Yòwanìrzɛ̀ 13:4 - Mokpwe: Bakwery (New Testament)

⁴ Nà òma hwà mà hwɛ ò lì làa Yerzù rzìi a tɛ̀mɛ̀nɛ ò ŋmanyu, rzìi a ulɛ e kòti ya eni, rzi a akpatɛ nà e tawelì ò wòluwe wò eni.

Yòwanìrzɛ̀ 13:4 Mawu Ofanana

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Lukàrzɛ̀ 17:7

“È hwèlì tɛ ema mɔ̀kɔ wà ànyu à òhvi mògbèèlì ema à ɛ̀ndi ò wàŋgà ò lì tiyà mòònda, tɔ̀ lì ɔ̀ŋgeyà mɛ̀ɛ̀lɛ̀ŋgù. Òŋgò mògbèèlì à tìmbi tɛ ò ndawò, mamɛ ò mò òhweyà e? Ò mò òhweyà nanù ema, ‘jà anù ò lìya anù ò le.’

Lukàrzɛ̀ 17:8

Ŋgà ò mò òhweyà ndi nanù ema, ‘O nò ihvɛlɛlɛ mòlelì mò ami, ò nò akɛlɛlɛ è mɔ̀. O nò tɛmeya ò tòŋgòŋgò natɛ̀ɛ na kulɛ̀ lì làa ndèŋgàna ò wà hvɛ ò e làa.’

Lukàrzɛ̀ 22:27

O hwèlì tɛ hwatò hwàhwàkɛ̀, mɔ̀kɔ ema à lìyayi ò tehwèlì, nà ɔ̀nɛ̀yi ema à hwèlì lì mò gbèeyà, njɛnɛ à akayi ɔ̀nɛ̀yi e? Rzekɛ è mɔ̀ ema à lìyayi ò tehwèlì e? Ndi ìmba nà hwèlì anù nà inyɔ nàa mògbèèlì wà ànyu.

Yòwanìrzɛ̀ 13:12

Nà òma Mɔ̀ à mà kulɛ lì hwa rzòrza mataŋgà mà awu, rzìi a timbirzɛ e kòti ya eni ò nyò, a tìmba hvɛ ò hwèlìyelì hwe eni. A ma hwa ijòwa nanù ema, “È rzɔ̀ŋgìtɛ̀nɛ̀yi mamɛ na e gbèelì nanù e?”

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

1 Yòwanìrzɛ̀ 3:11

Ŋmɛ̀ndì mò gbamù ema è mà hwèye natɛ̀ɛ nà ò hwèwòtèlì mò hwèlì ndi nanù ema, è alìŋgànɛ mɔ̀kɔ nà ɔ̀nɛyi.