Yòwanìrzɛ̀ 13:22 - Mokpwe: Bakwery (New Testament)

²² Hwà-òkòwèlì hwa eni rzi hwa àyinjànɛ̀ kɔ̀yi-kɔ̀yi mɔ̀kɔ na ɔ̀nɛyi èhwanja wɔ̀ hwa rzìi hwiye e mɔ̀ ema à mà hwɛ lì òhwa lì hvòmɛ̀nɛ̀.

Yòwanìrzɛ̀ 13:22 Mawu Ofanana

Matiyò 26:21

Nà òmà hwa mà hwɛ lì laa, Yerzù rzìi a hwa òhweyà nanù ema, “Nà e òhweyà na e jɔ̀kɛ̀ nanù ema, mɔ̀kɔ wa anyu a ò nò akɛlɛlɛ ò màà mà hwàkɔ̀yèlì hwa ami.”

Matiyò 26:22

Hwà-òkòwèlì hwa ama Yerzù hwà mà tuwa mèèmà rzìi hwa wòteyà lì mò ijòwa mɔ̀kɛ-mɔ̀kɛ nanù ema, “Ìi Rzàŋgò na lòkɛ̀ nanù ema rzeketɛ imba ndi ò òhwàna e?”

Makòrzì 14:18

Nà òmà hwà mà hwɛ lì làa ò tehwèlì, Yerzù rzìi a hwa òhweyà nanù ema, “Nà e òhweyà na e jɔ̀kɛ̀ nanù ema, mɔ̀kɔ wa anyu ema a làa anù nà ìmba a hwɛnì lì nò akɛlɛ ò maà ma hwàkɔ̀yèlì.”

Makòrzì 14:19

Ène eyà e mà tùulɛ̀ mèèmà me hwà-òkòwèlì hwa eni rzìi hwa wòteya lì mò ijòwa mɔ̀kɔ ò mburzà ɔnɛyi, nanù ema, “Nà hwi ema rzèketɛ imba ò.”

Lukàrzɛ̀ 22:21

Ndi è ɔ̀ŋgɔ tɛ è mɔ̀ ema à ò nò ahwìrzɛ̀ à hwèlì anù, à làa nà ìmba.

Lukàrzɛ̀ 22:23

Aŋgà ndi hwà-òkòwèlì hwa mà wòteyà lì àyijòwànɛ̀ mɔ̀kɔ nà ɔ̀nɛ̀yi, njɛnɛ wà awu à tànɛyi lì gbeyà ène nyàyi yà eyà.

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 13:21

Yerzù à mà kulɛ lì òhwa hwenè hweyà, à mà òhva ndùtù ò ŋmèma mò eni rzìi a òhweyà hwà-òkòwèlì hwa eni gbèegbèe nanù ema, “Nà e òhweyà ndi e jɔ̀kɛ̀, mɔ̀kɔ wa anyu a hwɛnì lì nò akɛlɛ ò màà mà hwàkɔ̀yèlì hwa ami.”