Yòwanìrzɛ̀ 13:23 - Mokpwe: Bakwery (New Testament)

²³ Mɔ̀kɔ wà hwaŋga hwànɔ̀ŋgèlì hwa ama Yerzù ema mɔ̀ à mà lìŋgàne rzìi à lììyà ò tòŋgòŋgò yà eni.

Yòwanìrzɛ̀ 13:23 Mawu Ofanana

Lukàrzɛ̀ 16:22

“È hvònda ema mòŋgò mòlìrza mò mòtò mò mà ŋwe, i aŋgèlì ì mà mò wòwa, ì mò ɛ̀ndɛnɛ ò tòŋgòŋgò yà àma Abràhamù. Èŋge èhwàŋgì ya mòtò yɔ hvɛ rzìi e ŋwa, rzìi e imawɛ̀lɛ̀hwɛ̀.

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 11:3

Aŋga ndi indòmɛ̀ jà eni jà à òmɛ̀nɛ̀ Yerzù ŋmɛ̀ndì nanù ema, “Rzàŋgò, mbunda aŋgɔ̀ wa ndìŋgɛ ya màlìŋgò a òkà.”

Yòwanìrzɛ̀ 11:36

Wònyà Yudà ema hwà mà ukeya aŋga rzìi hwa òhwa nanù ema, “Ò jɔ̀kɛ̀ à mà mò lìŋgana ò!”

Yòwanìrzɛ̀ 11:5

Yerzù à mà lìŋgàna Mata, Màlìyɛ̀ na Làrzàrɔ̀rzì.

Yòwanìrzɛ̀ 13:24

Rzìmɔ̀nì Pètrò rzìi à mò hvɛ̀ŋgɛ̀ mììrzɔ̀ à òhwà nanù ema, “Ò mò ijòwe njɛnɛ à hwèlì è mòtò.”

Yòwanìrzɛ̀ 13:25

Oŋgò mòòkòwèlì rzìi a rzùrzùhweyà lì kòmbɛnɛ Yerzù, a mò ijòwa nanù ema, “Ìi Rzàŋgò, njɛnɛ a hwèlì òŋgò mòtò e?”

Yòwanìrzɛ̀ 19:26

Nà òma Yerzù à mà ɛnɛ nyàŋgò yà eni nà è mòòkòwèlì ema à mà lìŋgàne hwa tɛ̀mì aŋga rzìi à òhweyà nyàŋgɛ nanù ema, “Iyàkà è ŋmanà wà aŋgɔ̀ òŋgò.”

Yòwanìrzɛ̀ 20:2

A ma ɛ̀ndɛ lìhwaŋgi na lì hvinjɛlɛ rzi a ùŋmanɛlɛ Rzìmɔ̀nì Pètrò nà òhvɛhvɛ mòòkòwèlì wa ama Yerzù, òŋgò mòòkòwèlì à mà hwɛ ndi e mɔ̀ e ma Yerzù à mà lìŋgàne. Rzìi Màlìyɛ̀ a hwa òhweyà nanù ema, “Hwà mà ulɛ èhwèmbè ya ama Rzàŋgò ò rzɔ̀ŋgɔ̀, ò èŋgànɛ̀lɛ̀ i rza hwi èki ema hwa mò ikayi.”

Yòwanìrzɛ̀ 21:20

Pètrò à mà ɔ̀ŋgɔ ò mburza rzìi à ɛnɛ ɔ̀nɛyi Mòòkòwèlì wà ama Yerzù ema Yerzù à mà lìŋgàne à hwa òŋgama. È mɔ̀ ema à mà lììyà Yerzù ò tòŋgòŋgò è hvònda hwa mà hwɛ lì làa è ŋgòmbe. Mɔ̀ hvɛ ndi à mà ijòwa nanù ema, “Ìi Rzàŋgò njɛnɛ à hwɛnì lì ò àhwirzɛ̀ e?”

Yòwanìrzɛ̀ 21:24

È mòòkòwèlì ò nò ema a tɛ̀mɛ̀ mbòŋgi ya hwene hweyà ndèŋgàna mɔ̀ ndì a hwe tilì. Ndèŋgana i hwi nanù ema tɔ̀ mamɛ a òhwi e hwèlì ndi e jɔ̀kɛ̀.

Yòwanìrzɛ̀ 21:7

È Mòòkòwèlì ema Yerzù à mà lìŋgàne, rzìi a òhwà nanù ema, “È hwèlì ndi Rzàŋgò!” È hvònda Rzimɔ̀ni Pètrò à mà hweye nanù ema Rzàŋgò òŋgò, à mà wɔtɔ̀ mòŋgòmbè mò eni (Èhwanja à mà ulɛ màatù ma eni). Rzìi à hvanja, a unda ò tenì ya malìhwa.