Yòwanìrzɛ̀ 13:8 - Mokpwe: Bakwery (New Testament)

⁸ Rzìmɔ̀nì Pètrò rzìi a mò timbirzɛlɛlɛ nanù ema, “Jàyɛ̀, Rzàŋgò ò rza tànɛyi lì nò rzòrza mataŋgà mà ami.” Yerzù rzìi a mò òhweyà ama, “Nà rza ò rzòrzi tɛ mataŋgà mà ɔ̀ŋgɔ, ò rza hwɛnɛ tɔ̀ eyà ò lì no gbeyàna imba.”

Yòwanìrzɛ̀ 13:8 Mawu Ofanana

Matiyò 16:22

Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja nanù ema, “Ìi Rzàŋgò Lohwà a rza tànɛyi lì emeyà ema e ò gbèyɛ̀nɛ!”

Matiyò 21:29

Oŋgò ŋmanà à mà timbirzɛlɛlɛ e rzaŋgò ya eni nanù ema, ‘Nà rza ɛ̀ndɛ.’ Ndi ò mburzà hvònda à mà tikòwa mɔ̀ŋgɛ̀lɛ̀ ma eni rzi a ɛ̀ndɛ.

Matiyò 26:33

Nà òma Yerzù à mà kulɛ̀ lì òhwa nanù, Pètrò rzìi à mà alàhwɛ̀ nanù ema, “Tɔ̀ è hwɛ ndi ema hwanɛ̀yi hwa arzɛ hwa ò rzɔ̀rzì imba nà rza tànɛyi nà ò rzɔ̀rzɔ̀.”

Matiyò 26:35

Pètrò rzìi à alàhwɛ̀ nanù ema, “Tɔ̀ è hwɛ ndi nanù ema nà hwɛni lì ŋwa nà ò wà nà rza tanɛ lì ò rzɔ̀rzɔ̀.” Hwanɛ̀yi Hwà-òkòwèlì hwa arzɛ wɔ̀ hvɛ hwa mà òhwa ndi nanù mɛnɛ.

Yòwanìrzɛ̀ 13:6

A ma ùke ò ma Pètrò, rzi Rzìmɔ̀nì Pètrò a mò ijòwa nanù ema, “Ìi Rzàŋgò kòkò, ò arza ndi lì nò rzòrza mataŋgà mà ami e?”

Yòwanìrzɛ̀ 13:9

Rzìmɔ̀nì Pètrò rzìi a timbirzɛlɛlɛ nanù ema, “È hwèlì tɛ nanù Rzàŋgò kòkò, ò rza rzòrza ndi mataŋgà mà ami mɛnɛ, ò rzòrza hvɛ màa na mòòhvò mò ami!”

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Hwègbèèlì 22:16

O naŋgɛ rzɔ, mamɛ ò wa ò hwèlì ò lì ambɛ̀lɛ̀ e? Tɛ̀mɛ̀nɛ̀ ò ŋmanyu ò emeyà nanù ema Yerzù a hwèlì ndi Rzàŋgò ya aŋgɔ̀, ndèŋgànɛlɛ hwa ò lùhwìrzɛ̀. Ène eyà e gbeyà Lohwɛ̀ a ò rzòrza wòhwe wò àŋgɔ.’”

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

Kòlòrzìyà 2:18

È rzi keka o lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì arzìirzɛ. Ndeŋgànɛ̀lɛ̀ e rzi keka lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì kànɛ i aŋgèlì nàa oma mɔ̀ à ji kànɛ. Inyɔ e gbèyi tɛ nanù e wɔ̀lɛnɛ jàhwèyà ema Lohwɛ̀ a ohwi nanù ema a e ŋgba. Tɔ̀ njɛnɛ ema a okòlɛ nanù, a ohwa ndi nanù ema a ɛni jɛ̀nɛ̀ni. Èŋge tumba mòtò e ohvi ndi kumba ya ŋgundu na hweyà hwe wòhwe ema hwe wurza o ŋmèma mo eni, a rza ohvi tɔ̀ lìtiŋga o lì uŋmɛ̀lɛ̀.

Kòlòrzìyà 2:23

Iŋgi mbenda je ɛneya ndi nàa o a ɛnɛ oma jo òhvi lìhwiyè rzàyi-rzàyi o tenì ya awu, ehwànja jo òkolɛ hwatò nanù ema wɔ̀ hwiti hwa hwɛni lì hwɛnɛ mèèmà me lì gbeyà hweyà ema hwe ambi, o lì uŋmɛ̀lɛ̀ na e jɔ̀kɛ̀ nanù ema wɔ̀ hwa oŋgama Lohwɛ̀. Iŋgi mbenda jo òkolɛ hwatò nanù ema hwa arzìirzɛ̀ wɔ̀ hwiti, rzìi hwa a ikɛ inyo ja awu o lì atàkìrzɛ̀ la jɔ̀kɛ̀. Ndi tɔ̀ e hwɛ ndi nanù ema hwatò hwa ikayi iŋgi mbenda, iŋgi mbenda i rza tànɛyi lì hwa oŋgowàna ema hwa rza ohva màlùtèyà ma wòhwe.

Tàyìtùrzì 3:5

Rzeketɛ o hweyà hwe ehve-ehve ema i ma gbeeye ɔ̀ndèŋgàtɛ̀ à mà jo rzùŋgà, ndi à mà jo rzùŋgà ndi o nyòla ììlì ja eni. Lohwɛ̀ à mà oma Èlìŋgɛ̀ yà Wòtani o lì rzorza wòhwe wo arzu, aŋga nanù jo o ŋyàahwà hwahvènya.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.