

Nà òma Yerzù a mà mò ɛnɛ na òma a eyà rzìi hwanɛ̀yi hwatò hvɛ hwa mò eyàna, Yerzù à mà wukumeya ò ŋmèma rzayi-rzayi rzìi a atàkìrzɛ̀.

Yòwanìrzɛ̀ 12:27

“Nàŋgɛ nanù nà tàkirzɛ̀hwɛ̀yi ò mèèmà mò ami. Ò èŋgànɛ̀lɛ̀ mamɛ nà hwɛnì lì òhwa e? Nà òhwe ndi nanù ema, ‘Tatà ò rzìi emeyà nanù ema mònò mòtàkà ema mò òŋgòlɛyi mò nò ùŋmànɛ̀lɛ̀.’ Jàyɛ̀! Nà rza òhwa nanù, èhwanja ene hvònda yà mòtàkà è ɔ̀ndi nà jɛ̀lɛ̀lɛ̀yi.

Yòwanìrzɛ̀ 12:44

Yerzù à mà òhwa ò lìlò lì kàrzami nanù ema, “Tɔ̀ ima mɔ̀ ema à nò lòkɛ̀yì, à rza nò lòkɛ̀yì ndi imba mɛnɛ, ndi à lòkɛ̀yì hvɛ nà e mɔ̀ ema a nò òmi.

Yòwanìrzɛ̀ 13:19

Nà è òhweyà naŋgɛ ndèŋgàna yè è gbèyɛ̀nɛ. Aŋga nanù è gbèyɛ̀nɛ̀yi tɛ inyɔ è ò lòkɛ̀ nanù ema, ‘Imba Nà Hwelì Ndi Njɛnɛ Èma Nà Hwelì.’

Yòwanìrzɛ̀ 16:24

Nàtɛ̀ɛ nà nàŋgɛ è rzi mò ijòwi tɔ̀ yomà ò lìnà là ami. E ijòwa Lohwɛ̀, à ò ŋgbà, òma mɔ̀nyɛ̀ŋgì mò anyu mò mà ònda.

Yòwanìrzɛ̀ 16:3

Wɔ̀ wò ò gbeyà ndi hwèŋge hweyà èhwanja, wɔ̀ hwa rzi hwi Tatɛ̀ tɔ̀ imba.

Yòwanìrzɛ̀ 16:6

È òndi na ndùtù èhwanja na e òhwèlì hwenè hweyà.

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

2 Kɔ̀rintìyà 2:7

O èŋgànɛ̀lɛ̀ rzɔ e mo làkìrzɛ̀ na lì mo ètìrzɛ̀ ŋmèma nàŋgɛ. Àŋga nanù e ndùtù ema a o hwɛnɛ e rza o mo lìteya.

Ɛ̀hvìrzìyà 1:15

Ò lìni lìtiŋgà nà mà hweyà nanù ema è lòkɛ̀ Rzàŋgo Yerzù Krirztò nà lì lìŋgàna hwatò hwa arzɛ hwa ama Lohwɛ̀. Ò èŋgànɛ̀lɛ rzɔ,

2 Tɛ̀rzàlonìyà 2:2

e rzi keka lì ahwèŋgɛ̀ o lì tameya màlùtèyà ma anyu, tɔ̀ e rzi keka lì emeyà nanù ema na oma hwatò hwa ohwa nanù ema wùùnya wo ama Rzàŋgo wo ma uka. Aŋgàmɛnɛ hwatò hwa hwèlì hwa lùteyà nanù ema, irzɔ i ma ohwa ene eyà na oma èlìŋgɛ̀ e ma jo lìyɛlɛ o lì ohwa hweyà ema i ma ohwe, tɔ̀ na oma i ma hwɛ lì e ohweyà ŋmɛ̀ndì mò gbamù, tɔ̀ na oma i ma e tìleya e yɔ o kààti. Ndi irzɔ i rzi gbeye nanù.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.